19 December, 2010

ငါးတစ်ကောင်ရဲ့ဒုက္ခ

ကိုးလက်မတစ်ပေခွဲပတ်လည်အကျယ်အ၀န်းမှာ
မိုင်ပေါင်းထောင်သောင်းများစွာကူးခတ်နေရ
အဖော်တွေဆီဘယ်နေ့ရောက်မှာလဲ
အထီးကျန်ငါးကလေးဟာ
စိတ်မှန်းနဲ့ရမ်းယော်မျှော်မှန်း
နေ့စဉ်မိုင်ပေါင်းများစွာကူးခတ်နေတယ်
နန်းတော်လိုအချွန်အတက်တွေနဲ့
အိမ်သေးသေးလေးတစ်လုံးလည်းရှိတယ်
အခင်းကြမ်းပြင်မှာလှပတဲ့ရောင်စုံကျောက်ခဲလေးတွေရှိတယ်
ပန်းခြံနဲ့ကျောက်ခက်ကြိုကျောက်ခက်ကြား
အတုတွေနဲ့အလှဆင်ယင်ထားတဲ့ရေလှောင်ကန်လေးထဲမှာ
ငါးကလေးဟာအဖော်မဲ့တစ်ကောင်တည်းပဲ
နာရီတိုင်းမိနစ်တိုင်းကူးခတ်လို့နေခဲ့တယ်
ရွှေရောင်အသွေးအမွေးလည်းရှိတယ်
ကြည်စင်တဲ့အရေခွံလည်းရှိတယ်
တပ်မက်တိမ်းညွတ်ဖွယ်စွဲဆောင်နိုင်စွမ်းလည်းရှိတယ်
သူဟာ သူမတူအောင်လှပတဲ့အလှပိုင်ရှင်ငါးကလေးပေါ့
လှောင်ကန်ကိုနေ့စဉ်ရေလဲမယ်
ငါးကလေးကိုအစာကြွေးမယ်
နည်းနည်းအားတဲ့အခါ ငါးကလေးကူးခတ်နေတာထိုင်ကြည့်ရင်း
အပမ်းဖြေမယ်
လူတစ်ယောက်လား၊ နှစ်ယောက်လား
မိသားစုတစ်စုလား
စိတ်အာသာပြေဖို့
ငါးကလေးဟာလှောင်ကန်ထဲမှာ
မိုင်ထောင်ပေါင်းများစွာ မမောမပမ်းကူးခတ်လို့နေခဲ့တယ်။

ငြိမ်းချမ်းအောင်

Read More...

16 December, 2010

သံမဏိပိုးမျှဉ်လမ်းခွဲ

တစ်နေ့ခွဲရမှာပဲ
ကောင်မလေးရေ
တစ်နေ့တော့ခွဲရမှာပဲကွယ်

ဒီသံသယာဆိုတဲ့ခရီးရှည်ထဲ
မင်းလည်းတစ်ယောက်တည်း
ငါလည်းတစ်ယောက်တည်း

တည်မြဲခြင်းဆိုတာ
တစ်နေ့တော့ခွဲရမှာပဲ
ကောင်မလေးရေ
တစ်နေ့တော့ခွဲရမှာပဲ

ချစ်လည်းခွဲ
မုန်းလည်းခွဲ
ပြုံးလည်းခွဲ
မဲ့လည်းခွဲ
ပျော်လည်းခွဲ
ပျင်းလည်းခွဲ

တစ်ယောက်ယောက်က
တစ်ယောက်ယောက်ကိုလမ်းခွဲ
တစ်ယောက်ယောက်ကို
တစ်ယောက်ယောက်ကလမ်းခွဲ

တစ်နေ့တော့ခွဲရမှာပဲ
ကောင်မလေးရေ
တစ်နေ့တော့ခွဲရမှာပါပဲကွယ်။ ။

ငြိမ်းချမ်းအောင်

Read More...

04 December, 2010

ဆေးစက်ကျရာ ဆွဲထားတဲ့ကဗျာ

ဆေးသားတွေစွန်းထင်သွားအောင်
ကဗျာနဲ့ ပန်းချီကားကိုဖျန်းပက်လိုက်တယ်။

ဒီကမောင်ကြီးရယ်လေ
ချစ်လိုက်ရတာ
“နှင်း..” ရယ်။

ညကမက်တဲ့ဆောင်းအိပ်မက်ထဲမှာ
"နှင်း.." ရယ်လေ
အဖြူရောင်ဆွတ်ဆွတ်ဖွေးဖွေးအုလို့က

ကိုယ့်ကိုလက်ယပ်ပြီးခေါ်နေတယ်။

စိတ်ညစ်တယ် “နှင်း..” ရယ်
လမ်းထိပ်ကချီးမွမ်းနေကျအဒေါ်ကြီး
ကွယ်ရာမှာ နှင်းအကြောင်းမကောင်းပြောနေတာ
ကိုယ်နားနဲ့ဆတ်ဆတ်ကြားခဲ့ရတယ်။
 

အသိဉာဏ်ဆိုတဲ့ကန့်လန့်ကာပါးပါးလေးသာ ခြားမနေတော့ရင်
လူနဲ့တိရစ္ဆာန်ဘာကွာခြားတော့မှာလဲ
မသိစိတ်များစွာစိတ်ရုပ်နာမ်နှစ်ပါးနဲ့တည်ဆောက်ထားတဲ့လူ့ဘုံလောကကြီး
ငါ့အကြောင်းတောင်ငါမသိသေးတာ
မနက်ဖြန်ခါဘာဖြစ်မယ်ဆိုတာငါမသိနိုင်ဘူး။

အဲဒီတိုးလျိုးပေါက်မြင်နေရတဲ့အခန်းငယ်ထဲ
ချစ်သူ “နှင်း..” များပုန်းအောင်နေလေမလား
စိတ်ကူးယဉ်မိသူငါသာ ရူးမိုက်သူဖြစ်တော့တယ်။

“နှင်း..ရေ”
“နှင်း..ရေ”
ကိုယ့်လက်နဲ့ဆုပ်ကိုင်မိသောအရာများ
ရွှေဖြစ်ပါစေသား
ရေငတ်သူရေရစေ..
အစာငတ်သူအစာရစေ..
ကိုယ့်မျက်ဝန်းနဲ့အကြည့်ချင်းဆုံမိသော မျက်လုံးများ
အားအင်အသစ်ဖြစ်စေသား။

ယာခင်းထဲကခြေသွားလမ်းကလေးအဆုံး
သပ်သပ်ရပ်ရပ်တောင်ယာတဲလေးတစ်လုံး
ဘ၀ကိုစိတ်သောကပူလောင်ခြင်းနဲ့ကင်းဝေးရာ
ငြိမ်းအေးချမ်းမြအဆုံးသတ်ချင်သလား
စွန့်လွှတ်မူတိုင်းမှာ စွန့်စားမူပါခဲ့တယ်။

အသက်ကြီးလာလေကိလေသာအမိုက်တွေနည်းပါးလေ
အသက်ကြီးလာလေကုသိုလ်စိတ်ပွားများလေ
အဲဒီဂုဏ်မောက်တဲ့လူ့ဘ၀။

သေခါနီးလူနာကို Long Live သွားလုပ်နေရင်
နောက်ပြောင်တာနဲ့တူမနေဘူးလား
ငါကလည်းလူတစ်မျိုး ဆောင်းဦးပေါက်ခြံမီးရိူ့တဲ့
မီးခိုးတွေရဲ့ရနံ့ကိုခံစားလို့ရတယ်
စားသောက်ဆိုင်ကညှော်နံ့ကိုခံစားလို့မရဘူး။

ဆေးသားတွေစွန်းထင်သွားအောင်
ကဗျာကို ပန်းချီကားနဲ့ပက်ဖျန်းလိုက်တယ်။

ဒီကမောင်ကြီးရယ်လေ
ချစ်လိုက်ရတာ
“နှင်း..ရယ်”။


ငြိမ်းချမ်းအောင်

Read More...

26 November, 2010

"သူမဟာ မြန်မာပြည် ဖြစ်တယ်"

စာဖတ်သူ said...

ကဗျာဆရာကတော့ အချစ်ကဗျာရေးတာပါပဲ။ စာဖတ်သူကတော့ ဒီကဗျာကို ဖတ်ပြီး ကိုယ်လေးစားတဲ့ အမျိုးသမီးကို အစားထိုးထည့်ကြည့် မိတယ်။ ပြီးတော့ ခုလို ပြန်ရေးကြည့်မိတယ်။ မူရင်း ကဗျာရဲ့အနှစ်သာရ ပျက်ပြယ်သွားခဲ့ရင် ဆောရီးပါပဲ။
++++++++++++++++++++++++++++
"သူမဟာ မြန်မာပြည် ဖြစ်တယ်"

ပြည်တွင်းယက်ထည် ချည်လုံချည်သာ ၀င်ဆင်ပါသော ...
ပြည်သူများအရေး အလေးပေးကာ တနေ့ငါးနာရီ သတင်းနားထောင်သော ...
နက်မှောင်နွယ်ဖြာ ဆံကေသာမှာ မာလာပန်းခက် ဆင်မြန်းတတ်သော ...
သူမသည်သာ မြန်မာပြည် အစစ် ဖြစ်ကြီးဖြစ်တယ်။

တခါတွေ့က တသက်မမေ့စရာ မစွမ်းသာသော ...
မေတ္တာဓာတ်ပြည့် ကရုဏာငွေ့လွှမ်း တင့်တယ်ဆန်းသော ...
သူမသည်သာ မြန်မာပြည် အစစ် ဖြစ်ကြီးဖြစ်တယ်။

တိမ်မျှင်ကင်းပ လှပပြာလွင် မိုးကောင်းကင်ထက် ကြည်လင်လတ်သော ...
ပြည့်ရွှန်းတောက်ပ လပြည့်ညထက် ချမ်းမြေ့အေးမြ သာယာလှသော …
ကတ္တီပါနက်ပြာ မိုးဝဠာမှ ကြယ်တာရာထက် ပိုလင်းလက်သော ...
နေမင်းသူရိန် ရောင်ဝါရှိန်ထက် လင်းထိန်တောက်ပ နွေးထွေးလှသော ...
ဖိုးအနဂ္ဂ ထိုက်တန်လှစွာ ရတနာထက် ပိုမြင့်မြတ်သော ...
သူမသည်သာ မြန်မာပြည် အစစ် ဖြစ်ကြီးဖြစ်တယ်။

ရနံ့စုံစွာ ပန်းမာလာထက် လွန်စွာမွှေးကြိုင် သင်းပျံ့လှိုင်သော …
ခက်ထန်သူအား နူးညံ့သွားအောင် စွမ်းဆောင်နိုင်သော …
ဣတ္ထိများစွာ လူတကာထက် သာလွန်မြတ်သော ...
သူမသည်သာ မြန်မာပြည်အစစ် ဖြစ်ကြီးဖြစ်တယ်။

သေအံ့မူးစွာ လူမမာကို ညင်သာနှစ်သိမ့် ပေးစွမ်းစိမ့်သော ...
ဂီတသံစဉ် တေးဝိညာဉ်ထက် သာယာမြည်ချို နှုတ်ခွန်းဆိုသော ...
ထက်မြက်တောက်ရွှန်း ကြည်မျက်ဝန်းမှာ အားမာန်ပါသော ...
သူမသည်သာ မြန်မာပြည်အစစ် ဖြစ်ကြီး ဖြစ်တယ်။

စမ်းရေသံလို မြည်သံချို၍ မေတ္တာပြည့်သော ...
ဂုဏ်ကျက်သရေ ကိုယ်နေလန်းဆန်း ရွှေရောင်လွှမ်းသော ...
ထက်မြက်စကား ခွန်အားများစွာ ပေးစွမ်းပါသော ...
သူမသည်သာ မြန်မာပြည်အစစ် ဖြစ်ကြီးဖြစ်တယ်။

အသက် ခြောက်ဆယ့်ငါး
ထိုမိန်းမသားရဲ့
အင်အားမဟာ
မြန်မာအပြင်
ကမ္ဘာပင် လွှမ်းခဲ့ ...

အိုနေသော်လဲ
ပျိုဆဲမိခင် … အိုမိခင်ငဲ့
ခြေရာခွက်ထဲ
ရေနည်းသော်ငြား
ပင်လယ်မှားမှတ်
ကူးခတ်နေသူ
ထိုလူစုအား
အမှန်အမှား ခွဲခြားပါလှည့်
ခွဲပေးလှည့်လော့ … ။

ပါးရေနားရေ
တွန့်ကြေသော်ငြား
ခွန်အားရှိဆဲ ပျိုဆဲမိခင်
အို မိခင်ငဲ့ …
ကောင်းကင်ယံထက်
လင်းလက်သော်တာ
ငွေစန္ဒာအား
ရငြားပါစေ ထိုးဟောင်နေသော
တောခွေးနှင့်တူ
ထိုလူတွေအား
အမှန်အမှား ခွဲခြားပါလှည့်
ခွဲပေးလှည့်လော့ … ။

နိုင်ငံ့အရေး
တိုင်းရေးဟုသာ
ဆိုနေပါလည်း
မိမိအရေး ကိုယ်ရေးသာကြည့်
အတ္တပြည့်သူ
ထိုလူတွေအား
အမှန်အမှား ခွဲခြားပါလှည့်
ခွဲပေးလှည့်လော့ … ။

အလင်းကိုရှောင်
အမှောင်ထဲတိုး
အဆိုးဘက်သာ ဦးတည်ပါသော
ဒီလောကသား
လူအများတွက်
လင်းလက်ရောင်ရွှန်း
ထွန်းညှိပေးပါ
ညှိပေးပါလော့ ... ။

ကမ္ဘာတ၀ှမ်း
ငြိမ်းချမ်းပါစေ ...
တောင်းဆုချွေရင်း
မြန်မာပြည်စစ်စစ်
ဖြစ်ကြီးဖြစ်သူ
ထိုသူမအား
ချမ်းမြေ့စေသား
အေးစေသားဟု
ဦးညွှတ်ဆုတောင်း
မေတ္တာလောင်းသည်
နှစ်ထောင်းအားရ ရှိစေသောဝ်။
++++++++++++++++++++++++++
p.s
မကြိုက်ရင် ဖျက်လိုက်နိုင်ပါတယ်။ ကဗျာဆရာရေးတဲ့ စာပိုဒ် တပိုဒ်ချင်းနဲ့ လိုက်ဖက်အောင် ကြိုးစားရေးကြည့်ထားတာပါ။ (စာပိုဒ် အားလုံးတော့မဟုတ်ပါဘူး။)

Read More...

24 November, 2010

“သူမဟာ အမေရိကတိုက်ဖြစ်တယ်”

ဘနားနားရီပတ်ဘလစ်ဂျင်းဘောင်းဘီဖင်ကြပ်အမြဲဝတ်သော
တစ်ပတ်မှာသုံးခါ Gym ကိုလာတတ်သော
Tamming နဲ့မိူင်းမိူင်းညိုညိုအရောင်အဆင်းရှိသော
သူမဟာ အမေရိကတိုက်ဖြစ်တယ်..

