03 December, 2009

ဆောင်းဦးပေါက်ချိန်

တောအုပ်ရဲ့အထီးကျန်မူမှာ
မေပယ်လ်ပင်တွေမျက်နှာမရကြဘူး
မှိုင်းမှိုင်းညို့ညိုတောင်တန်းနံဘေး
မြစ်မင်းရစ်ခွေစီးဖြာအပြာ
ဆောင်းဦးပေါက်မှာငွေ့ရည်ဖွဲ့သော
နှင်းတို့ရောက်ချိန်များဆိုရင်
သစ်တောဟာသူ့အပေါ်လွာဝတ်ရုံကိုတစ်လွှာချင်းခါချတယ်
နီကျင်ကျင်ဝါဖျော့ဖျော့ရွှေအိုရောင်အဆင်း
ရွက်ကြွေတို့တဖျောဖျောတသောသော
ကြည်စင်ရှင်းသန့်လို့ဝင်းပ
ကောင်းကင်ဟာဒုတ်ထိတိုးလျိုးပေါက်
အဝေးကွင်းပြင်အဆုံး
ဖြူလွလွတိမ်လွှာတို့ရဲ့အောက်
အနီရောင်သုတ်သစ်လုံးအိမ်ကလေး
တိမ်နဲ့တောင်ချစ်တင်းနှောရောယှက်
ဆောင်းဦးပေါက်ချိန်။

Nov 3, 2009

ငြိမ်းချမ်းအောင်

Read More...

23 October, 2009

အပျော်တမ်းသီချင်းသီဆိုခြင်း

ထီပေါက်မဲ့ရက်ကို ထိုင်မစောင့်ချင်ဘူး
ဘဏ်တိုက်တွေ မီးတင်ရိူ့ချင်တယ်

ကံအကြောင်းမလှရင်
ကဗျာဆရာလည်း အကြမ်းဖက်သမားဖြစ်နိုင်တယ်

မျှော်လင့်ချက်နဲ့ရှေ့ဆက်နေဆဲလူ့ဘ၀..

အမေရိကတိုက်ကို ဖြတ်လမ်းရှိတယ်
နိဗ္ပာန်ကိုဖြတ်လမ်းမရှိဘူး
ဒုက္ခသည်အတုရှိတယ်
ဒုက္ခဆိုတာအတုမရှိဘူး

သတင်းကောင်းပေးမယ်
ပျက်လုံးကောင်းတွေဖတ်ချင်ရင်
နအဖခေတ်သတင်းစာဖတ်
ငရဲပြည်ရောက်ဖူးချင်ရင်
ဂြိုလ်ကုပ်ဒူးကြီးနဲ့ပေါင်း
ဂျပုဆော်ကြမ်းတို့တောင်
ငရဲကိုဗီဇာရထားပြီဆိုပဲ

ငယ်ငယ်က စာညံ့တယ်
ကြီးလာတော့ လူမှုရေးညံ့တယ်
သံပရာသီးနဲ့ ၀က်သားဟင်းကြိုက်တယ်
ညှို့အားပြင်းရင်ဆန့်ကျင်ဖက်လိင်ကိုကြိုက်တတ်တယ် :))

မသိလို့မေးချင်တယ်
အနာဂတ်ဆိုတာအနာကပ်တဲ့ပလာစတာနဲ့
အမျိုးတော်စပ်ပါသလား

လုပ်သလိုမဖြစ်ရင်ဖြစ်သလိုလုပ်ကြမယ်
တံချူနဲ့လှမ်းလို့မမှီရင်လေးခွနဲ့ပစ်ချကြတာပေါ့ကွာ

ကိုယ့်ရပ်ဌာနေမဟုတ်ရင်
နိဗ္ပာန်ဆိုတာလည်း
မက်လောက်စရာမရှိဘူး

ချစ်သူမရှိရင်
တိမ်ပြာသောနေ့ကိုလည်း
ကိုယ်မမက်ဘူး

ယုံပါအချစ်ရယ်
လူသားမျိုးနွယ်ဆက်တွေဖြတ်လို့
မင်းကိုယ်ချစ်မိတဲ့
ကိုယ့်ချစ်ခြင်းများစွာဖြင့်
စံပယ်ပန်းတို့ပွင့်နေကြဦးမယ်။ ။။ ။

*** ကိုဆောင်းရေနောက်ကျတာ ခွင့်လွှတ်ဗျာ..။

ငြိမ်းချမ်းအောင်

Read More...

