12 November, 2013

၂၀၁၃ မြန်မာနိုင်ငံရေးစစ်တမ်း

ရာသီဥတုပူသည်
တောများအခုတ်ခံလိုက်ရ၍ဖြစ်သည်
တောင်များကိုမြေတူးစက်များဖြင့် ဖြိုကြသည်
မြစ်များကိုတာဖို့၏
ဓါတ်ငွေ့ပိုက်လိုင်းများနှင့် ပရောဂျက်ဆိုသည်တို့မှာ
အနာဂတ်၏မကောင်းဆိုးရွားများဖြစ်ကြ၏

တရားစီရင်ရေးမဏ္ဍိုင်မှာကျေနပ်ဖွယ်ဖြစ်သည်
ဥပဒေအထက်တွင် အဘတို့ရှိ၏
တရားရုံးများ၌ငွေများတရားနိုင်လျှက်ရှိသည်

ဥပဒေပြုရေးမဏ္ဍိုင်သည်အားရဖွယ်ဖြစ်သည်
လွှတ်တော်အမတ်များလွှတ်တော်တွင်အိပ်ငိုက်နေကြသည်

အုပ်ချုပ်ရေးမဏ္ဍိုင်မှာ အတုယူဖွယ်ကောင်းသည်
လယ်သိမ်း ယာသိမ်း သိမ်းလို့ရတာ အကုန်သိမ်းကြ၏
တောတွေရောင်း ဓါတ်ငွေ့ရောင်း ရောင်းလို့ရတာ အကုန်ရောင်းသည်
တောင်တွေဖြို မြစ်တွေဖြတ် ဖျက်ဆီးရေးဘက်မှာကျွမ်းကျင်သည်

စတ္တုတ္တမဏ္ဍိုင်ဆိုသော မီဒီယာဘက်ကိုကြည့်လျှင်
ပြည်တွင်းမီဒီယာများ ကြိုးစားကြသည်
ပြည်ပမီဒီယာများ အိုအိုင်စီ ပိုက်ဆံစား၍ ခွေးလိုအူကြသည်

အဘခေါ်၍ နောက်ဖေးပေါက်မှဝင်တတ်လျှင်
နေ့တွင်းချင်း ခရိုနီဖြစ်နိုင်သော ခေတ်မကုန်သေး

အတိုက်အခံဖက်ကိုကြည့်လျှင် အားတက်ဖွယ်ဖြစ်၏
“အမေခေါ်လျှင်ရှေ့တိုး ဝေဖန်လျှင်ဒိုး” မဟာဗြူဟာအောက်တွင်
“မီးစင်ကြည့်က” ပေါ်လစီချကာ ခရီးဆက်လျှက်ရှိသည်
နိုင်ငံရေးလုပ်လျှင်ခေတ်မီသည်ဟူသော ခေတ်ရေစီးကြောင်းအရ
109-110 သမားများ နိုင်ငံရေးပါတီဝင်ကြသည်
ရွာများသို့ စည်းရုံးရေးခရီးသွားကြ၏
လူထုနှင့် တသားတည်းကျရန်အတွက်
လူထုနှင့်အတူ ကြက်တိုက် ဖဲရိုက်
အရက်သောက်ခဲ့ကြသည် သတင်းကြား၏

ကိုလိုနီခေတ်တွင် မြို့ပိုင်များ အိုင်စီအက်စ်များပေါ်ခဲ့သည်
ဂျပန်ခေတ်တွင် စကားပြန်များပေါ်လာသည်
ယနေ့ကာလတွင်ငြိမ်းချမ်းရေးအကျိုးဆောင်ဆိုသူများပေါ်လာ၏
ခေတ်ကွဲသော်လည်း ထိုသူများသည် အတူတူဖြစ်၏
ပြည်သူများအနေဖြင့် နှစ်ဘက်ညှပ်ချခံရသဖြင့်
တနေ့တခြားထူးကဲစွာ ဆင်းရဲစုတ်ပြတ်လျှက်ရှိသည်

ငြိမ်းချမ်းရေးသည် လူတွင်ကျယ်လုပ်လျှက်ရှိ၏
အချို့က ကားနှင့်လဲကြသည်
ငြိမ်းချမ်းရေးက စားလို့မရ ကားကမောင်းလို့ရသည်
ငြိမ်းချမ်းရေးနှင့်ပွင့်လင်းလူ့အဖွဲ့အစည်းဆိုသော
ပါတီမဟုတ် အန်ဂျီအိုမဟုတ်
ဟိုမရောက်ဒီမရောက် အဖွဲ့များခေတ်စားသည်

၂၀၁၅ ကိုမျှော်သူများရှိ၏
၂၀၃၀ တိုင်လျှင်လည်း ထူးခြားမည်မဟုတ်

ပြည်သူများ ကိုယ့်အားကိုယ်ကိုးရမည်
ကယ်တင်ရှင်မရှိကြောင်း
သတင်းကောင်းပါးလိုက်သည်

ငြိမ်းချမ်းအောင်
အောက်တိုဘာ၊ ၂၁၊ ၂၀၁၃ 

ပြန်ခေါက်ထားပါ...

Read More...