တစ်ခါတွေ့ရင်တစ်သက်မေ့ဖို့ရာမဖြစ်နိုင်သော
ညှို့ဓါတ်ပိုင်ရှင်… ဓါတ်မသဘာဝအပြည့်ရှိသူ
သူမဟာ အမေရိကတိုက်ဖြစ်တယ်..

မိုးရွာပြီးစ ကမ္ဘာမြေထက်သန့်ရှင်းလတ်ဆတ်သော
လပြည့်ညကြယ်တာရာတို့ထက်လင်းလက်တောက်ပသော
လမင်းတစ်ရာထက် ချင်းလင်းဝင်းပသော
နေဆယ်ဆင်းမက ထိန်လင်းရွှန်းပသော
ရတီအများဆုံးစိန်ပွင့်တွေထက်အဖိုးအနဂ္ဂထိုက်တန်သော
သူမဟာ အမေရိကတိုက်ဖြစ်တယ်..

ပန်းပွင့်တကာတို့ထက်မွှေးကြိုင်သင်းပျံ့သော
စစ်ထိုးခါနီးယောင်္ကျားရင့်မာကြီးတို့အားတားဆီးနိုင်စွမ်းသော
မိန်းမမြတ်အားလုံးရဲ့အထွတ်အမြတ်ဖြစ်သော
သူမဟာ အမေရိကတိုက်ဖြစ်တယ်..

သေအံ့မူးလူနာတွေကိုပြုံးပျော်ရွှင်မြူးနှစ်သိမ့်ကြည်နူးစေနိုင်သော
ဂီတတကာတို့ထက်ယစ်မူးသာယာနာပျော်ဖွယ်ကောင်းသော
သားသမင်တို့ရဲ့မျက်ဝန်းလိုနှစ်လိုဖွယ်ဖြစ်သော
သူမဟာ အမေရိကတိုက်ဖြစ်တယ်..

စမ်းချောင်းရေစီးသံလိုညက်ညောညင်သာသော
ရွှေအဆင်းလိုဝါ၀င်းသောအသားစိုင်တို့ရဲ့ပိုင်ရှင်ဖြစ်သော
ချစ်ဖွယ်သောစကားကို တွတ်တီးတွတ်တာဆိုတတ်သော
သူမဟာ အမေရိကတိုက်ဖြစ်တယ်..

ကြွကြွရွရွညက်ညောညင်သာလှမ်းလျှောက်တတ်သော
ရင်သပ်ရှုမောဖွယ်၊ နှစ်သက်ကြည်နူးဖွယ်၊ တပ်မက်တွယ်ညိဖွယ်အလှဘုရင်မ
သူမဟာ အမေရိကတိုက်ဖြစ်တယ်

ကောင်မလေးရယ်
ငါဟာ
နွားခြေရာခွက်ကို သမုဒ္ဒရာရေပြင်မှတ်ပြီး
မမောမပမ်းကူးသန်းနေမိသူလား

ငါဟာ
ပိုင်ဆိုင်ခွင့်မရလို့
လရောင်ကို ထိုးထိုးဟောင်နေတဲ့ တောခွေးအတစ်ကောင်လား

ကောင်မလေးရယ်
အချစ်ဆိုတာ
ဇက်ကြိုးဖြေလွှတ်ပေးလိုက်တဲ့ပြိုင်မြင်းတစ်ကောင်းလို
ကဆုန်စိုင်းဝိုင်းဒိုင်းကြဲပြေးလွှားပေါက်ကွဲတတ်တဲ့အရာမျိုးလား

ဒါမှမဟုတ်
နူးနူးညံ့ညံ့သိမ်သိမ်မွေ့မွေ့မိုက်မိုက်မဲမဲစွဲလန်း
တိတ်တိတ်ကလေးကြိတ်လွမ်းနေရတာမျိုးလား

ချစ်တယ်ကောင်မလေးရယ်
လူသားစစ်စစ်ဧကန်ဖြစ်တဲ့ငါ့သဘောထားအမှန်ကိုတင်ပြခွင့်ပေးပါ
နားနဲ့မနာဖ၀ါးနဲ့သာကြားနာပါတော့
လုံးကျစ်ဖုထစ်မင်းတင်ပါးလေးကိုချစ်တယ်
ရင်ဖိုမသန်းခုံးထမောက်ကြွမင်းရင်သားတွေချစ်တယ်
မင်းဖောဌသအာရုံအားလုံးကိုချစ်တယ်
ဆေးမဆိုးပန်းရောင်သန်းလက်သည်းခြေသည်းတွေကိုချစ်တယ်
မိမွေးတိုင်းဖမွေးတိုင်းရွှေဝါရောင်ဆံနွယ်ခွေကလေးတွေချစ်တယ်

နှစ်ဆယ့်တစ်နှစ်အရွယ်အဲဒီအမျိုးသမီးငယ်ဟာ
နှစ်ဆယ့်တစ်ရာစု ကမ္ဘာကြီးဖြစ်ခဲ့ပါသလား

တာဝတိသာက နတ်သမီးတစ်ပါးကို ငါမမြင်ဖူးဘူး
ဘုံကြိုးပြတ်တဲ့နတ်မျိုးနွယ်သီချင်းကို ငါကြားဖူးတယ်

မိန်းမတစ်ယောက်ဟာ အချင်းတင်မက
အဆင်းပါလိုအပ်တာ ငါနားလည်လိုက်ပြီ။

မြန်မာပြည်သားဖြစ်ရလို့ငါဂုဏ်ယူနေမယ်
မင်းချစ်သူဖြစ့်ခွင့်မရတာငါဝမ်းနည်းတယ်။

ဆောင်းလေကြမ်းတွေရိုင်းရိုင်းကြမ်းကြမ်းတိုက်ခတ်နေတဲ့
အခုလိုရာသီမျိုးမှာ
ငါ့ရင်ဘတ်အုံကြီး ပူလောင်ကြွတ်ဆတ်လာတဲ့အထိ
မင်းကိုသတိယလိုက်တာ။

အလင်းထက်အမှောင်အမိုက်များတဲ့လောကမှာ
အကောင်းထက်အဆိုးဘက်ကိုဦးတည်နေတဲ့လောကမှာ
အဖြစ်ထက်အပျက်များတဲ့လောကမှာ
ကမ္ဘာကြီးငြိမ်းချမ်းပါစေ..
ချစ်စွာသော ထိုသူငယ်မလည်း ငြိမ်းချမ်းပါစေသား..
ချစ်စွာသော ထိုသူငယ်မလည်း ငြိမ်းချမ်းပါစေသား..
ချစ်စွာသော ထိုသူငယ်မလည်း ငြိမ်းချမ်းပါစေသား..

ငြိမ်းချမ်းအောင်

Read More...

17 November, 2010

“ငါရွေးချယ်လိုက်တာ မင်းပါ ရွှေကံ့ကော်ဝါ”

“ဟောဟိုမှာ…
အဘိုးအိုတစ်ယောက်
ဂန္တ၀င်မြောက်ကျောက်ဆစ်ပုတီးတစ်ကုံးထုဆစ်နေတယ်
ဒီမှာတော့…
ကောင်းခြင်းငါးပါးအလှတရားကိုဖြန့်ခင်း
မိန်းမမြတ်တစ်ယောက်ကျော့ရှင်းစွာထိုင်နေရဲ့”

ကဲ..မောင်ရင်။ မင်းဘယ်တစ်ခုကိုရွေးချယ်ကြည့်ရှုချင်သလဲ? တဲ့

အဘိဓ္ဓမာလွန်ကဲတဲ့အဲသလိုမေးခွန်းတွေကျုပ်ကိုမမေးကြပါနဲ့

ကံ့ကော်ရေ…
ချစ်သောကံ့ကော်ရေ
သစ္စာမပြယ် ရနံ့ကြွယ်ဆဲ
ဘ၀ဆက်တိုင်းလှနေမြဲရွှေကံ့ကော်ရေ
ပဋိပက္ခတွေရဲ့အဆုံးမှာ
မင်းနဲ့ပဲနေဖို့ ငါဆုံးဖြတ်လိုက်တော့တယ်
မွန်မြတ်သန့်စင်သောချစ်စွာသောရွှေကံ့ကော်ဝါ…

“ဘာ…”
တိုင်းပြည် “ချောက်” ထဲကျတော့မယ်ဟုတ်လား
သြော်အေးအေး
ငါလည်း နယူးရော့က၀ယ်လာတဲ့
လေမူတ်တူရိယာတစ်ခု
အမူတ်ကျင့်နေပါတယ်။
ပြီးတော့
သီတင်းကျွတ်တန်ဆောင်တိုင်ဆီမီးထွန်းညှိပူဇော်ပွဲတော်ကြီးလည်းနီးပါပြီ
အေးဆေးပဲ။ ဘာအကန့်မှမရှိဘူး။

အဲဒီအင်ဂျင်ကျနေတဲ့ ငါ့ဆိုင်ကယ်အစုတ်နဲ့လည်းဒုက္ခ
ငါ့အမြင်အာရုံကို ခလုပ်လာလာတိုက်နေတဲ့
ကောင်မလေးကလည်း ဒုက္ခ
တနင်္ဂနွေဈေးမှာပန်းဝယ်ပြီး
အိမ်ကဘုရားပန်းအိုးမှာ ပန်းအသစ်လဲလိုက်တယ်
ငါးပါးသီလယူတယ်
ဝေန္တေယျသတ္တ၀ါတွေကျန်းမာပါစေချမ်းသာပါစေ

မကြေနပ်ဖူးဆိုရင်
ကောင်မလေးရယ်
ငါထုတ်ခဲ့တဲ့စတိတ်မင့်နဲ့သာငါ့ကိုပေါက်သတ်သွားလိုက်ပါ
သေဖို့ကလွယ်ပါတယ်
နေဖို့သာခက်တာ။

“၁၁ ကျပ်ကျတယ်အစ်ကို” တဲ့
မနက္ကေစ်းထဲမွာ
လက်ဖက်ရည်က ၈ ကျပ်
အီကြာကွေးတစ်ချောင်း ၃ ကျပ်
ပေါင်း ၁၁ ကျပ် ကျသင့်တယ်။
လမ်းဘေးကဖိနပ်ချုပ်သမားလည်း ပညာရှင်ပဲ လို့
ကျနော်ပြောရင် ခင်ဗျားတို့ငြင်းချင်ကြသလား။

ရှိစေတော့
ရှိပါစေတော့
ငါ့ဒေါသတွေငါထိန်း
ငါ့သောကတွေငါသိမ်းပြီး
ကိလေသာအမိုက်အမှောင်တွေနဲ့ကင်းဝေးရာ..
ဖြူစင်သန့်ရှင်းသောသစ္စာတရားတို့ကိန်းဝပ်ရာ
ငါ့အရိုးပြာငါပိုက်လို့
မင်းရှိရာ ငါလိုက်ခဲ့မယ်
မွန်မြတ်သန့်စင်သောချစ်စွာသောရွှေကံ့ကော်ဝါရေ
မင်းရှိရာငါလိုက်လို့လာခဲ့မယ်…

ငြိမ်းချမ်းအောင်

Read More...

15 November, 2010

အဖြူရောင်နှင်းဆီသို့

ဆူးပင်ပါလျှက်
ခက်ထန်ကြမ်းရှ
ရိုးသားလှသူ
နှင်းဆီဖြူအား
ဆွတ်လိုငြားက
ချွေသွားမည့်လက်
ဆူးချက်သင့်စေ
စူးပါစေသား ...
စူးစေသား ..... ။

ငြိမ်းချမ်းအောင်နှင့် 'အမည်မသိ'ပူးပေါင်းရေးသားသည်

Read More...

30 October, 2010

ဒေ၀စ္ဆရာသို့လွမ်းဆွတ်ခြင်း (၂)