10 October, 2009

အိုဘားမားမှာ တာဝန်မရှိ၊ ငါတို့မှာ တာဝန်ရှိတယ်

အိုဘားမားမှာ တာဝန်မရှိ
ငါတို့မှာ တာဝန်ရှိတယ်
ဒက်စမွန်တူးတူးမှာ တာဝန်မရှိ
ငါတို့မှာ တာဝန်ရှိတယ်
ဒလိုင်းလားမားမှာ တာဝန်မရှိ
ငါတို့မှာ တာဝန်ရှိတယ်
ဂေါ်ဒွင်ဘရောင်းမှာ တာဝန်မရှိ
ငါတို့မှာ တာဝန်ရှိတယ်
ဂျော့ဆိုးရော့မှာ တာဝန်မရှိ
ငါတို့မှာ တာဝန်ရှိတယ်
နီကိုလပ်ဆာကိုဇီမှာ တာဝန်မရှိ
ငါတို့မှာ တာဝန်ရှိတယ်
ဟီလာရီကလင်တန်မှာ တာဝန်မရှိ
ငါတို့မှာ တာဝန်ရှိတယ်
ဘူမိဘောမှာ တာဝန်မရှိ
ငါတို့မှာ တာဝန်ရှိတယ်
U2 မှာတာဝန်မရှိ
ငါတို့မှာ တာဝန်ရှိတယ်
ဂျိုဒီဝီလီယံမှာ တာဝန်မရှိ
ငါတို့မှာ တာဝန်ရှိတယ်
ဥရောပသမဂ္ဂမှာ တာဝန်မရှိ
ငါတို့မှာ တာဝန်ရှိတယ်
ဆူရိန်ပက်ဆူဝမ်မှာ တာဝန်မရှိ
ငါတို့မှာ တာဝန်ရှိတယ်
ဘားကလပ်ဟာဘယ်မှာ တာဝန်မရှိ
ငါတို့မှာ တာဝန်ရှိတယ်
အန်အီးဒီမှာ တာဝန်မရှိ
ငါတို့မှာ တာဝန်ရှိတယ်
အိုင်စီအာစီမှာ တာဝန်မရှိ
ငါတို့မှာ တာဝန်ရှိတယ်
အာစီယံမှာ တာဝန်မရှိ
ငါတို့မှာသာ တာဝန်ရှိတယ်
အဘီဆစ်မှာ တာဝန်မရှိ
ငါတို့မှာ တာဝန်ရှိတယ်
အမေရိကန်အစိုးရမှာတာဝန်မရှိ
ငါတို့မှာ တာဝန်ရှိတယ်
ငုရင်မင်းသိုက်မှာ တာဝန်မရှိ
ငါတို့မှာ တာဝန်ရှိတယ်
နိုဘယ်ဆုရွေးချယ်ရေးအဖွဲ့မှာ တာဝန်မရှိ
ငါတို့မှာ တာဝန်ရှိတယ်
အမေရိကန်နိုင်ငံခြားရေးမူဝါဒမှာ တာဝန်မရှိ
ငါတို့မှာ တာဝန်ရှိတယ်
ယုတ်စွအဆုံးဘန်ကီမွန်းမှာတာဝန်မရှိ
ငါတို့မှာ တာဝန်ရှိတယ်
ဘလာဒီမာပူတင်မှာတာဝန်မရှိ
ငါတို့မှာသာ တာဝန်ရှိတယ်
အိုဘားမားက သူ့အလုပ်သူလုပ်တာ
ငါတို့ကသာ ငါတို့အလုပ်ငါတို့ဖာသာတာဝန်မကျေပြွန်တာ
အိုဘားမားမှာ တာဝန်မရှိဘူး
ငါတို့မှာ တာဝန်ရှိတယ်

ငြိမ်းချမ်းအောင်

Read More...

