အပြည့်အစုံသို့...ပြန်ခေါက်ထားပါ...
27 June, 2012
22 June, 2012
21 June, 2012
လရောင် ငြိမ်းချမ်းရေး စင်ကြယ်ခြင်းတေးကဗျာ
လွတ်မြောက်ရေးချိုးဖြူငှက်
လမိုက်ညရဲ့ ပိုးစုန်းကြူး
အကြမ်းမဲ့တိုက်ပွဲများရဲ့ သေနာပတိ
ခွပ်ဒေါင်းအပေါင်းရဲ့ မြတ်မိခင်။
နိုက်တင်ဂေးလ်ရဲ့တမန်တော်
ကမ္ဘာမြေတည်တံ့ခြင်းတေး
ငြိမ်းချမ်းရေးချစ်ခြင်းကဗျာ။
ဓမ္မကိုဆုပ်ကိုင်ရင်း
အဓမ္မတွေကြုံခဲ့ရ။
နွံထဲမှာပွင့်တဲ့ကြာ
အနိဌာရုံတွေထဲမှာ
သာတဲ့လမင်း။
ခေတ်တွေလင်းဖို့
အချစ်တွေခင်းခဲ့တယ်။
အန်တီ…
အမှောင်ခွင်းမဲ့အလင်းရောင်
သန့်စင်ကြည်လင်သော..
စင်ကြယ်မြင့်မြတ်သော..
ဖြောင့်မတ်တည်ကြည်သော..
အန်တီ..
လမ်းပျောက်သူတို့ရဲ့ ဓူဝံကြယ်
ရိုးသားဖြူစင်သော..
မဟာကရုဏာကြီးမားသော..
စွန့်လွှတ်ပေးဆပ်သော..
အန်တီ..
ခေတ်သစ် ရှင်စောပု..။
နှင်းဆီဖြူတစ်ပွင့်လိုလှတယ်
ကျောက်ဆောင်ကျောက်သားလို ခိုင်မာမြဲမြံတယ်
သီလလုံပြီး သမာဓိတည်တယ်…
အန်တီ..
ကမ္ဘာသူကမ္ဘာသားအပေါင်းက ချစ်ခင်နှစ်သက်သောအန်တီ..
ဆိတ်ကွယ်ရာ အရပ်မှာတောင် မကောင်းမှုကို
မကျူးလွန်သော အန်တီ..
မှန်သောစကားကိုဆိုပြီး.. မှန်သော
အကျင့်ကိုကျင့်သော အန်တီ..
အန်တီ..
သင့် စင်ကြယ်မှုအား ညစ်ထေးမှုတို့သည်
မဖုံးလွှမ်းနိုင်
သင့် ရိုးဖြောင့်မှုအား
ကောက်ကျစ်မှုတို့သည် မကျော်လွှားနိုင်
သင့် မှန်ကန်မှုတွင်မမှန်ကန်မှုတို့ ဒူးထောက်ရပေသည်
သင့်တည်ငြိမ်မှုတွင် မတည်ငြိမ်မှုတို့
ကျဆုံးရသည်
သင့် ဓမ္မတွင် အဓမ္မတို့ အညံ့ခံရသည်
သင့်ကိုယ်ကျင့်သိက္ခာကား
ကြီးကျယ်လှပါသည်
သင့် ရဲရင့်မှုကား ထည်ဝါလှပါသည်
သင့် ဂုဏ်သတင်းကား မွှေးမြလှပါတော့သည်
အန်တီ..
သင့်အပြုံးသည် ကျွန်ုပ်တို့အတွက် လမ်းပြမြေပုံ ဖြစ်ပါသည်
သင့် စင်ကြယ်မှုသည် ကျွန်ုပ်တို့အတွက် လုံခြုံငြိမ်းချမ်းလှပါသည်
သင့်အားပိုင်ဆိုင်ခွင့် ရသော ကမ္ဘာမြေသည်
ကြီးကျယ် ခမ်းနားလှပါသည်
သင့်အား မွေးထုတ်ခဲ့သော ခေတ်သည် ထည်ဝါခန့်ညားလှပါတော့သည်
အန်တီ..
သင်နှင့်တစ်နိုင်ငံတည်းသား..
တစ်မြေတည်းနေ..
တစ်ရေတည်းသောက်..
တစ်လမ်းတည်းလျှောက်..
တစ်ခရီးတည်းသွားရတာဂုဏ်ယူပါသည်။
သင်သည် ကျွန်ုပ်တို့ အတွက်
ကမ္ဘာမြေက
ချီးမြှောက်သော
အမွန်မြတ်ဆုံးသော လက်ဆောင်
ဖြစ်ပါသည်..
Happy Birthday Aunty!!!!
မြန်မာပြည်လွတ်မြောက်ပါစေ!!!
ကမ္ဘာမြေငြိမ်းချမ်းပါစေ!!!
သင့် လိုအင်ဆန္ဒများပြည့်ဝပါစေသား!!!!
To Suu’s 67th Birthday falls on June 19th,
2012..
ငြိမ်းချမ်းအောင်
(ဇွန် ၂၀၊ ၂၀၁၂)
Labels:
My poem
16 June, 2012
15 June, 2012
09 June, 2012
02 June, 2012
Subscribe to:
Posts (Atom)