အမေရိကန်ဒေါ်လာ၂၉ သန်းနဲ့ကန်တော်ကြီး ပဲလေစ့်ဟိုတယ်ကို ထူးကုမ္ပဏီက ၀ယ်လိုက်ပြီဟေ့၊ သြော်.. သာဓု သာဓု။ သာဓု ပါကိုတေဇ။ သူ့ခမျာချမ်းသာလိုက်ရှာတာ အရင်ဘ၀က ကုသိုလ်ကောင်းမူတွေ ပက်ပက်စက်စက် လုပ်ခဲ့တယ်ထင်ရဲ့။ ဒို့ပြည်သူမှာတော့ ကုသိုလ်မရှိ ကံမရှိဉာဏ်ရှိတိုင်းမွဲ။ ဒါနဲ့ ခင်ဗျား လူသေဖြေယူနေ တာတော့မဟုတ်ပါဘူးနော်၊ ဗမာပြည်မှာသေရင်တောင် မလှမပအလောင်းကောင်ဘ၀ နံရိုးပြိုင်းပြိုင်းခါးကိုင်းကိုင်း မျက်တွင်းဟောက်ပက်နဲ့ အဆီအသားတောင်ရှိရှာတာမဟုတ်ဘူးလေ။ နောက်တစ်ကြိမ်ထပ်ပြောမယ် အမျှအမျှအမျှကိုတေဇ ရောက်ရာဘုံဘ၀က သာဓုခေါ်လိုက်ပါ.. ရောက်ရာဘုံဘ၀မှာ ဒီထက်လည်း များများကြီးပိုချမ်းသာ ကြီးပွားနိုင်ပါစေသား။ မုဒိတာပွားရမယ်တဲ့ ဒို့ဘုရားကမှာခဲ့တယ်မဟုတ်လား။ ဒီလိုနဲ့ ကွန်မြူနစ်ပါတီက ဦးကျော်ငြိမ်းနဲ့ဦးနုကို လက်ညှိုးထိုးတယ်၊ ဦးနုကနေ၀င်းကို ယိုးစွပ်တယ်၊ နေ၀င်းက သန်းရွှေသာတရားခံအစစ်လို့ပြောသွားမသွားကျွန်တော်မသိဘူး။ (၆၂ က သမဂ္ဂအဆောက်အအုံကို ဗုံးခွဲတာ အောင်ကြီးလုပ်တာ ငါမဟုတ်ဘူးလို့တော့ ပြောသွားတယ်။)။ ဟုတ်ကဲ့ခင်ဗျာ ပြောပရစေ ဖဆပလနဲ့ကွန်မြူနစ်ပါတီ.. ကွန်မြူနစ်ပါတီနဲ့ဖဆပလ ဟတ်ဆစ်ဟတ်ဆစ်ပဲ (ထိုင်းလိုပြောတာ ငါးဆယ်ငါးဆယ်တဲ့)။ အကြောင်းရှိလို့အကျိုးဖြစ်တာ၊ ဒါဘုရားဟောခဲ့တာနော် လမ်းဘေးက အုတ်ကြားမြက်ပေါက် ကလေကချေကလေက၀ စကားလုံးမဟုတ်ဘူး။ ဆောရီးပဲ၊ မကြိုက်ရင်လဲသေလိုက်။ ကျွန်တော် ဗုဒ္ဓကို ခင်ဗျားတို့ထက် ပိုယုံကြည်တယ်။ ဒီလိုနဲ့ ခွေးဝဲစားကြားက ၀င်စားသွားတယ်။ နောက်တော့ ခွေးဝဲစားလက်မှ ခွေးသူခိုးလက်သို့ရောက်ခဲ့လေသတည်း။ ဗမာပြည်ကျွန်ဖြစ်နွံနစ်ခဲ့လေပြီ။ အနှစ် (၆၀) အလွမ်းဇာတ် စိန်အောင်မင်းနဲ့နွဲ့ရမှာလား.. ရွှေမန်းတင်မောင်နဲ့လွမ်းရမှာလား၊ ခင်ရေ.. လွမ်းလိုက်စမ်းပါခင်ရေ၊ အဲဒီအနှစ် (၆၀) အလွမ်းဇာတ်ကို ပိုးစိုးပက်စက်ပိုးလိုးပက်လက်ကြီးသာ လွမ်းလိုက်စမ်းပါခင်ရေ။ ခင်ရေ.. ခင်ရေ.. ခင်ရေ.. ခင်ရေ.. အမိန့်ချမယ်။ ဦးနုနဲ့ဦးကျော်ငြိမ်း သင်တို့ဗမာပြည်အပေါ် ကျူးလွန်ခဲ့သော ခွင့်လွှတ်ရန်မဖြစ်နိုင်သော ပြစ်မူကြောင့် ဘ၀ဆက်တိုင်း ဆက်တိုင်း သင်တို့အားမသေမချင်း ကြိုးကွင်းစွပ်သတ်စေ((ပုံ ပြည်သူ့ခုံရုံး))။ ဗကပ-ဗမာပြည်သမိုင်းမှာ အရှည်ကြာဆုံး ပါတီ၊ သခင်အောင်ဆန်း ဦးဆောင်ဖွဲ့စည်းခဲ့သော အစဉ်အလာကြီးမြတ်သော အနှီပါတီအားခုချက်ခြင်း ဖျက်သိမ်းစေ၊ ဖုတ်သွင်းမြေမြှုပ်ပစ်စေ။ ((ပုံ ပြည်သူ့တရားရုံး))။ ဒီလိုနဲ့ ကျွန်တော်တို့ သမိုင်းဟာအကွဲအပြဲသွေးမုန်တိုင်းလိူင်းနဲ့ ရိုင်းချင်တိုင်းရိုင်း ကြမ်းချင်တိုင်းကြမ်း နွမ်းချင်တိုင်းနွမ်းနယ်ခဲ့တယ်။ ကျွန်တော်တို့ နိုင်ငံရေးယဉ်ကျေးမူဟာ ဥခွံထဲက မကျွတ်မလွတ်သေးတဲ့ သန္ဓေသားအဖြစ် အကောင်မပေါက်ခင်ကတည်းက သေဆုံးခဲ့ရတယ်။ ကောင်းမွန်တဲ့အစဉ်အလာ တွေကို စောင့်ထိမ်းကြ၊ ဆိုးယုတ်တဲ့ အစဉ်အလာတွေကို ကျူပင်ခုတ် ကျူငုတ်မကျန်သုတ်သင်ကြ။ အမျိုးဘာသာ သာသနာရိုးရာ အစဉ်အလာကို ထိမ်းသိမ်းစောင့်ရှောက်ခြင်း ဟာလည်း အနာဂတ်ကို စောင့်ရှောက်ခြင်းပါပဲ။ ကဲစိတ်ချမ်းသာစရာလေးတွေ ပြောကြမယ်။ ညီလေး တင်မောင်ဆန်းမင်းဝင်း.. ညီလေးကျော်ကျော်ဗို.. သစ္စာမေတ္တာရွှေမန်းသဘင်။ ဗမာ့ဇာတ်သဘင်အလံကို အမြင့်မားဆုံးလွှင့်ထူ လိုက်ကြ.. ညီလေးတို့။ နောက်မဆုတ်နဲ့ တစ်လက်မမှ နောက်ဆုတ်မပေးနဲ့၊ အသက်သေချင်သေသွားပစေ ခံစစ်စည်းရိုးကို လုံအောင်ကာကြ။ ကြေးကြိုးသရေလေလက်ခုပ် ရိုးရာအစဉ်အလာမြန်မာ့သဘင်ပညာ။ မင်းတို့အဘိုး ဘဘရွှေမန်း ဦးတင်မောင် ထားခဲ့တဲ့အမွေ၊ အနော်ရထာမင်းကြီးလက်ထက်ကစ နှစ်ရာထောင်ချီသော ဗမာ့ရိုးရာအစဉ်အလာ ချစ်ခြင်းမေတ္တာ အနုပညာ။ အလို ဟောဟိုမှာကြည့်လိုက်ကြစမ်း.. အလင်းလက်ဆုံးတောက်ပနေတဲ့အရာ အဲဒါ ပိုးသားချည်မျှဉ်လို လှပတဲ့ ချစ်ခြင်းမေတ္တာ အနုပညာ။ မိုးသားတိမ်တိုက်လွှာတွေထက် သိမ်မွေ့နက်နဲတဲ့ ချစ်ခြင်းမေတ္တာ အနုပညာ။ အပျိုစင်ကညာ နတ်ဒေ၀ီတစ်ပါးရဲ့ ရှိုက်ဖိုကြီးငယ်ပမာ ရင်သပ်လိူက်မော ဖွယ်ရာ ချစ်ခြင်းမေတ္တာ အနုပညာ။ နှင်းဆီပွင့်လွှာဖတ်လေးလို သန့်ရှင်းစင်ကြယ် ကြည်စင်ဝင်းပတဲ့ ချစ်ခြင်းမေတ္တာ အနုပညာ။ မိုးသားကင်းစင် ကြည်လင်တောက်ပ လပြည့်ညထက် ကျက်သရေမင်္ဂလာရှိတဲ့ ချစ်ခြင်းမေတ္တာ အနုပညာ။ တိမ်လွှာကြားမှာ ငှက်အသွင် ပျံဝဲ ဘုံလွှာခုနစ်ဆင့်မှာ ဈာန်ရသလို မာန်ကြွနေတဲ့ ချစ်ခြင်းမေတ္တာ အနုပညာ။ ရတနာကိုးသွယ် ပြည်တန်ပတ္တမြား ရတီများတဲ့ စိန်ပွင့်တကာထက် အဖိုးအနဂ္ဂ ထိုက်တန်သော ချစ်ခြင်းမေတ္တာ အနုပညာ။ ဟုတ်တယ်။ ငါဒေ၀စ္ဆရာကို အသည်းပေါက်မတတ်ချစ်ခဲ့တယ်။

ငြိမ်းချမ်းအောင်

Read More...

27 October, 2010

ဒေ၀စ္ဆရာသို့လွမ်းဆွတ်ခြင်း

သူငယ်ချင်း.. ကာလီဖိုးနီးယားမှာ တစ်ဆောင်းသစ်ပြန်ပြီ.. မြဒါလီတော့မရှိဘူးပေါ့ကွာ၊ သူ့အစား ကပ်ပလီမကြီးကိုလည်း ကိုယ်ထိလက်ရောက် သွားလုပ်မပစ်လိုက်နဲ့ဦး။ အခန့်မသင့်ရင်မင်း ဒုက္ခရောက်သွားနိုင်တယ်။ ကျန်းမာရေးကိုဂရုစိုက်၊ အပြင်ထွက်ရင် အနွေးအင်္ကျီထူထူဝတ်၊ ငါလည်းမကြာခင် ပြန်လာခဲ့မယ်။ မင်းအတွက် လက်ဖက်ထုပ်နဲ့ ပုန်းရည်ကြီးဝယ်ခဲ့မယ်။ ဦးချိန်တီလျှက်ဆားနဲ့ အဘထရှူဆေးလည်း မဲဆောက်က ၀ယ်ခဲ့မယ်ကွာ။ ဒါနဲ့သူငယ်ချင်း.. ရှိရှိသမျှအုပ်စုတကာမှာ မင်းပို့နေတဲ့အီးမေးလ်တွေ ငါဖျက်ရတာလက်ညောင်းလှပြီ။ ပြီးတော့ ဒို့သမ္မတကြီး အိုဘားမားကိုလည်း သနားပါကွာ၊ ခုတလောသူ့ခမျာ မျက်နှာ မကောင်းရှာဘူး၊ တိုင်းပြည်လည်း စီးပွားရေးမကောင်းဘူး။ ဖုစတမ့်နဲ့ စားပြီး အားအားယားယား မင်းအသံ ပြဲကြီးနဲ့ဖြဲဖြဲမအော်နေပါနဲ့.. ခင်လို့ပြောတာ ဖြစ်နိုင်ရင်တစ်လလောက် တိတ်တိတ်ဆိတ်ဆိတ်ငြိမ်ငြိမ် ကလေးနေပေးပါလား ငါပြန်ရောက်ရင် ဂျက်ဒယ်နီရယ်အ၀တိုက်ပါ့မယ်။ ပလိစ်…။ တဆက်တည်းပြောရဦးမယ် ၀ိုင်းစုခိုင်သိန်းတို့ ရတက်မအေး အထုပ်ပိုက်ပြန်ပြေးအောင် မင်းနွှဲခဲ့တဲ့ ရဲရဲတောက် လုပ်ဆောင်ချက်ကတော့ သမိုင်းအဆောင်ဆောင်မှာ နောင်လာနောက်သားတွေ မှတ်တမ်း တင်ရစ်လိမ့်မယ်။ တကယ်ဆိုရင် အနှစ်လေးဆယ်စီမံကိန်းနဲ့ မင်းဝယ်ထားတဲ့အိမ်၊ ခြောက်နှစ်စီမံကိန်းနဲ့ မင်းဝယ်ထားတဲ့ကား၊ ဒါ..မင်းရဲ့လက်တွေ့ဆန်တဲ့ သရုပ်သကန်ပဲသူငယ်ချင်း။ ငါ့မှာလည်း ဆန္ဒတချို့ရှိတယ်။ ရောင်းမယ်ဆိုရင် နယူးရော့မြို့ကြီးကို နှစ်တစ်ထောင် စီမံကိန်းနဲ့ ၀ယ်ထားချင်တယ်။ ဈေးညှိပေးပါလား၊ အဆင်ပြေရင် ပွဲခပေးပါ့မယ်။ ပြီးတော့ အော်ဒီစပေါ့ကား တစ်စီးလောက်လည်း လိုချင်တယ်။ ကလေးမရလို့ စိတ်ညစ်နေတဲ့ ဘီယွန်းဆေးနဲ့ ဂျေဇက်တို့ ဇနီးမောင်နှံကိုလည်း အားပေးစကားပြောချင်တယ်။ အေးကွာ စိတ်မပျက်နဲ့အားမငယ်နဲ့။ ငါတို့ လက်ထက်မှာ ဒို့တော်လှန်ရေးကြီးမပြီးသေးရင် ငါတို့သားသမီးတွေဆက်လုပ်ကြလိမ့်မယ်။ မင်းလက်ထက်မှာ မင်းအိမ်အကြွေး မကြေသေး ရင်လည်း မင်းသားသမီးတွေ ဆက်ဆပ်ကြလိမ့်မယ်။ သိန်းစိန်နယူးရော့လာတုံးက ကိုမိုးသီးဖိနပ်နဲ့ပေါက်တာ ငါဂုဏ်ယူတယ်။ (ကွန်ဂယက်ကျူလေးရှင်း ကိုမိုးသီး၊ စကားစပ်မိလို့ပြောတာ)၊ ငါတို့နိုင်ငံတော်သမိုင်းမှာ ရွှေတိဂုံဘုရားရင်ပြင်ပေါ် အင်္ဂလိပ်တွေ ဖိနပ်နဲ့တက်လို့ “ဖိနပ်ပြဿနာ” တောင်ဖြစ်ခဲ့သေးမဟုတ်လား။ ၀ိုင်းစုခိုင်သိန်းနဲ့ မင်းတို့ဖြစ်တဲ့ ပြဿနာကိုတော့ ငါမဝေဖန်ပါရစေနဲ့။ ငါ..ကျန်းမာရေးသိပ်မကောင်းဘူး၊ နှာလည်းနဲနဲ စေးနေတယ်။ သြော်ဒါနဲ့ ပစိဖိတ်သမုဒ္ဒရာကြီးက အကျယ်ကြီးပဲသူငယ်ချင်း၊ ငါတို့တသက် ခတ်သောက်လို့မကုန်နိုင်ဘူး။ ကျန်တာတွေလူချင်းတွေ့မှပြောမယ်။ နူတ်တစ်ရာစာတစ်လုံးတဲ့။ အေးကွာ စာမဆုံးခင်တစ်ခုတော့ မှာခဲ့ချင်တယ် မင်းအရင် (အမေရိကားမှာသာ) ငါသေခဲ့ရင် ငါ့အသုဘဖိတ်စာမှာ နိုင်ငံရေးသမားလို့မထည့်နဲ့။ ကဗျာဆရာလို့သာထည့်ပေးပါသူငယ်ချင်း။ ပြီးတော့ငါ့အလောင်းမှာ အုတ်ဂူမတည်ပါနဲ့။ ကျောက်တိုင်မစိုက်ပါနဲ့။ အသုံးမကျတဲ့ငါ့အတွက် ကမ္ဘာမြေကြီး ပိုပြီးမလေးပင် စေချင်တော့ဘူး။ မင်းရဲ့အစဉ်ထာဝရ။

ငြိမ်းချမ်းအောင်

Read More...