08 September, 2009

ကဗျာဆရာကိုယ်တိုင် ကဗျာဖြစ်နိုင်တယ်

ကဗျာဟာ..
သစ်တစ်ပင်လည်း ဖြစ်နိုင်တယ်

ကဗျာဟာ..
ပန်းချီကားတစ်ချပ်လည်း ဖြစ်နိုင်တယ်

ကဗျာဟာ..
ကာတွန်းတစ်ကွက်လည်း ဖြစ်နိုင်တယ်

ကဗျာဟာ..
ပြဇာတ်တစ်ပုဒ်လည်း ဖြစ်နိုင်တယ်

ကဗျာဟာ..
ပန်းပုရုပ်ထုတစ်ခုလည်း ဖြစ်နိုင်တယ်

ကဗျာဟာ..
သေဒဏ်အပေးခံထားရတဲ့ နိုင်ငံတခုလည်း ဖြစ်နိုင်တယ်

ကဗျာဟာ..
မိန်းမလှတစ်ယောက်ရဲ့ မျက်စောင်းလည်း ဖြစ်နိုင်တယ်

ကဗျာဟာ..
ပင်လယ်မှာကျောက်ဆောင်ကို လိူင်းပုတ်သံလည်း ဖြစ်နိုင်တယ်

ကဗျာဟာ..
အာရုဏ်ဦး ကျေးငှက်လည်း ဖြစ်နိုင်တယ်

ကဗျာဟာ..
ရွဲ့စောင်းနေတဲ့ ကမ္ဘာကြီးလည်း ဖြစ်နိုင်တယ်

ကဗျာဟာ..
အာဏာရှင်တစ်ယောက်ရဲ့ သက်ပြင်းချသံလည်း ဖြစ်နိုင်တယ်

ကဗျာဟာ..
ကြွေခါနီးသစ်ရွက်လည်း ဖြစ်နိုင်တယ်

ကဗျာဟာ..
သွေးစွန်းတဲ့ ကတ္တရာလမ်းလည်း ဖြစ်နိုင်တယ်

ကဗျာဟာ..
အစွန့်ပစ်ခံ မြို့တစ်မြို့လည်း ဖြစ်နိုင်တယ်

ကဗျာဟာ..
သူဌေးသားတစ်ယောက်ရဲ့ မောက်မာရိုင်းပျမူလည်း ဖြစ်နိုင်တယ်

ကဗျာဟာ..
အိုးမဲ့အိမ်မဲ့တစ်ယောက်ရဲ့ ဥပေက္ခာတရားလည်း ဖြစ်နိုင်တယ်

ကဗျာဟာ..
ဥပုတ်စောင့်ထားတဲ့ မြေခွေးလည်း ဖြစ်နိုင်တယ်

ကဗျာဟာ..
ကျဉ်းထဲကြပ်ထဲရောက်နေတဲ့ အမှန်တရားလည်း ဖြစ်နိုင်တယ်

ကဗျာဟာ..
ပေးဆပ်ဖို့ခက်တဲ့ နေ့ပြန်တိုးလည်း ဖြစ်နိုင်တယ်

ကဗျာဟာ..
နိုင်ငံသစ်တခုမွေးဖွားခြင်းလည်း ဖြစ်နိုင်တယ်

ကဗျာဟာ..
ချောင်းကောတစ်ခုရဲ့ သံဝေဂလည်း ဖြစ်နိုင်တယ်

ကဗျာဟာ..
စားနေကျကြောင်ဖားရဲ့ မဲ့ပြုံးလည်း ဖြစ်နိုင်တယ်

ကဗျာဟာ..
သူတော်စင်တစ်ယောက်ရဲ့ စင်ကြယ်ခြင်းလည်း ဖြစ်နိုင်တယ်