25 October, 2010

မြန်မာပြည်ရွေးဂေါက်ပွဲ၊ ၂၁ရာစုကမ္ဘာကြီးနှင့် အချစ်အကြောင်းများ

ဒီနေ့နေပူတယ်။ တနေ့ခင်းလုံးအိုက်စပ်ပူလောင်၊ ဆောင်းဦးပေါက်ကြီး ပန်ကာဖွင့်ဖို့တော့ မနိပ်သေးဘူးကွနော်။ အမှတ်တမဲ့ပါပဲ တနေ့က သီတင်းကျွတ်သွားတယ်။ ကလေးတွေက ဗြောက်အိုးဖောက်တမ်း ကစားပြီးလူကြီးတွေက လက်ပစ်ဗုံးဖောက်တမ်းကစားကြတယ်။ ဒီတစ်ပတ်သီတင်းခေါင်းစဉ်တွေကြည့်တော့ အလိုဘုရားဘုရား.. ဂီရိမုန်တိုင်းကြောင့်ကျောက်ဖြူတစ်မြို့လုံးပျက်စီးသွားပြီတဲ့၊ မူဆလင်တွေတိုက်ပွဲဝင်ကြဖို့ အယ်ခိုင်းဒါး စပုတ်ပါစင်နိူးဆော်လိုက်သတဲ့၊ အမေရိကန်ကျူးကျော်မူကြောင့် အီရတ်အရပ်သား တစ်သိန်းကျော် သေဆုံးဆိုပဲ။ အမင်္ဂလာတွေချည်းသယ်ဆောင်လာတဲ့ကမ္ဘာမြေ မင်းနဲ့ငါသေခန်းပြတ် ချင်ပြတ်၊ ရှင်ခန်းပြတ်ချင်ပြတ် တစ်ခုခုတော့ ပြတ်မှဖြစ်တော့မယ်။ မနက်ဖြန် ဘန်ကီမွန်း ဘန်ကောက်ကိုရောက်မယ်ဆိုပဲ။ လူ့အခွင့်အရေးအလုပ်သမားရေးပတ်ဝန်းကျင်ထိန်းသိမ်းရေး သားလေးရှင်ပြုရေးသမီးလေးနားသရေး၊ (ဟာမဟုတ်သေးပါဘူး ဘွာတေးဘွာတေး) ဂေးလက်စဘီယမ်အရေး ဘာအရေး ညာအရေးဟိုအရေးဒီအရေး အဲဒီအရေးလူပ်ရှားသူတွေ စာရွက်တွေကိုင်ပြီး အဲဒီဘဲကြီးကို တိုင်ဖို့တောဖို့စောင့်နေကြတယ်။ သြော် သာဓု.. သာဓု.. သာဓု.. “သဗ္ဗေ သင်္ခါရာ အနိစ္စာ”။ ဒီနှစ် စပါးရွှေဝါ၀င်းပါစေ ပန်းတွေသင်း ပါစေ။ ဒါနဲ့စကားမစပ် ဒီလိုဗျာ ကျနော်တို့အိမ်ရှေ့တည့်တည့်မှာ ပုလိပ်ဂိတ်အသစ် တစ်ခုလာ ဆောက်နေတယ်။ လက်မှတ်မရှိတဲ့ ဗမာအလုပ်သမားတွေကိုဖမ်းဖို့တဲ့၊ အဲဒီအဆောက်အအုံကို ဗမာနေ့စားအလုပ်သမားတွေနဲ့ ဆောက်နေကြတယ်။ တောက် ခွေးမသား တွေလူပါးဝတယ်။ မကြာခင် ကျက်သရေမရှိတဲ့မျက်ခွက် ကျက်သရေမရှိတဲ့အသံတွေ မြင်ရ ကြားရ တော့မယ်။ ဒီနှစ်ပွဲရာသီအစမှာ ဖာဂူဆန် တွက်ကိန်းတွေလွဲနေတယ်။ ဘာပဲဖြစ်ဖြစ်ပါ ကျွန်တော်က အသင်းစွဲတွေအရောင်စွဲတွေသိပ်မကြီး တတ်ပါဘူး။ လာမယ့်ခုနစ်ရက်နေ့မှာ ရွေးဂေါက်ပွဲကြီး ကျင်းပတော့မယ်တဲ့။ တစ်ယောက်ယောက်တော့ကျွတ်မှဖြစ်မယ်။ ဟော ခုတော့ ဗိုလ်သန်းရွှေတစ်ယောက် တိုးလို့တွဲလောင်း တစ်ဝက်တစ်ပျက်ကျွတ်သွားရှာပြီ။ တကယ်ပြောတာ လူရွှင်တော် ကိုငြိမ်းချမ်း ပြောသလို စေ့စေ့ကြည့်တော့ ဒီလူကြီး ရုပ်မဆိုးဘူး၊ တနေ့လုံးထိုင်ကြည့်မှမြင်ရတဲ့အလှမျိုးဆိုလား၊ ညိုချောကြီးဗျနော်။ ငယ်ငယ်က စစ်ထဲမ၀င်ပဲ ဓါတ်ရှင်မင်းသားလုပ်ခဲ့ရင် တိုင်းပြည်ဒီလောက် ဒုက္ခများမှာ မဟုတ်ဘူး။ ညီလေးတစ်ယောက်ကမေးတယ် “အစ်ကို အလံဆိုတာဘယ်သူလုပ်တာလဲ၊ ဘယ်မှာလုပ်တာလဲ”တဲ့.. အလံဆိုတာ လူတွေလုပ်တာ၊ စက်ရုံမှာလုပ်တာပေါ့ညီလေးရာ… လေးလေး နက်နက်မထားပါနဲ့.. ဒီတစ်ခုမကြိုက်ရင် နောက်တစ်ခုလဲလို့ရပါတယ်လို့ပြောလိုက်တယ်။ စကားပြော ကောင်းရင် လေယာဉ်တောင်အလကားစီးလို့ရတယ်ဆိုပဲ။ ဒီမှာမိတ်ဆွေ လျှာအရိုးမရှိတိုင်း ပြောတဲ့ စကားတွေ ဒီနေ့ခေတ်လူငယ်တွေမယုံတော့ဘူးဗျ။ သြော် ဒုက္ခ..ဒုက္ခ သိခြင်းသည်လည်းဒုက္ခ၊ မသိခြင်းသည်လည်းဒုက္ခပါတကား။ ဟောလာပြီ.. စိန်ကောင်းကျောက်ကောင်း ရောင်းတဲ့နေရာမှာ ဆေးရိုးသည်က ကန့်လန့်ကန့်လန့်.. ဘာတဲ့ “မေတ္တာတစ်ဆင်စာပေးရင် ယူမလားမိန်းကလေး” တဲ့.. တောပြန်လိုက်တော့ ကိုသိန်းတန် ရှင့်မေတ္တာက ကျမဒေါက်ဖိနပ်တစ်ရန်စာရှိလို့လား။ ဟားဟားဟား။ “ဒါနဲ့ နေပါဦး အချစ်ဆိုတာဘာလဲဗျ” ကျနော်တော့ မသိဘူး၊ ဟိုကောင်မလေး သင်ဇာဝင့်ကျော်ကို သွားမေးကြည့်လိုက်တော့ဗျာ။ တော်ပြီ.. တော်ပြီ စိတ်ညစ်ရတဲ့အထဲ အဲဒီရွေး ဂေါက်ပွဲ ဆိုတာကြီး ကလည်း တစ်ဒုက္ခ။ ခွေးမသား ထိုင်းပုလိပ်တွေကလည်းတစ်ဒုက္ခ။ ခေတ်မကောင်းတဲ့အခါ ဗမာဖြစ်ရ တာလည်း တစ်ဒုက္ခ။ ဒီနေ့မဲဆောက်မှာနေပူတယ်။ မနက်ဖြန်မိုးရွာချင်ရွာမယ်။ လူတွေကလည်း ဖောက်ပြန်တယ်။ သဘာဝတရားကလည်းဖောက်ပြန်တယ်။ “သဗ္ဗေသတ္တာ၊ ကမ္မသကာ” ပါတကား။ “အလုံးစုံသော သတ္တာဝါတို့အား ကံစီမံရာအတိုင်းသာလျှင် ဖြစ်ရအံ့” တဲ့။ အဲဒါ ကျုပ်ပြောတာ မဟုတ် ဘူး ဗုဒ္ဓမြတ်စွာဘုရား ဟောသွားတာ ခင်ဗျားတို့ယုံချင်ယုံ မယုံချင်နေကြ။

ငြိမ်းချမ်းအောင်

Read More...

30 September, 2010

ကျနော်ကမငြိမ်းချမ်းသေးတဲ့ကောင်

တံခါးပေါက်အားလုံးဖွင့်လိုက်တယ်
ရေမီးအစုံဓါးလှံလေးမြားလက်နက်ကိရိယာအစုံအလင်ရှိနေသလိုမျိုး
တကယ်တော့ကျနော်ကအိပ်ရာပေါ်လဲနေတဲ့လူနာ
စိတ်အကြီးအကျယ်ပျက်မိရဲ့
မိုးလင်းတိုင်းဖျက်လို့မနိုင်တဲ့အကောင့်ထဲကအီးမေးလ်တွေ
သေချာပါတယ်
စကားပြောကြည့်နေစရာမလိုတော့ဘူး
အဲဒီလူယဉ်ယဉ်လေးနဲ့ရူးနေပြီ
ဘ၀ကိုဘာနဲ့ကပ်ချည်ထားမလဲ
ဖေ့စ်ဘွတ်ပရိုဖိုင်မှာညီမလေးတစ်ယောက်ကရေးတယ်
"သင့်ကိုယ်သင်ရည်မှန်းချက်နဲ့ပူးချည်ထားပါ
လူတစ်ယောက်နဲ့တွဲမချည်မိစေနဲ့"ဆိုပဲ
မြွေဆိုးတစ်ကောင်အခန်းထဲဝင်လာတယ်
သူ့ကိုမရိုက်ရင်ကျနော့်ကိုကိုက်လိမ့်မယ်
အရှင်မြတ်ဘုရားတပည့်တော်ကိုရွေးချယ်ခွင့်တစ်ခုမကပေးသနားတော်မူခဲ့ပါ
နောက်ဘ၀အထိသယ်မသွားတော့ဘူး
ယူစရာရှိတာတွေယူပြီးပေးစရာရှိတာတွေပေးလိုက်ကြရအောင်
ဆေးခါးကြီးတွေလည်းသောက်ခဲ့တယ်
အိတ်ဇိုင်းဘ၀နဲ့အိမ်နီးချင်းနိုင်ငံအချုပ်ခန်းအိမ်သာတွေမှာလည်း
မကြာမကြာမျက်နှာသစ်ခဲ့တယ်
န၀တစစ်ကြောရေးစခမ်းမှာလည်းမသေလို့အသက်ရှင်ခဲ့တယ်
ညစ်ပေနေတဲ့လက်နဲ့အစားအစာတွေကိုင်စားရင်
အသက်တိုမှာပေါ့သူငယ်ချင်း
ကဲ..ရှိစေတော့
ဒဏ်ရာဒဏ်ချက်တွေနဲ့သင်ခန်းစာအသစ်တွေပေးလို့
အမှတ်တမဲ့ဖြတ်သန်းဖြစ်ခဲ့တဲ့နှစ်ကာလများကိုလည်းကျေးဇူးတင်တယ်
လူဖြစ်အောင်မွေးခဲ့တဲ့မိဘနှစ်ပါးကိုလည်းကျေးဇူးတင်တယ်
ကြည်နူးပျော်ရွှင်ပြုံးရယ်ရွှင်လန်းအောင်ဖန်တီးနိုင်စွမ်းတဲ့
မိန်းမလှအားလုံးကိုလည်းကျေးဇူးတင်တယ်
ကျောကုံးပေါ်ထမ်းတင်ထားရရှာတဲ့ကမ္ဘာမြေကြီးကိုလည်းကျေးဇူးတင်တယ်
(ကျနော့်ကြောင့်ဝန်ပိမှာစိုးလို့ဝိတ်လျှော့နေတယ်)
လှုပ်နေတဲ့အရာတိုင်းကိုပစ်မချနဲ့
ငြိမ်သက်နေတိုင်းလည်းလျှော့မတွက်မိစေနဲ့
လူရှိန်လည်းမနည်းဘူးဆိုပြီး
သတ္တိလို့လက်ဖျံမှာ ဆေးမင်ကြောင်ရေးလိုက်တယ်
တကယ်တော့ကျနော်ကငကြောက်ပါ
တရားမရှိတော့သေရမှာကြောက်တယ်။...။

ငြိမ်းချမ်းအောင်

Read More...

19 September, 2010

ပင်လယ်မှာ တစ်ညနေ

အဆုပ်ထဲ
လေတွေတစ်ဝရှူသွင်းလိုက်တယ်
ကမ်းခြေနဲ့မိုင်ပေါင်းများစွာ အဝေးမှာ
စိတ်ထားတတ်တဲ့အခါ
တွားသွားနေတဲ့ကဏန်းတစ်ကောင်
ယက်ကန်ယက်ကန်တွေ့ရမယ်

စင်ရော်အုပ်နှုတ်သီးဖျားပါသွားတဲ့
ငါးသတ္တ၀ါများ
ကိုယ့်အန္တရာယ်ကိုယ်မသိတော့
စောစောနိဂုံးချုပ်ရှာပြီ
နေ့လည် ၁၂ နာရီထိုးနေပြီ
ဟင်းချက်စရာကဘယ်မှာလဲ
ဖိလစ်ပင်းကသားသည်အမေတစ်ယောက်သက်ပြင်းချလိုက်တယ်
စီးပွားရေးကဦးမမော့နိုင်သေးဘူး
အာဖဂ္ဂန်နစ္စတန်စစ်ပွဲဘယ်လိုရပ်မှာလဲ

အိမ်ဖြူတော်ကသမတ္တအိုဘားမားဗျာများနေရှာတယ်
အမေရိကန်ကသူငယ်ချင်းတစ်ယောက်
ဆူရှီလိပ်ချင်လိပ်နေမယ်။ စိတ်ဓါတ်ကျချင်ကျနေမယ်
ဗမာပြည်ကသူငယ်ချင်းတစ်ယောက်
စစ်ထောက်လှမ်းရေးနဲ့ပေါင်းပြီးသစ်ခိုးထုတ်ချင်ထုတ်နေမယ်
အရက်သမားဖြစ်ချင်ဖြစ်နေမယ်
မဲဆောက်ကသူငယ်ချင်းတစ်ယောက်
ဘ၀င်မြင့်ချင်မြင့်နေမယ်။ ကျနော့်ကို ကျိန်ဆဲချင်ဆဲနေမယ်

ဂျူးလီးယက်ဆီဆာထားခဲ့တဲ့တိုက်ပွဲဝင်ဓါးတစ်ချောင်း
ဟစ်တလာထားခဲ့တဲ့လုပ်ကြံရေးကျည်တစ်တောင့်
အားလုံးသံချေးတက်ကုန်ပြီ။

ခရုမှန်ရင်အဆံနဲ့၊ လူမှန်ရင်အကြံနဲ့ဆိုလားပဲ
ဟီလာရီကလင်တန်လည်းတစ်ခုခုကြံနေတယ်
ဗိုလ်သန်းရွှေလည်းတစ်ခုခုကြံနေတယ်
နေ့ပြန်တိုးယူပြီးဈေးရောင်းတဲ့အစ်မကြီးလည်းတစ်ခုခုကြံနေတယ်။

ကျနော်စဉ်းစားကြည့်တယ်
မုန်တိုင်းမရှိတဲ့အခါ
ပင်လယ်ဟာသဘာဝတရားကပေးတဲ့
အလှပဆုံးလက်ဆောင်ဖြစ်တယ်။ ။

ငြိမ်းချမ်းအောင်

Read More...

09 September, 2010

ထိပ်တန်းလျှို့ဝှက်ကိုယ်ပိုင်မှတ်စုများ

လမိုက်ခဲ့ပြီ
အိမ်ခေါင်မိုးအုတ်ကြွတ်ပေါ်
မိုးရေစက်တွေတဖျောဖျောကျလို့
ပိန်းပိတ်အောင်မှောင်တဲ့ညအမှောင်ထဲ
သစ်ကိုင်းကိုလေတိုးသံတရှဲရှဲ
အလုံပိတ်အခန်းထဲမှာ
စိတ်လုံခြုံမူမရှိခဲ့ဘူး

နှစ်ကာလများ
အညစ်အကြေးများစွာ
ပိုပြီးထူထပ်သိပ်သည်းမဲမှောင်

မိုးတွေသည်းနေတော့မြင်ကွင်းဟာမသဲကွဲ
တောမကျွမ်းတဲ့မုဆိုး
တောကောင်ပြန်ဖြစ်သွား

အမှိုက်တွေမီးရိူ့ပြီးပြီ
ကိလေသာအညစ်အကြေးတွေ
မီးမရိူ့နိုင်သေး
ဘ၀ဆိုတာမြူတစ်မူန်သာဆိုရင်
ခေတ်တခေတ်ကကော
ကျောက်တုံးတစ်တုံးလား

ချွေးစက်ကလေးတစ်ပေါက်ပါပဲ
ချစ်သူခန္ဒာကိုယ်ကထွက်လို့
မက်မက်စက်စက်ချစ်ခဲ့တယ်

စံပယ်ရုံကလေးရေ
ကိုယ့်ကိုကြင်နာပါ..။
တောင်ပေါ်မှာနေ၀င်သွားတာ
ရောင်စုံလိပ်ပျာလေးတွေပျံဝဲနေတာ
ကန်ထဲအလှမွေးငါးကလေးတွေကူးခတ်နေတာ
ငါ့ဒဏ်ရာကိုသက်သာအောင်မစွမ်းဆောင်နိုင်ပါကွယ်..။

မိုက်ရူးရဲဆန်တဲ့အမိန့်သံအောက်မှာ
အနာဂတ်ဟာသွေးသံရဲရဲ
သေရာပါဒဏ်ရာရခဲ့ပြီ

ကိုယ့်ငါးချဉ်မို့ကိုယ်ချဉ်ရတယ်
ချစ်စိတ်ကပြယ်။ ။

ငြိမ်းချမ်းအောင်

Read More...

17 August, 2010

ရွှေရင်စို့

ကလေးရေ..
တောအုပ်ကိုဖြတ်ကျော်ပြီးရင်..
ရှေ့မှာ
တောင်တန်းတွေရှိတယ်
တောင်တွေရဲ့ဟိုဖက်မှာတော့
ပင်လင်ပြင်ကြီးရှိပေတယ်

ကလေးရေ..
တောအုပ်တိုင်းမာယာမများသလို
တောင်တန်းဆိုတိုင်းလည်းမတ်စောက်တာမဟုတ်ပါဘူး

ပင်လယ်ကိုဖြတ်ကူး
ပြီးတဲ့အခါ
နူးညံ့တဲ့သဲမြေမွကမ်းခြေမှာ
အနားယူအပန်းဖြေခွင့်ရှိရမှာပေါ့

ပညာဆိုတာ
စာသင်ခန်းတွေမှာသာ
သင်ကြားနိုင်တာမဟုတ်ပါဘူး

အချိန်အားရရင်
ကျောင်းမနေဖူးတဲ့
တောင်အာဖရိကသမ္မတကြီး
ဂျက်ကော့ဇူးမားအကြောင်းပြောပြမယ်

စတီဖင်ဟော့ကင်းဆိုတဲ့
သွက်ချာပါဒရောဂါသည်
ဒုက္ခိတသိပ္ပံပညာရှင်တစ်ယောက်အကြောင်းပြောပြမယ်

ကလေးရေ..
လောကဒဏ်ကို ပုန်ကန်ခြင်းဟာလည်း
ကြီးကျယ်တဲ့သူပုန်အလုပ်ပါပဲ

စစ်ပွဲထဲမှာ ငြိမ်းချမ်းရေးကိုရှာ
နေပူကိုဖြတ်ပြီးမှ အရိပ်စစ်ဆိုတာရောက်မှာ
ညစ်ညမ်းတဲ့ငွေတစ်ရာထက်
သန့်ရှင်းစင်ကြယ်တဲ့ငွေတစ်ကျပ်ကိုတန်ဖိုးထားပါ

ကလေးရေ..
အမိအဖကိုစောင့်ရှောက်ခြင်းနဲ့
အမှီအခိုကင်းစွာရှင်သန်ခြင်းဆိုတာ
မြင့်မြတ်သူတွေကျင့်ကြံတဲ့တရားပါ

မေတ္တာတရား သစ္စာဓါးနဲ့
ရှေ့ဆက်ပါ.. ရှေ့ကိုဆက်ပါ

မရှိခိုးနိုးမလှစုန်းငြိုး
မျက်နှာကြီးရာဟင်းဖတ်ပါ
တဖက်စောင်းနင်းလူ့ဘုံကြီးမှာ
မနက်ဖြန်ဆိုတာ
မရောက်သေးတဲ့အနာဂတ်ပါ

ကလေးရေ..
မနက်ဖြန်ဆိုတာ
မရောက်သေးတဲ့အနာဂတ်ပါကွယ်…။

******အရွယ်နဲ့မမျှ ဘ၀ကိုကြံ့ကြံ့ခံ အမိအဖကို ခေါင်းရွက်ဈေးရောင်းလုပ်ကျွေးနေသူ။ မိမိကိုယ်ကိုယုံကြည်မူအပြည့်ရှိတဲ့ မျက်နှာချိုအေး ဆက်ဆံရေးကောင်းသော မဲဆောက်ဈေးမှ အသက် ၁၄ နှစ်အရွယ်ကောင်မလေး “မ......” အတွက်ရည်ရွယ်ရေးဖွဲ့ပါတယ်။

ချစ်ခင်လေးစားခြင်းများစွာဖြင့်..

ငြိမ်းချမ်းအောင်

Read More...

28 June, 2010

ချစ်နေသေးတယ်ဆိုရင် ယုံမှာလား မစကားဝါ

ဇွန်ပန်းတွေပွင့်ခဲ့ပြီ မစကားဝါ
နယုန်မိုးသေးမြက်တွေသားမွေးလို့
လယ်ကွင်းနဲ့တောင်ယာခင်းတွေပျိုးကျဲ
ရှစ်ခွင်တိုင်းမှုန်မှိုင်း၊ တောင်လည်းညိုတောလည်းစို
ကျနော်တို့နေထိုင်တဲ့အရှေ့တောင်အာရှတစ်ခွင်မှာ
မုတ်သုန်မိုးမည်း ဖြိုင်ဖြိုင်သည်းခဲ့ပြီကော

မြေစိုင်မြေခဲကိုရုန်းကန်ထိုးဖောက်
ပုန်းညက်နဲ့မြတ်လေးပန်းတွေ
ပွင့်အာကြပြီ
လောကတစ်ခွင်မွှေးရနံ့ဆင်ဖို့
စံပယ်နဲ့ဇီဇ၀ါတွေ ရှင်သန်ကြီးထွားလာကြပြီ

ကဆုန်လမှာ စကား၊ စကားဝါ၊ ချဲယား
နယုန်လမှာ မုလေးနဲ့စံပယ်
ဝါဆိုမှာ ပုန်းညက်၊
ဝါခေါင်မှာ ခတ္တာနဲ့ မိုးဆွေ
တော်သလင်းမှာ ယင်းမာပန်းတွေပွင့်သတဲ့

ဘယ်ပန်းသာလို့ယဉ်မှာလဲ မစကားဝါ
ပန်းမြတ်တကာ့ပန်းတော်ဝင်ထဲမှာ
ဆယ်စုနှစ် နှစ်ခုကိုဖြတ်သန်း
အခုတိုင်စွဲလန်းနေတာ
စကားဝါပန်းရနံ့တွေပါကွယ်

ညိုညိုလေးနဲ့ချောလို့
ညိုချောလို့ခေါ်တာပေါ့လို့…

ချစ်တယ်မစကားဝါ
ထွေးထွေအုပ်အုပ်ဆံပင်ရှည်ရှည်တွေကိုချစ်တယ်
ဆင်မယဉ်သာခြေလှမ်းလေးတွေချစ်တယ်
မစကားဝါဖြတ်လျှောက်သွားတဲ့မြေနီလမ်းလေးကိုချစ်တယ်
ပြုံးလိုက်ရင်ခွက်ဝင်သွားတဲ့ပါးချိုင့်လေးကိုချစ်တယ်
‘မောင်’ လို့ခေါ်တတ်တဲ့ဆွဲလဲသံနူတ်ခမ်းပါးလေးကိုချစ်တယ်
မစကားဝါအမြဲစီးတဲ့ပန်းမြို့တော်စက်ဘီးလေးကိုချစ်တယ်
မစကားဝါကိုယ်ငွေ့နဲ့နွေးတဲ့ ‘Joy’ ဂျင်းဂျက်ကက်လေးချစ်တယ်
ကျော့ရှင်းတဲ့မူယာ၊ ပြောင်းသွယ်နွဲ့ခန္ဓာ
လည်တိုင်ရှည်ရှည်လေးနဲ့မျက်နှာသွယ်သွယ်လေးကိုချစ်တယ်

တကယ်တော့မစကားဝါ
ခင်ဗျားအတွက်ငွေဆိုတာအရေးအကြီးဆုံးမဖြစ်သင့်သလို
ကျနော့်အတွက် မစကားဝါဟာ အရေးအကြီးဆုံးမဖြစ်သင့်ပါဘူး
လူသားအဖြစ်ရရှိခြင်းမှာ
ငွေထက်အရေးကြီးတဲ့အရာတွေရှိတယ်
အချစ်ထက်အရေးကြီးတဲ့အရာတွေလည်းရှိခဲ့ပါတယ်

အားတင်းထားပါမစကားဝါ
ဝေးခဲ့တဲ့နှစ်တွေမှာ
ကျနော်လည်းကိုယ်စိတ်နှစ်ပါးကျန်းမာရေးမကောင်းလှဘူး
စစ်အေးခေတ်လွန် ၂၁ရာစုကမ္ဘာကြီး ပိုပြီးပူနွေးလာတယ်
သစ်တောတွေပြုန်းတီး၊ ရေတွေကြီး၊ မီးတွေလောင်
မီလီယံနာတွေကဘီလီယံနာတွေဖြစ်သွားကြတယ်
ဆင်းရဲသားတွေကနင်းပြားဖြစ်ဆဲပါပဲ

လူဆိုတာ ပဋိပက္ခသတ္တ၀ါပါမစကားဝါ
လူ့ဘောင်လောကကြီးတည်ရှိနေသ၍
ပြဿနာတွေ၊ အမုန်းတွေ၊ စစ်ပွဲတွေ တည်ရှိနေမယ်

ဘ၀ဆိုတာတိုက်ပွဲတဲ့
ကျနော်တို့သောကအပူမီးတွေမငြိမ်းသေးဘူး
သတ္တ၀ါတွေကိုမေတ္တာထားဖို့၊ ရောင့်ရဲတင်းတိမ်စိတ်မွေးဖို့
ဗုဒ္ဓဒေသနာတရားတွေက ကျနော်တို့ကို သင်ကြားခဲ့တယ်
အချိန်အားရတဲ့အခါ ပရဟိတ အလုပ်တွေလုပ်ကိုင်ပါ
အားနည်းသူနဲ့သတ္တ၀ါတွေကိုကြင်နာသနားပါ

မနက်ဖြန်အကြောင်းမပြောကြသေးရင်ကောင်းမယ် မစကားဝါ
ခုချိန်ဆို ဧရာဝတီမှာရေနောက်ပြီ
နယူးယောက်က ဟတ်ဆန်မြစ်ကြီးကတော့
နွေရာသီအပူလိူင်းကိုဖြတ်သန်းစီးဆင်းနေလိမ့်မယ်
ကျနော်ရောက်နေတဲ့ထိုင်းနိုင်ငံမှာတော့
လူဖမ်းပွဲတွေခြိမ့်ခြိမ့်သဲကျင်းပနေကြတယ်

ကိုယ်စီဘ၀တွေဖြတ်သန်းရင်း
ခုတော့ခင်ဗျားလည်းအိမ်ထောင်သားမွေးမိခင်ဘ၀
ကျနော်လည်း အဝေးမြို့တစ်နေရာမှာ ခရီးဆက်ဆဲပါပဲ

ဇွန်ပန်းတွေပွင့်ခဲ့ပြီ မစကားဝါ
ကမ္ဘာလောကတစ်ခွင်လုံးစိန်းစိုလန်းဆန်းလို့
ကျနော်တို့ငယ်ငယ်ကခူးယူဆော့ကစားခဲ့တဲ့
အမြီးဖွားဖွားခွေးရုပ်ပင်ကလေးတွေ
လေပြေနဲ့အတူယိမ်းထိုးလူပ်ရှားနေကြတယ်

လမ်းဘေးက မြက်ပင်တွေနဲ့အလေ့ကျတောရိုင်းပန်းကလေးတွေတောင်
ရှင်သန်ခွင့်အတွက် မိုးရေစက်တွေကို ကျေးဇူးတင်နေကြလိမ့်မယ်

ဘာပဲဖြစ်ဖြစ်
လူသားအဖြစ်ရရှိခြင်းအတွက်
ကမ္ဘာမြေကိုကျေးဇူးတင်လိုက်ပါ
ပြီးတဲ့အခါ
နံနက်ခင်းမှာပွင့်တဲ့ပန်းကလေးတွေကို ပြုံးပြလိုက်ပါ
နူတ်ဆက်လိုက်ပါတယ် မစကားဝါ
Good bye!

ငြိမ်းချမ်းအောင်

Read More...

17 June, 2010

06, 11, 2010 – 7:11 PM

ဒီလိုညနေခင်းမျိုးနဲ့ဆုံစည်းခွင့်သာမရရင်
ငါ့အတွက်လူဖြစ်ရကျိုးနပ်မှာမဟုတ်ဘူး

အမှောင်မရုပ်သိမ်းသေးဘူး
မိုးသားကင်းစင်ကြည်လင်ဝင်းပလို့
ကောင်းကင်ပြာအောက်မှာ
အိပ်တန်းအ၀င်နောက်ကျတဲ့ကျေးငှက်တွေတေးသီဆဲ
ဟောဟိုမှာရှည်မျောမျောသွယ်တန်းနေတဲ့ဓါတ်ကြိုးတွေ
သံသယာလိုရှည်လျှားလှပေစွ
နိုင်လွန်ကတ္တရာခင်း ခဲသားရောင်အဝေးပြေးလမ်းမ
တိမ်တောက်ချိန်မှာ အပျိုမပါးပြင်လိုချောညက်ပေစွ
အသုံးမတည့်လှတဲ့မြက်ရိုင်းပင်တွေ
တောထလေယူရာတိမ်းယိမ်းလို့
မုတ်သုန်ရာသီကိုဖြတ်ကျော်ဖို့
ကွင်းပြင်ထဲမှာလယ်စောင့်တဲတစ်လုံး
ကြံ့ခိုင်မူရှိပါစ
ဝမ်းရေးအတွက် အလေ့ကျကန်စွန်းနဲ့ချဉ်ပေါင်ခင်းတွေရှိတယ်
မိုးဦးစံပယ်ရုံတွေဖြတ်တိုက်လာတဲ့လေထဲမှာ
မေတ္တာတရားဟာမွှေးထုံသင်းပျံ့လို့

မဆုံးနိုင်သေးဘူး
အဲဒီသံသယာဆိုတဲ့ခရီးဟာ
နဗူးခြုံနွယ်ပေါ်ကပုစဉ်းတစ်ကောင်
‘သူ’ ဘာစဉ်းစားနေတယ်ဆိုတာငါမသိဘူး
ခြံစည်းရိုးပေါ်ကို ပဲနွယ်ပင်တွေသူ့ထက်ငါအလုအယက်နွယ်တက်လို့
မျှော်လင့်ချက်နဲ့ရှင်သန်နေကြတယ်

ငြိမ်းချမ်းအောင်

Read More...