ကဗျာဟာ..
ချစ်သူအပေါ်ထားတဲ့ သစ္စာကြီးမားမူဖြစ်နိုင်သလို

ကဗျာဟာ..
တခြုံကွယ်တမယ်မေ့ ဖောက်လွဲဖောက်ပြန်တရားလည်း ဖြစ်နိုင်တယ်

ကဗျာဟာ..
နတ်ကတော်တစ်ယောက်ရဲ့ ရိုးသားမူဖြစ်နိုင်ပြီး

ကဗျာဟာ..
ဗေဒင်ဆရာတစ်ယောက်စောင့်ထိန်းတဲ့ ငါးပါးသီလလည်း ဖြစ်နိုင်တယ်

ကဗျာဟာ..
ဧရာဝတီမြစ်ဘေးက တံငါရွာလေးတစ်ရွာ ဖြစ်နိုင်သလို

ကဗျာဟာ..
နိုင်ငံတစ်ခုရဲ့ ကံကြမ္မာကို အဆုံးအဖြတ်ပေးနိုင်တဲ့ ၀ါရှင်တန်ဒီစီက သမတ္တအိမ်ဖြူတော်လည်း ဖြစ်နိုင်တယ်

ကဗျာဟာ..
ကွန်ဆာဗေးတစ်အယူတွေကြီးစိုးတဲ့ လုံခြုံရေးကောင်စီအစည်းအဝေးလည်း ဖြစ်နိုင်တယ်

ကဗျာဟာ..
လက်လုပ်လက်စားတစ်ယောက်ရဲ့ နဖူးကချွေးတပေါက် ဖြစ်နိုင်သလို

ကဗျာဟာ..
အငယ်အနှောင်းတစ်ယောက် ခန္ဓာကိုယ်ကထွက်တဲ့ ရှယ်နယ်ဖိုက်ရေမွှေးနံ့လည်း ဖြစ်နိုင်တယ်

ကဗျာဟာ..
ကလေးငယ်တစ်ယောက်ရဲ့ အပြစ်ကင်းစင်မူ ဖြစ်နိုင်သလို

ကဗျာဟာ..
အဖိုးအိုတစ်ယောက်ရဲ့ နောင်တလည်း ဖြစ်နိုင်တယ်

ကဗျာဟာ..
ကြိုးပြတ်သွားတဲ့စွန်တစ်ကောင်လည်း ဖြစ်နိုင်တယ်

ကဗျာဟာ..
ဓမ္မနဲ့ အဓမ္မ၀ါဒီတို့စီးချင်းထိုးတဲ့ ကြိုးဝိုင်းလည်း ဖြစ်နိုင်တယ်

ကဗျာဟာ..
လတ်ဆတ်တဲ့ ခြံထွက်သီးနှံတွေဖြစ်နိုင်သလို

ကဗျာဟာ..
မီးဇာကုန်ဆီခန်းဝေဒနာသည် လူနာတစ်ယောက်လည်း ဖြစ်နိုင်တယ်

ကဗျာဟာ..
ဓါးအိမ်ထဲမှာ ပျင်းရိညီးငွေ့နေတဲ့ ဓါးတစ်ချောင်း ဖြစ်နိုင်သလို

ကဗျာဟာ..
ကလဲ့စားချေဖို့ အခွင့်အခါကောင်းကိုစောင့်နေတဲ့ ရန်ညှိုးရန်စလည်း ဖြစ်နိုင်တယ်

ကဗျာဟာ..
ညစောင့်လုပ်ပြီးအပိုဝင်ငွေရှာနေရတဲ့ ကျောင်းဆရာတစ်ယောက်ရဲ့ အိပ်မက်လည်း
ဖြစ်နိုင်တယ်