01 June, 2010

၂၀၁၀ ဖလားလုပွဲ

အာဂျင်တီးနားအသင်းဗိုလ်စွဲရင်
ဗျူနိုအေရီစ်မြို့လယ်ခေါင်ဝတ်လစ်စလစ်ပြေးမတဲ့
ဂန္တ၀င်ဘောသမားကြီးမာရာဒိုနာကြုံးဝါးလိုက်တယ်

စိတ်လွတ်လက်လွတ်ဘယ်သူတွေပျော်ခဲ့ဖူးလဲ ?

၁၇၇၆ မှာ အမေရိကန်လွတ်လပ်ရေးရတယ်
ဂုဏ်သိက္ခာရှိတဲ့ အောင်ပွဲအတွက် အနှစ် ၂၀၀ ကျော်
သဘင်ဆင်နွှဲတာ ဘယ်သူတွေဘာပြောချင်လဲ

၈၈ အရေးအခင်းပြီးတော့
ဒီမိုကရေစီရမှ ငါ့ဆံပင်တွေဖြတ်မယ်လို့
လူတချို့ကြုံးဝါးခဲ့ဖူးတယ်
အနှစ် ၂၀ အတွင်းမှာ ဘယ်သူတွေ ဆံပင်ဘယ်လောက် ရှည်ခဲ့ကြပြီလဲ ?

တရားသဖြင့်ပြိုင်ပွဲတွေဟာ မင်္ဂလာတရားတော်နဲ့ညီတယ်
ခြေရည်တူကစားပွဲတွေမှာ ကံအကြောင်းမလှတဲ့အသင်းရူံးနိမ့်မယ်
ဒိုင်ညစ်ရင် ဒိုင်ကိုအရေးယူနိုင်တယ်
ကစားသမားညစ်ရင် အ၀ါကဒ်အနီကဒ်ပြပြီး ကွင်းပြင်ထုတ်မယ်

ကျနော်ထင်တယ်
အီတလီ (သို့မဟုတ်) အင်္ဂလန်အသင်းဗိုလ်စွဲမယ်လို့
(မည်သို့ဆိုစေ)
သန့်ရှင်းစင်ကြယ်တဲ့ကစားပွဲမှာ
ပြိုင်ပွဲဝင်အသင်းတိုင်း
ဖလားရရေးအိပ်မက်ခွင့်ရှိတယ်

အာဂျင်တီးနားဖလားရရေးအတွက်
မျိုးချစ်စိတ်အပြည့်နဲ့အားထည့်
ဂျိုဟန်နက်စ်ဘတ်မြို့က
မက်ဆီကန်သွင်းလိုက်တဲ့ဘောလုံးဟာ
ဂိုးပိုက်ကိုထုတ်ချင်းဖောက်
သိန်းစိန်နဖူးတည့်တည့်ထိမှန်လိုက်မယ်ဆိုရင်ဖြင့်
မာရာဒိုနာအပျော်ထက်
မြန်မာပြည်သူတွေရှစ်ဆကဲမယ်ဆိုတာ
မြင်ယောင်သေးတော့တယ်။ ။

(ဘောဝါသနာရှင်.. ကိုအောင်အတွက်)

ငြိမ်းချမ်းအောင်

Read More...

26 May, 2010

ထာဝရ

မနေ့ညကရွာသွန်းခဲ့မိုးရေစက်လေး
မိုးလင်းတော့ဘယ်ပျောက်သွားပြီလဲ
ညကမက်တဲ့အိပ်မက်ထဲမှာပွင့်တဲ့ပန်းကလေး
ဒီမနက်ဘာလို့မမွှေးမြတာလဲ

စိန်ပန်းနဲ့ရဲရဲနီနေတဲ့လမ်းကလေး
ကံ့ကော်ဝတ်ဆံနဲ့ချုပ်ထားတဲ့ဒန်းကလေးလွှဲလို့
အညိုရောင်ဆံနွယ်ခွေလေးတွေလေမှာဝဲလို့
ညိုပြာညက်ပါးချိုင့်လေးဘယ်ဆီမှာလဲကွယ်

ခြားရဟတ်ကလေးလေမှာဝဲသလို
ညနေခင်းမြက်ပင်လေးတွေ
ယိမ်းထိုးလူပ်ရှားကစားနေသလို
ဝေးဝေးလှမ်းလှမ်းကပန်းကလေးပြုံးပြလိုက်တာပဲဖြစ်ဖြစ်

မသိလိုက်မသိဘာသာပန်းကလေးဖြတ်လျှောက်သွားတာပဲဖြစ်ဖြစ်
သူရှိနေတယ်ဆိုတဲ့အသိနဲ့ ရှင်သန်ခဲ့တယ်

အရှိတရားတွေဒီအတိုင်းရှိစေတော့
အသိတရားတွေဒီအတိုင်းသိစေတော့
စိုက်ခင်းတွေမဖြစ်ထွန်းတာ
မုန်တိုင်းကြောင့်ချည်းမဟုတ်ဘူး

ဒီမနက်
ငှက်ကလေးတွေနဲ့အတူ
နိုးထလာတဲ့ငါ့ပြတင်းပေါက်ကလေး
လေညင်းကလေးရေ..
မင်္ဂလာနံနက်ခင်းပါကွာ

သဘာဝတရားက သစ္စာမဖောက်မလွဲ
အရိုးခံအတိုင်းရှိခဲ့တယ်။ ။

ငြိမ်းချမ်းအောင်

Read More...

19 April, 2010

အချစ်ရေ ဗုံးတွေခွဲ ဗုံးတွေကွဲ

အချစ်ရေ ဗုံးတွေခွဲ ဗုံးတွေကွဲ
နှစ်သစ်ကူးကိုဗုံးနဲ့ကြို
ဘန်ကောက်မြို့တော်ကြီးမှာ
ဗုံးတွေကွဲ ဗုံးတွေခွဲ

အချစ်ရေ ဗုံးတွေကွဲ ဗုံးတွေခွဲ
X2O ရေကစား မဏ္ဍပ်မှာ
ဗုံးတွေကွဲ ဗုံးတွေခွဲ
ပူလောင်တဲ့သင်္ကြန်ရက်တွေ
မလန်းနိုင်တော့ဘူးအချစ်ရယ်

အချစ်ရေ ဗုံးတွေခွဲ ဗုံးတွေကွဲ
ငရဲကိုအရှင်လတ်လတ်ရောက်နေသလို
အထက်မီးအောက်မီးထိုး
နိုင်ငံရေးအပူမီးကတစ်မျိုး
အရက်နဲ့ဘီယာအပူထပ်တိုး
အချစ်ရေ ဗုံးတွေခွဲ ဗုံးတွေကွဲ
စိန်ပန်းနဲ့ကံ့ကော်တွေ
ထိတ်လန့်အောင်မလုပ်နဲ့ကွယ်
မြစ်ဆုံမှာလည်း ဗုံးတွေကွဲ ဗုံးတွေခွဲ
ငုဝါပန်းကလေးတွေ
ကြောက်လန့်အောင်မလုပ်နဲ့ကွယ်

အချစ်ရေဗုံးတွေကွဲ ဗုံးတွေခွဲ
ဖက်ဆွတ်ရေမတိုး
သင်္ကြန်လက်ဆေးမိုးမရွာ
ပိတောက်မပွင့်တဲ့သင်္ကြန်
မလန်းနိုင်တော့ဘူးအချစ်ရယ်

အချစ်ရေဗုံးတွေကွဲ ဗုံးတွေခွဲ
လူအထင်ကြီးလည်းမနည်းဘူးဆိုပြီး
ဒီဗုံးကို ငါခွဲတယ် မပြောလိုက်ပါနဲ့ အချစ်ရယ်
အချစ်ရေ ဗုံးတွေခွဲ ဗုံးတွေကွဲ
ယုံထင်ကြောင်ထင်ဖြစ်အောင်
ရူးချင်ယောင်မဆောင်လိုက်ပါနဲ့ကွယ်
အချစ်ရေ ဗုံးတွေခွဲ ဗုံးတွေကွဲ
အစွယ်လိုသူမိဖုရား
အသွားစေခိုင်းသူ မင်းဧကရာဇ်
ဗုံးခွဲသူငမိုက်သား
အချစ်ရေဗုံးတွေကွဲ ဗုံးတွေခွဲ
အဲဒီဗုံးကို ဘယ်သူခွဲ
တပ်ချုပ်ကြီးမခွဲရင် ဘယ်သူခွဲမှာလဲအချစ်ရယ်
အချစ်ရေ ဗုံးတွေခွဲ ဗုံးတွေကွဲ

ငြိမ်းချမ်းအောင်

Read More...

10 April, 2010

ဇင်းမယ်မှာ ညီမလေးပန်ဖို့ ပိတောက်တွေ ၀ါဝါထိန်တောက်လို့နေခဲ့တယ်

ညီမလေးရဲ့ချစ်မေတ္တာနဲ့ပွင့်လာတဲ့ပိတောက်ဝါတွေ
ကျနော့်ရင်ခုန်သံနရီစီလိူင်းတွေနဲ့သင်းထုံဂုဏ်မောက်လို့နေခဲ့တယ်

နေကိုအန်တုလို့
နွေလေပူထဲမှာ
ပိတောက်နဲ့ငုဝါတွေ
ငွားစွံ့
ကြွားဝံ့
အပွင့်ရဲလိုက်ကြတာ

အသက်ကြီးလည်း
မပျက်စီးဆဲမေတ္တာစစ်နဲ့ချစ်ခဲ့တယ်

နီးနီးဝေးဝေး
ဝေးဝေးလှမ်းလှမ်း
အချစ်စစ်ဆိုတာ
သစ္စာနဲ့ပွင့်ပြီး
မေတ္တာကြောင့်တင့်ခဲ့တယ်

ညီမလေးရယ်
အရာအားလုံးကိုခေတ္တမေ့
သင်္ကြန်လေပြေရဲရဲပွေ့ပါ
မင်းပန်ဖို့ပိတောက်ဝါ
နိုင်ငံရေးသဘောထားမပါဘူး
အငြင်းအခုံအနိုင်အရူံးမပါဘူး
မြတ်နိုးတွယ်တာချစ်မေတ္တာရေစင်ဖျန်း
ဒီနွေဦးဟာ.. လန်းဆန်းရမယ်



ညီမလေးရယ်

မိုးလောက်ကြီးချစ်ပါတယ်
မြေလောက်ကြီးချစ်ပါတယ်
ပင်လယ်လောက်ကြီးချစ်ပါတယ်
ချစ်ချစ်ရဲ့ကြည်နူးပျော်ရွှင်မူနဲ့
ပိတောက်တွေရွှေရည်လူးခဲ့တယ်

သစ္စာမြဲရင်
နွယ်မြက်သစ်ပင်ဆေးဖက်ဝင်သတဲ့

သူရဲကောင်းတို့ရှိတဲ့မြေမှာ
သစ္စာတရားမြဲမြံစေ
ငုဝါတို့လန်းဖြန်းဝေ


၂၀၁၀ ကားလိပ်ဖွင့်တော့
ငါ့ပြည်ငါ့ရွာမှာ
စစ်ဖိနပ်နဲ့နင်းခြေမွ
ပိတောက်ဝါတွေကြေမွလို့နေခဲ့တယ်…

ငြိမ်းချမ်းအောင်

Read More...

18 March, 2010

၂၀၁၀ ကိုဖြတ်၍ ချစ်ခြင်းများစွာဖြင့် ..

အေအိုင်ဒီအက်စ်ရောဂါဖြစ်ရင်..ARV ဆေးရှိတယ်
ဆုံးဖြတ်ချက်မှားရင်.. ဆေးမရှိဘူး..။

ဒီလိုနဲ့..
ပညာတတ်တွေက ကွက်စိတ်တွေဟော
တတ်ယောင်ကားတွေကဘေးထိုင်ဘုပြော
ဖောက်ပြန်ရေးသမားတွေကဖောက်ပြန်ရေးစကားတွေပြော
အခြေအနေကရူပ်ထွေးရန်ကော

အာဏာရူးတွေက မကြာခဏဘက်ပြောင်းတယ်
လူငယ်တွေကအရက်သောက်ဘောလောင်းတယ်
ကောင်မလေးတွေကစပွန်စာကြောင့်ဘ၀ပြောင်းတယ်

နိုင်ငံရေးသမားတချို့က သဘောထားမမှန်
နအဖက ခွေးကျင့်ခွေးကြံကြံ 

ပြည်သူတို့ရေ အခြေအနေမဟန်
ဗမာပြည်ကြီးရေ ဒေ၀ါလီသာခံ

အေးလွင်က အရိုးအရင်းကိုက်ပြီးလေချဉ်တွေတက်
နေမျိုးဝေက ပါတီတွေဖွဲ့
ဦးရွှေအုန်းရေ အသက်တွေလည်းကြီးပြီစိတ်လျှော့လိုက်ပါ.. ဘဘရေ
ဦးသုဝေ နောက်တစ်ခါလာပြန်ပြီလား စိန်လားမြလား ဟေလာမောင်တို့ဝါး

ကမ္ဘာကြီးက စုတ်သတ်ပြီး ယဉ်ကျေးဟန်ဆောင်တယ်
သူဌေးသူကြွယ်တွေက တစ်ပဲခြောက်ပြားပေးပြီးကျေးဇူးတင်ခံချင်တယ်
တရုတ်ကြီးက ပေါချောင်ကောင်းရဖို့ကြံတယ်

ဒီလိုနဲ့..
ဘဒ္ဒန္တဘွဲ့ခံကျောင်းထိုင်ဆရာတော်ကသစ်ခိုးထုတ်
သံဃမဟာနာယကဆရာတော်ကြီးအများနအဖနဲ့အပေးအယူလုပ်
ပြည်သူ့ဘုန်းဘုန်းတို့ထောင်ပြင်ကန္နားထုတ်
ဗုဒ္ဓသာသနာရောင်ဝါမှေးမှိန်ဆုတ်ယုတ်