ကဗျာဟာ..
၂၁ ထပ်တိုက်ပေါ်က ခုန်ချပြီးသေကြောင်းကြံစည်လိုက်တဲ့ ပုရွက်ဆိတ် တစ်ကောင်လည်း
ဖြစ်နိုင်တယ်

ကဗျာဟာ..
ရေမထွက်တော့တဲ့ ရေတွင်းပြက်တခုလည်း ဖြစ်နိုင်တယ်

ကဗျာဟာ..
မိုးရွာမှာကြိုသိနေတဲ့ ဖားအော်သံလည်း ဖြစ်နိုင်တယ်

ကဗျာဟာ..
အဆောင်ခတွေမသွင်းနိုင်သေးတဲ့ တက္ကသိုလ်ကျောင်းသူတစ်ယောက်ရဲ့ ချီတုံချတုံ
တွေဝေမူလည်း ဖြစ်နိုင်တယ်

ကဗျာဟာ..
နိစ္စဓူဝ လူမူဒုက္ခတွေနဲ့ နားရည်ဝနေတဲ့ လမ်းဘေးလက်ဖက်ရည်ဆိုင် ဖြစ်နိုင်သလို

ကဗျာဟာ..
အသက်ရှူကြပ်နေတဲ့ ဘတ်စ်ကားအိုတစ်စင်းလည်း ဖြစ်နိုင်တယ်

ကဗျာဟာ..
ရင်တမမနဲ့ လောင်းလိုက်ရတဲ့ ဘောလုံးပွဲလည်း ဖြစ်နိုင်တယ်

ကဗျာဟာ..
ဈေးကွက်မ၀င်တဲ့ အနုပညာပစ္စည်းဖြစ်သလို

ကဗျာဟာ..
ပြစ်ဒဏ်ကို ကိုယ်ပိုင်ဆုံးဖြတ်ခွင့်မရတဲ့ တရားသူကြီးရဲ့ တရားခွင်လည်း ဖြစ်နိုင်တယ်

ကဗျာဟာ..
လမ်းကြိုလမ်းကြား မြောင်းကြိုမြောင်းကြားမှာတွားသွားနေတဲ့ မြေကြွက်တစ်ကောင်
ဖြစ်နိုင်သလို

ကဗျာဟာ..
အိမ်ရှင်မအလစ်ကိုချောင်းနေရတဲ့ ခွေးလေခွေးလွင့်တစ်ကောင်လည်း ဖြစ်နိုင်တယ်

ကဗျာဟာ..
တရားမ၀င်အလုပ်သမားတစ်ယောက်ရဲ့ ကျီးလန့်စာစားဘ၀ ဖြစ်နိုင်သလို

ကဗျာဟာ..
ခေတ်အဆက်ဆက်ခေါက်ရိုးကျိုးနေတဲ့ အလုပ်ရှင်နဲ့အလုပ်သမားကြားက ဆက်ဆံရေးလည်း
ဖြစ်နိုင်တယ်

ကဗျာဟာ..
ချစ်သူနှစ်ယောက်နီးဖို့ ခက်နေတဲ့ ကုန်ဈေးနူန်းလည်းဖြစ်နိုင်တယ်

ကဗျာဟာ..
လာဒ်စားမူတွေများတဲ့ လူ့အဖွဲ့အစည်းဖြစ်နိုင်သလို

ကဗျာဟာ..
ပရမ်းပတာ ပျက်စီးနေတဲ့ ခေတ်တခေတ်လည်း ဖြစ်နိုင်တယ်

ကဗျာဟာ..
မသမာမူတွေပြည့်နှက်နေတဲ့ ရွေးကောက်ပွဲဖြစ်နိုင်သလို

ကဗျာဟာ..
သူခိုးဓါးပြတွေ ကြီးစိုးတဲ့ ပါလီမန်လည်း ဖြစ်နိုင်တယ်

ကဗျာဟာ..
မှောင်ခိုပစ္စည်းတွေရောင်းတဲ့ မြေအောက်ဈေးလည်းဖြစ်နိုင်တယ်

ကဗျာဟာ..
သရုပ်ပျက်ယဉ်ကျေးမူနောက် တကောက်ကောက်လိုက်နေတဲ့ နောက်ဆုံးပေါ်မျိုးဆက်လည်း
ဖြစ်နိုင်တယ်