ပြည်သူတွေကတွေဝေနေတာလား
နိုင်ငံရေးသမားတွေက တာဝန်မကြေတာလား
ဗမာပြည်ကြီးဖွတ်မွဲပြာထိုင်ကျ

တေဇဆိုတဲ့ကောင်လည်းဘီလီယံနာကြီးဖြစ်လို့
အပျိုစင်သစ်တောတွေလည်းဝဋ်နာကံနာဖြစ်လို့
တိုင်းပြည်လည်း ဆင်းရဲတွင်းနစ်လို့
ခေတ်ပျက်သူဌေးတွေလည်း ခေတ်အခါခါပျက်ဖို့ဆုခြွေရစ်လို့

ပြည်သူသန်းငါးဆယ်က ပြည်တွင်းမှာ စစ်ကျွန်ခံ
ကျန် ဆယ်သန်းက တိုင်းတပါးမှာ ဖောရိန်းကျွန်ခံ
ဗမာဆိုတာကျွန်စော်နံ

စစ်တပ်ကဓါးပြတိုက်စားတယ်
ကြံ့ဖွတ်စွမ်းအားရှင်လက်ကိုင်ဒုတ်တွေကဖားပြီးစားတယ်
ဗိုလ်ချုပ်မူးကြီးတိုင်းပြည်ကိုရောင်းစားတယ်
နှမငယ်လေးတွေဖာခံပြီးစားတယ်

လူကြီးတွေက..စိတ်ဓါတ်ကျ
လူငယ်တွေက..လွမ်းနာကျ
ကောင်လေးတွေက..အရက်နာကျ
ကောင်မလေးတွေက..ဆေးချ..နှစ်လုံးထီချ
ပြည်သူတွေက.. ၀မ်းမ၀
နိုင်ငံရေးသမားတွေက လမ်းမပြ
ကုလသမဂ္ဂကြီးကလည်းသုံးမရ
SPDC ဆိုတဲ့ကောင်တွေကြောင့်ဒုက္ခ

ဗိုလ်ချုပ်ကြီးတို့ စေတနာကမမှန်
အခြေခံဥပဒေကြီးက သန္ဓေမမှန်
ရွေးကောက်ပွဲဆိုတာကြီးက အကြံအဖန်
ခေါင်းပေါင်းစတလူလူနဲ့ကြံ့ဖွတ်ကြီးတို့လွှတ်တော်တက်ဖို့ကြံ

ရွေးကောက်ပွဲဥပဒေဆိုတာလည်း လူပါးဝလွန်းတယ်
အရူးတွေအမဲသားကြိုက်တာကြားဖူးတယ်
မြေခွေးဥပုတ်စောင့်မလားစိတ်ကူးယဉ်မိတာမှားဖူးတယ်

NLD လည်း ရှေ့ဆက်ဖို့ခက်
ဗမာပြည်ကြီးလည်းဖွတ်တက်

ဒီလိုနဲ့
နောင်ဆယ်နှစ်အနှစ်နှစ်ဆယ်ကြာရင်လည်း
ပြည်သူကြီးဆင်းရဲနေဦးမှာအသေအချာပဲ
၂၀၁၀ ရွေးကောက်ပွဲဆိုတာလည်း
မျက်လှည့်ပွဲလိုပါပဲ

ဒီလိုနဲ့
အချစ်များစွာဖြင့်
ဒီကဗျာကို ကျနော်ရေးခဲ့တယ်။ ။

ငြိမ်းချမ်းအောင်

Read More...

02 March, 2010

အရက်သောက်ရခြင်းအကြောင်းရင်း

အိမ်ကမိန်းမနဲ့ အဆင်မပြေလို့အရက်သောက်တာလည်းဖြစ်နိုင်တယ်
ဆယ်ကျော်သက်ကောင်လေးရည်းစားနဲ့ကွဲလို့အရက်သောက်တာလည်းဖြစ်နိုင်တယ်
အလုပ်အကိုင်အဆင်မပြေလို့ အရက်သောက်တာလည်းဖြစ်နိုင်တယ်
အလုပ်အကိုင်အဆင်ပြေလို့အရက်သောက်တာလည်းဖြစ်နိုင်တယ်
ချစ်သူဆီကချစ်အဖြေရလို့အရက်သောက်တာလည်းဖြစ်နိုင်တယ်
ချစ်သူဆီကမုန်းတဲ့အဖြေရလို့အရက်သောက်တာလည်းဖြစ်နိုင်တယ်
ယဉ်ကျေးမူအရအရက်သောက်တာလည်းဖြစ်နိုင်တယ်
ပွဲလမ်းသဘင်မို့ပျော်လို့ရွှင်လို့အရက်သောက်တာလည်းဖြစ်နိုင်တယ်
သူငယ်ချင်းမိတ်ဆွေတွေအတင်းတိုက်လို့အရက်သောက်တာလည်းဖြစ်နိုင်တယ်
ကြိုက်လို့အရက်သောက်တာလည်းဖြစ်နိုင်တယ်
လောကကြီးကိုတခဏလောက်မေ့ထားချင်လို့အရက်သောက်တာလည်းဖြစ်နိုင်တယ်
အပျင်းပြေမလားလို့အရက်သောက်တာလည်းဖြစ်နိုင်တယ်
ခန္ဓာကိုယ်အသွေးအသားကတောင်းဆိုလို့အရက်သောက်တာလည်းဖြစ်နိုင်တယ်
စိတ်ညစ်လို့အရက်သောက်တာလည်းဖြစ်နိုင်တယ်
လူရာဝင်ချင်လို့အရက်သောက်တာလည်းဖြစ်နိုင်တယ်
မသောက်ရမနေနိုင်လို့အရက်သောက်တာလည်းဖြစ်နိုင်တယ်
ပျော်လို့အရက်သောက်တာလည်းဖြစ်နိုင်တယ်
စားစရာမရှိလို့အရက်သောက်တာလည်းဖြစ်နိုင်တယ်
အရက်ကိုဘုရားကမကြိုက်ဘူး
သောက်တတ်ရင်ဆေး၊ မသောက်တတ်ရင်ဘေးတဲ့
အရက်ကြောင့်ဘ၀ပျက်သွားသူတွေ၊ ဘ၀ပျက်နေသူတွေအပုံကြီးရှိတယ်
လူညံ့တွေအတွက်အရက်ဆိုတာအရှင်သခင်
လူလိမ္မာတွေအတွက်အရက်ကကျေးကျွန်
ဘယ်အကြောင်းနဲ့ပဲသောက်သောက်
လူတွေရှိနေရင်အရက်တွေရှိနေဦးမယ်
အရက်တွေရှိနေသမျှလူတွေသောက်နေဦးမယ်
စိတ်ညစ်လို့အရက်ကိုသောက်တယ်
အရက်သောက်လို့စိတ်ညစ်ရရင်တော့ မမိုက်ဘူးမိတ်ဆွေ။

ငြိမ်းချမ်းအောင်

Read More...

27 February, 2010

ခွေးသားသတင်း

(မိမဆုံးမဖမဆုံးမသား သန်းရွေမြေးချာတိတ်အကြောင်းသတင်းတွေ မကြာမကြာကြားရတတ်ပါတယ်။ ဒီတစ်ခါ အီးမေလ်းထဲဝင်လာတဲ့ သတင်းနှစ်ပုဒ်ကတော့ ရိုင်းစိုင်းကြမ်းတမ်းတဲ့ အဆင်အသွေးမျိုးစုံ ပေါင်းစပ်ယှက်ဖွဲ့ထားသလို ခံစားရတာမို့ အမှတ်တရအဖြစ် ဘလော့မှာ မှတ်တမ်းတင်လိုက်ပါတယ်။ ရေးသူအမည်တော့မပါ၊ မူရင်းအတိုင်းပါ။ ၇ ရက်သားသမီးများ ကိုယ်စိတ်နှစ်ပါး ငြိမ်းချမ်းပြီး ရန်သူမျိုးငါးပါးဘေးမှ အမြန်ဆုံး ကင်းဝေးကြပါစေ။ ငြိမ်းချမ်းအောင်)

နေရွှေသွေးအောင် (ခ) ဖိုးလပြည့်နဲ့  တွဲပြီး မည်သူ့ ကိုမျှ ဂရုမစိုက်ဘဲ နှစ်ယောက်ပေါင်းကာ ထင်ရာစိုင်းနေသောသူ တစ်ဦးမှာ ဆေးဝန်ထမ်း ညွှန်ချူပ် ဗိုလ်ချူပ် သန်းအောင်ရဲ့  သမက်ဖြစ်သူ ချိုလေးဆိုသူ ဖြစ်ပါတယ်၊၊
နေရွှေသွေးအောင်နဲ့  ချိုလေးတို့ ဟာ သန်းရွှေရဲ့ အရှိန်အ၀ါ၊ မိဘဖြစ်သူတွေရဲ့  အရှိန်အ၀ါကို သုံးပြီး မြန်မာပြည်မှာ သောင်းကျန်းဆိုးရွားနေသူတွေ ဖြစ်ပါတယ်။ အထူးသဖြင့် ချိုလေးဟာ နေရွှေသွေးအောင်ကို အမှီပြုပြီး သူလုပ်ချင်တာတွေကို လုပ်ချင်သလို လုပ်ပါတယ်။ သူနဲ့ အတူ နေရွှေသွေးအောင်ကလည်း တွဲချက်ညီညီ ထင်ရာစိုင်းပါတယ်။ချိုလေးဟာ လိုင်စင်မဲ့ကားတွေကို လိုင်စင်ရအောင်လုပ်ဖို့ အတွက် နေရွှေသွေးအောင်ကို အသုံးချပါတယ်။ ဒီလိုလုပ်လို့ ရတဲ့အတွက် နေရွှေသွေးအောင်ကိုလည်း ကဲချင်တိုင်းကဲဖို့ အတွက် အတူတူ သွားလာကြပါတယ်။ သူတို့ နှစ်ယောက် အတူတူ တစ်တွဲတွဲ သွားလာတဲ့အခါမှာ မော်ဒယ်ဂဲလ် (Model Girls) တွေနဲ့  ချိန်းချက်ပြီး သွားလာကြတယ်။ သူတို့ သွားတဲ့ ကားတွေပေါါ်မှာလည်း အချက်ပြမီးလုံးကို ကားပေါ်တင်ပြီး အထူးကား (VIP car) အနေနဲ့ သိသာအောင် ပြပြီး ကြွားဝါ လုပ်ပြလေ့ ရှိကြောင်းကိုလည်း သိရှိရပါတယ်။ ဒီလို ချိုလေးရဲ့  ကပ်ဖားပြီး ပေါင်းသင်းမှုကို နေရွှေသွေားအောင်ကလည်း နဂိုကမှ သန်းရွှေရဲ့  မြေးဆိုပြီး ထင်ရာစိုင်းနေသူပီပီ အနှစ်ခြိုက်ကြီး ကြိုက်နှစ်သက်ကာ ကဲချင်တိုင်း ကဲနေပါတယ်။နေရွှေသွေးအောင်နဲ့  ချိုလေးတို့  ညတိုင်းနီးပါး သွားရောက်လေ့ရှိတာကတော့ မြရိပ်ညို ဖြစ်ပါတယ်။
သူတို့ နှစ်ဦးသွားတဲ့အခါတိုင်း သူတို့ နဲ့  ချိန်းချက်ထားတဲ့ မော်ဒယ်ဂဲလ်တစ်ချို့ ပါ ပါရှိပါတယ်။ နေရွှေသွေးအောင်၊ ချိုလေးတို့ နဲ့ အတူ အပေါင်းအပါတွေကတော့ ဒဂုံအင်တာနေရှင်နယ် ကုမ္ပဏီအုပ်စုပိုင်ရှင်ဖြစ်သူ ၀င်းအောင်ရဲ့ သားရယ်၊ နအဖ၀န်ကြီး စိုးသာရဲ့ သား အောင်စိုးသာတို့ ပါ ပါပါတယ်။ကဲချင်တိုင်းကဲကြတဲ့အခါမှာ မူးယစ်ဆေးဝါးသုံးစွဲတာတွေ မိန်ကလေးတွေနဲ့  အတူအိပ်တာတွေ လုပ်ကြပါတယ်။ သူတို့ က အစပြုပြီး အနှိပ်ခန်းတွေကို သွား၊ ကလပ်တွေကိုသွားပြီး သောင်းကျန်းတာမို့  နောက်ဆုံး ဒီအနှိပ်ခန်းတွေ ကလပ်တွေ ထင်ပေါ်ကျော်ကြားလာပြီး မသိနားမလည်တဲ့ အသက်အရွယ် မပြည့်သေးသူလေးတွေပါ သွားရောက်တာတွေ ဖြစ်လာကာ လူသိရှင်ကြားဖြစ်လာလို့  တစ်လောကမှသာ နေ့ ခင်းဖွင့်တဲ့ ဒေးကလပ် (Day Club) တွေ ပိတ်ပြလိုက်တာ ဖြစ်ခဲ့ရပါတယ်။ ဒါပေမယ့် တိတ်တိတ်ပုံး ရှိနေသေးတဲ့ နေရွှေသွေးအောင်တို့ လို ပျက်စီးချင်တိုင်းပျက်စီး ထင်ရာစိုင်းချင်တိုင်း ထင်ရာစိုင်းနေတဲ့ အပေါင်းအပါ လူငယ်တွေ ဆုံတွေ့ ရာ နေရာတွေ ရှိနေပါသေးတယ်။ ဒီနေရာတွေမှာ မူးယစ်ဆေးဝါးသုံးစွဲပြီး မိန်းကလေးများနဲ့  ဖြစ်ချင်တိုင်း ဖြစ်နေတာတွေ ရှိနေပါတယ်။ နေရွှေသွေးအောင်တို့  အုပ်စုရဲ့ အတွင်းမှာဘဲ အချင်းချင်း ဂွင်လုကြလို့  နောက်ဆုံး နေရွှေသွေးအောင်ရဲ့  ယုတ်မာတဲ့ စနက်ကြောင့် တင်အောင်မြင့်ဦးရဲ့  သားဖြစ်သူ (ဗိုလ်ကြီးဟောင်း) နိုင်လင်းဦး (တေဇာစောဦး) ပိုင်ဆိုင်တဲ့ ရန်ကုန် ကမ္ဘာအေး ဘုရားလမ်းမပေါ်ရှိ အနုပညာ ဦးစီးဌာနပိုင် မြေနေရာပေါ်မှာ ရှိတဲ့ “7 Lekker” ကဖေးဆိုင် ဖျက်ဆီးခံလိုက်ရတာပါဘဲ။ နိုင်ငံတော်မြေနေရာကွက်ပေါ်မှာ ခွင့်ပြုချက်မရှိဘဲ ကိုယ်ပိုင်စီးပွားရေးလုပ်လို့ ရမလားဆိုပြီး မသိတဲ့သူတွေ အထင်ကြီးရအောင် အကြောင်းပြချက်နဲ့  နေရွှေသွေးအောင်က ပြောဆိုဖျက်ဆီးပြလိုက်ပေမယ့် တကယ်တော့ နေရွှေသွေးအောင်ရဲ့  အချင်းချင်းအပေါ် ကောက်ကျစ်ယုတ်မာမှုဘဲ ဖြစ်ပါတယ်။ ဒီအကြောင်းကို အတွင်းသိ အစင်းသိကြသူတွေက သိကြပါတယ်။ ဒါကြောင့် သန်းရွှေ သေရင် နေရွှေသွေးအောင်တော့ သတိသာထားပေတော့လို့  ကြိမ်းဝါးနေကြပါတယ်။ ထို့ အတူ စစ်တပ်အတွင်းက ဗိုလ်ချူပ် အတော်များများဟာလည်း နေရွှေသွေးအောင်ကို မကျေမနပ်ဖြစ်နေတယ်လို့  သိရှိရပါတယ်။နေရွှေသွေးအောင်ကနေ နိုင်လင်းဦးရဲ့  ကဖေးဆိုင်ကို ဖျက်ပြစ်လိုက်တဲ့ အဓိက အကြောင်းရင်းကတော့ နေရွှေသွေးအောင်က အဲ့ဒီနေရာမှာ သူတို့ အပေါင်းအပါတွေ ကဲလို့ ရအောင် သီးသန့် ကလပ် (VIP club) တစ်ခုလုပ်ချင်လို့  ပြောဆိုရာကနေ ပြဿနာ စဖြစ်တာပါဘဲ။ ဒါကို နိုင်လင်းဦးက လက်မခံတဲ့ အတွက် နေရွှေသွေးအောင်က ချိုလေးရဲ့  မြှောက်ပင့်မှု၊ ကဖေးဆိုင် အစုရှယ်ယာပါတဲ့ အောင်စိုးသာရဲ့  ဘက်လိုက်မှုတွေကြောင့် ဒီလို အချင်းချင်း ဆော်ထည့်လိုက်တာ ဖြစ်ပါတယ်။ဒီလိုမျိုး နေရွေသွေးအောင်ကို အနီးကပ် မြှောက်ပင့်သွေးထိုးနေသူ ချိုလေးနဲ့  နဂိုကမှ ဘယ်သူကိုမှ ဗိုလ်မထားချင်တဲ့ နေရွှေသွေးအောင်တို့  ရဲ့  စနက်ဖြစ်ပါတယ်။ချိုလေးဟာ နေရွှေသွေးအောင်ကို မျောက်ပြဆန်တောင်းသလို လုပ်ပြီး စီးပွားရေးသောင်းကျန်းလာလို့  မသမာသော ငွေကြေးများနဲ့  ပြည့်စုံလာနေပါတယ်။ ချိုလေးဟာ အရပ် (၆) ပေ (၁) လက်မခန့် ရှိပြီး ကိုယ်ပေါ်မှာ ဆေးမှင်ကြောင်တွေ ထိုးထားပါတယ်။ သူ့ မှာ ဆရာဝန်မတစ်ဦးနဲ့  အိမ်ထောင်ကျပြီး သမီး နှစ်ယောက်ရှိပေမယ့် သမီးချင်း နှမချင်း မစာနာဘဲ မိန်းကလေးတွေကို နေရွှေသွေးအောင်နဲ့  ပေါင်းပြီး ဖျက်ဆီးသောင်းကျန်းနေသူ ဖြစ်ပါတယ်၊၊နေရွှေသွေးအောင်ရယ် ချိုလေးရယ် အောင်စိုးသာတို့ ရယ်ဟာ ဂိုဏ်းအုပ်စုဖွဲ့ ထားပြီး ဂိုဏ်းအုပ်စုနာမည်ကို “ဆင်စွယ်” လို့  သတ်မှတ်ထားကြောင်းနဲ့  သူတို့ သွားလာသောင်းကျန်းတဲ့ နေရာတွေမှာ ဒီနာမည်ကို အသုံးပြုကြောင်း သိရှိရပါတယ်။ယခင် မဆလတစ်ပါတီ အာဏာရှင်နေ၀င်းရဲ့  မြေးတွေ သောင်းကျန်းပြီး ဂိုဏ်းဖွဲ့ ထားတဲ့ စကော်ပီယံ “Scorpion” ဂိုဏ်းထက် ပိုဆိုးတဲ့ သန်းရွှေရဲ့ မြေး နေရွှေသွေးအောင်ရဲ့  ဂိုဏ်းအုပ်စုကြောင့် သူတို့ အချင်းချင်း ဇတ်တူသားစား ဆော်ကြနှက်ကြတာအပြင် သူတို့ ရဲ့  အစပြုလုပ်ရပ်များကြောင့် အခြားသော မသိ နားမလည်သည့် အချို့ သော လူငယ်လူရွယ် ယောင်္ကျာလေး မိန်းကလေးများပါ ပျက်စီးမှု လမ်းကြောင်းပေါ်ရောက်ရှိနေတာ တွေ့ ရှိနေရပါတယ်။တင်အောင်မြင့်ဦးရဲ့  သား နိုင်လင်းဦးကို နေရွှေသွေးအောင် လူကြားကောင်းအောင် ပြောခဲ့တဲ့ “နိုင်ငံတော်မြေနေရာကွက်ပေါ်မှာ ခွင့်ပြုချက်မရှိဘဲ ကိုယ်ပိုင်စီးပွားရေးလုပ်လို့ ရမလား” ဆိုတဲ့စကားအတိုင်း ပြောကြေးဆိုရင် “ပြည်သူတွေ ပိုင်ဆိုင်တဲ့ မြန်မာပြည်မြေပေါ်မှာ ဒီလို ထင်ရာစိုင်းလို့  ရသလား” ဆိုတာပါ။
+++++++++++++++++++++++++++++++++++++++++