ကဗျာဟာ..
ဘယ်သူသေသေ ငတေမာရင်ပြီးရော သဘောထားလည်းဖြစ်နိုင်တယ်

ကဗျာဟာ..
သစ်ရွက်ပေါ်တင်ကျန်ရစ်တဲ့ မိုးရေစက်ကလေးဖြစ်နိုင်သလို

ကဗျာဟာ..
စပါးကြီးမြွေရဲ့ ပါးစပ်ပေါက်ထဲတိုးဝင်သွားရတဲ့ သားကောင်လည်း ဖြစ်နိုင်တယ်

ကဗျာဟာ..
အနုမြူလက်နက်တွေထုတ်လုပ်တဲ့ စက်ရုံဖြစ်နိုင်သလို

ကဗျာဟာ..
ပန်းရနံ့တွေသင်းပျံ့တဲ့ ဥယျာဉ်လည်း ဖြစ်နိုင်တယ်

ကဗျာဟာ..
ကမ္ဘာလောကရဲ့ အရိုးသားဆုံးအနုပညာဖြစ်နိုင်သလို

ကဗျာဟာ..
လူကြိုက်နည်းတဲ့ ဖျော်ရည်တစ်ခွက်လည်း ဖြစ်နိုင်တယ်

ကဗျာဟာ..
စစ်ကြေငြာချက်တစ်စောင်ဖြစ်နိုင်သလို

ကဗျာဟာ..
မြီးကောင်ပေါက်ကောင်မလေးရဲ့ ရင်ခုန်သံလည်း ဖြစ်နိုင်တယ်

ကဗျာဟာ..
ခြုံဖုတ်ပေါ်ကနေ ထပျံပြေးသွားတဲ့ လိပ်ပြာတစ်ကောင်ရဲ့ တောင်ပံခတ်သံ ဖြစ်နိုင်သလို

ကဗျာဟာ..
နွေဦးပေါက်မှာ မြူးတူးခုန်ပေါက်တတ်တဲ့ နွားမဒန်းမလေးရဲ့ အလိုရမ္မက်လည်း ဖြစ်နိုင်တယ်

ကဗျာဟာ..
ချစ်သူခြေကျင်းဝတ်က တက်တူးရုပ်ကလေးလည်း ဖြစ်နိုင်တယ်

ကဗျာဟာ..
ကြိုတင်ခန့်မှန်းတဲ့အတိုင်းဖြစ်မလာတဲ့ အနာဂတ်ဖြစ်နိုင်သလို

ကဗျာဟာ..
လက်မှတ်ဖြတ်ပြီး သွားမကြည့်ဖြစ်တော့တဲ့ရုပ်ရှင်တစ်ပွဲလည်း ဖြစ်နိုင်တယ်

ကဗျာဟာ..
အထီးကျန်သူတစ်ယောက်အညှိုးတကြီးသောက်တဲ့ အရက်ခွက်လည်း ဖြစ်နိုင်တယ်

ကဗျာဟာ.. အနိဋ္ဌာရုံပေါတဲ့ ဇာတ်ဝင်ခန်းဖြစ်နိုင်သလို
ကဗျာဟာ.. နံနက်ခင်းမှာပွင့်တဲ့ ပန်းကလေးတွေလည်း ဖြစ်နိုင်တယ်

ကဗျာဆရာရဲ့ ရိုးသားမူနဲ့ ကဗျာဟာ မွေးဖွားသန့်စင်ခဲ့ရပြီး
ကဗျာဆရာရဲ့ နာကျင်မူနဲ့ ကဗျာဟာ လှပလာခဲ့ရတယ်..။...။

ငြိမ်းချမ်းအောင်

Read More...