ပြည်သူချစ်တဲ့အနုပညာရှင် တစ်ယောက် ရေတိမ်နစ်တော့မှာ တွေးပူနေမိတယ်။ လိုချင်ရမ္မက်ကြီးပြီး စိတ်ဓါတ်အဆင့်တန်းနိမ့်လွန်းလှတဲ့ သန်းရွှေတို့မိသားစုဟာသူတို့မနာလိုတဲ့လူတွေ ပေါ်မှာ အောက်လမ်းနည်းတွေ သုးံပြီးအနိုင်ယူလေ့ရှိတာကြောင့်ပါ။ ခုတစ်ခါတော့ စိုင်းစိုင်းအလှည့် ရောက်လို့ပါပြီ။ ပြီးခဲ့တဲ့ဖြစ်စဉ်တချို့ ပြန်ကြည့်ကြည့်ရအောင်။

၁. ကွယ်လွန်သူ အတွင်းရေးမှုး ၂ ဟောင်းတင်ဦးရဲ့သား၊ မြို့တော်ဝန်ဟောင်း ဦးကိုလေးရဲ့သမက်ဟာ ဘိုးတော် ၏ သမီး ၀က်ပုပ်မ..သန္တာရွှေကို အပျော်ကြံတယ်လို့ တစ်ဖက်သပ်စွပ်စွဲပြီးကားနဲ့တိုက်သတ်ခဲ့ ပြီး မတော်တစ်ဆမှုပါ လို့အကြောင်းပြခဲ့တယ်။ ကံကောင်းထောက်မစွာ အသက်မဆုးံရှုးံခဲ့ရပေမယ့် အဖြစ်မှန် ကို ရေလုံနှုတ်ပိတ်ပြီး နိုင်ငံခြားရေးရုးံမှလည်း အလုပ်ဖြုတ်ခံရကာ ဒုက္ခိတဘဝနဲ့ အရိုးထုပ်နေရပါတယ်။

၂. စိမ်းလဲ့ကန်သာ၅လောင်းပြိုင်လူသတ်မှု ယနေ့ထိမဖော်ထုတ်နိုင်သေးပါဘူး။ သန္တာရွှေ ရဲ့ မင်္ဂလာပွဲ အတွက် မိုးကုပ်မြမောင် မိသားစုသာလျှင် ပိုင်ဆိုင်တဲ့ ဖိတ်ဖိတ်တောက် စိန်တွေ ဌား။ အရှက်မရှိ သူ့ ဟာလိုကြွား လောဘတက် ပြန်မပေးချင်တော့ မိသားစုတစ်စုလုံး အသေသတ်ပြီး.သတင်းအမှောင်ချပြီးတော့ မီဒီယာတွေ မေ့ပျောက် သွားအောင် လှည့်စားနေပါတယ်။ အမေရိကန်သံရုးံက CCTV မှတ်တမ်းခွေပေးခဲ့တော့ ဗိုလ်ချုပ် မောင်ဘို ကိုယ်တိုင်ပြည်ထဲရေးဝန်ကြီးရုးံမှာ လာသိမ်းသွားခဲ့ပါသတဲ့။ ဘာလို့လဲဆိုတော့အဲဒီအိမ်ထဲကို နောက်ဆုးံ ဝင်သွားတဲ့ ပါရာဒိုအနက်ရောင်ကားဟာ ကြိုင်သန်းရွှေရဲ့ကားဖြစ်နေလို့ပါတဲ့။

သာမန်လူတမ်းစားတွေဒီလိုရာဇဝတ်မှုမျိုးကျုးလွန်ချင်ပါတယ် ဆိုရင်တောင် ကျုးလွန်နိုင်လောက်တဲ့ လက်နက်အင်အားမရှိပါဘူး။ ဒါကြောင့်ဗိုလ်ချုပ်ရဲမြင့်သား အောင်ဇော်ရဲမြင့် ကို စိတ်ကြွဆေးပြားတွေ ထုတ်လုပ် တာမိတော့ တရားရုးံတင်ဖို့နေနေသာ သာဖမ်း တောင်မဖမ်းရဲပါဘူး။ ဆေးသမားက သူတို့ထက်ကြမ်းတယ် ဖမ်းရဲဖမ်းကြည့် ၅ လောင်းပြိုင်ကိစ္စဖော်လိုက်မယ် ဆိုတာနဲ့သန်းရွှေကြီး အမြှီးကုပ်သွားရပါတယ်တဲ့။

၃. မေ ၃၀ ဒီပဲယင်းလူသတ်ပွဲကြီးကတော့ ကမ္ဘာသိမို့အထူးမပြောတော့ပါဘူး။ပုဂ္ဂိုလ် ရေးမနာလိုစိတ်ရယ် မိသားစု ကောင်းစားရေး အတွက် သန်းရွှေခြေကုန်ထုတ်ရမ်းခဲ့တဲ့ ရာဇ၀တ် ပွဲပါ။

၎. မကြာခင်ကမှဖြစ်သွားတဲ့နောက်တစ်ခုကတော့ 7 CORNER ဆိုတဲ့အတွင်းရေး မှုး ၁ တင်အောင်မြင့်ဦးသား နဲ့ စီမံကိန်းဝန်ကြီးစိုးသာ သာ တို့ပိုင်တဲ့ဆိုင် ကယိုးဒယားက စားဖိုမှုး၊ ကြိုးမဲ့အင်တာနက်တွေနဲ့ ရန်ကုန် လူငယ်တွေကြား ရေပန်းစားလာတော့စိန်မျောက်မျောက်က ဘူဒိုဇာနဲ့ထိုးပြီး ဖျက်ဆီးခိုင်းတဲ့ထိမ နာလိုစိတ်ပြင်း တဲ့ မိသားစုတွေပါ။ မြေးကမရင့်ကျက်သေးလို့လုပ်တယ် ဆိုရင်တောင် သေခါနီး အဘိုးနဲ့အဖွားက မဆုးံမကြဘူး လား။ မြေးတစ်ယောက်ကိုတောင်နိုင်အောင် မအုပ်ထိမ်းနိုင်တဲ့အဘိုးက ၅၅ သန်းရှိတဲ့တိုင်းပြည်ကို အုပ်ချုပ်လို့ တိုင်းပြည်ပျက်တာ ဆန်းသလားဗျာ။

ခုလက်တလောစိန်မျောက်မျောက် အရူးရောဂါ နှာဘူးရောဂါ ထနေပြီး။နိုင်ငံတော်အုပ်ချုပ်ရေးပိုင်းမှာတောင်ဝင် စွက်လာပြီ။ နေမြင့်လေ အရူးရင့်ဆိုသလို။ အောက်ကသတင်းလေး ဖတ်ကြည့်ကြပါအုးံ။

အနုပညာရှင်တစ်ယောက်ရဲ့တွေရဲ့ဓါတ်ပုံဖော်ပြခွင့်ကိုအဘိုးရဲ့အာဏာသုးံပြီးပိတ်ပင်တယ်ဆိုတော့ဒီနိုင်ငံဟာဘယ်အခြေနေရောက်နေပြီလဲ။ တရားတဲ့ဥပဒေဆိုတာကောရှိသေးရဲ့လား။
မကြာခင်မှာ ဒီထက်တဆင့်တက်ပြီးမနာလိုစိတ်နဲ့ အကောက်ကျစ်ဆုးံအောက်လမ်း ပေါင်းစုံနဲ့ စိုင်းစိုင်းကို တိုက်ခိုက်တော့မယ် ဆိုတာ မြေကြီး လက်ခက်မလွဲပါဘဲ။ ဘယ်ပုံဘယ်နည်းနဲ့ယုတ်မလဲရယ်။ ဘယ်တော့လည်း ဆိုတာကိုတော့ မကြာခင် အဖြေထွက်မှာပါ။

ဒီမိသားစုတစ်စုကြောင့် ၅၅ သန်းသော ပြည်သူတွေ မှီတင်းနေထိုင်တဲ့မြန်မာနိုင်ငံမှာ
အပြစ်မဲ့ ပြည်သူဘယ်လောက်သေခဲ့ရပြီးပြီလဲ၊
အပြစ် မဲ့ပြည်သူ ဘယ်လောက် ဘဝတွေပျက်ခဲ့ရပြီလဲ၊
အပြစ်မဲ့ပြည်သူ ဘယ်လောက် အကျဉ်းကျခဲ့ကြပြီးပြီလဲ၊
အပြစ်မဲ့ပြည်သူ မည်မျှငတ်ပြတ်ခဲ့ရပြီလဲ.
မိသားစုတွေ ဘယ်လောက်ငိုကြွေးနေရဆဲလဲ။
ဒါကြောင့်နောက်ထပ်ပြည်သူချစ်တဲ့အနုပညာရှင် တစ်ယောက်အကြောင်းမဲ့ မဆုးံရလေအောင် စိုင်းစိုင်းရေ သတိထားပါ၊

Read More...

19 January, 2010

၂၀၁၀

ဆုပ်လည်းစူး
စားလည်းရူး
ဘယ်လမ်းရွေးရွေး
မထူးတဲ့ ၂၀၁၀။ ။

ငြိမ်းချမ်းအောင်

Read More...