16 August, 2009

လရောင် အဝေး

မနေ့ညက
အခန်းထဲဝင်လာတဲ့လရောင်
ငါ့အတွက်
သိပ်ပြီး.. တောက်ပြောင်လွန်းတယ်..။

တစ်ညပြီး.. နောက်..တစ်ည
တစ်လပြီး.. နောက်..တစ်လ
လကွယ်ညတွေ ကုန်လွန်သွားရင်
ငါ့ပြတင်းမှာ
လရောင် ဆက်ဆက်သာလိမ့်ဦးမယ်..။

လရောင်ဟာ
ဂုဏ်ပကာသနမမောက်ဘူး
အသားအရောင်မခွဲခြားဘူး
လရောင်မှာ လိင်တူအခွင့်အရေးရှိတယ်
ပြီးတော့ ငြိမ်းချမ်းရေးလည်းရှိတယ်..။

လရောင်နဲ့တွေ့ဖို့
မာစီဒီးကားကြီးစီးလာစရာမလိုဘူး
စိန်လက်စွပ်ကြီး ၀တ်ထားစရာမလိုဘူး..။

ဒါပေမဲ့
အကျဉ်းထောင်ထဲက အိပ်ဆောင်တွေမှာ
ဆုံးရူံးခဲ့ရတဲ့ လရောင်ကို
အစား ဘယ်သူပြန်ပေးမှာလဲ..။

တော်သေးရဲ့
လရောင်မှာ
ဇီဇ၀ါတွေ မွှေးမြလို့မို့
ငါ့နေ့တွေ အဓိပ္ပါယ်ပြည့်ဝလာခဲ့ရတယ်..။

ငြိမ်းချမ်းအောင်

Read More...

07 August, 2009

ရုပ်ရှင်ကြည့်ရခြင်းအကြောင်းရင်း

သရုပ်ဆောင်မင်းသမီးအလှကို ခံစားချင်လို့ ရုပ်ရှင်ကြည့်တာလဲဖြစ်နိုင်တယ်
ဝါသနာပါလို့ ရုပ်ရှင်ကြည့်တာလဲဖြစ်နိုင်တယ်
တခြားလုပ်စရာမယ်မယ်ရရမရှိလို့ ရုပ်ရှင်ကြည့်တာလဲဖြစ်နိုင်တယ်
အချိန်ဖြုန်းဖို့ ရုပ်ရှင်ကြည့်တာလဲဖြစ်နိုင်တယ်
မေတ္တာလက်မှတ်ရလို့ ရုပ်ရှင်ကြည့်တာလဲဖြစ်နိုင်တယ်
စပွန်ဆာရှိလို့ ရုပ်ရှင်ကြည့်တာလဲဖြစ်နိုင်တယ်
ချစ်သူနဲ့ပွတ်သီးပွတ်သပ် ချစ်တင်းနှောဖို့ ရုပ်ရှင်ကြည့်တာလဲဖြစ်နိုင်တယ်
ပျော်လို့ ရုပ်ရှင်ကြည့်တာလဲဖြစ်နိုင်တယ်
ပျင်းလို့ ရုပ်ရှင်ကြည့်တာလဲဖြစ်နိုင်တယ်
စိတ်ညစ်လို့ ရုပ်ရှင်ကြည့်တာလဲဖြစ်နိုင်တယ်
အနုပညာကို လေးစားတန်ဖိုးထားလို့ ရုပ်ရှင်ကြည့်တာလဲဖြစ်နိုင်တယ်
လူပြောများတဲ့ဇာတ်ကားမို့ ရုပ်ရှင်ကြည့်တာလည်းဖြစ်နိုင်တယ်
ကြော်ငြာကောင်းလို့ ရုပ်ရှင်ကြည့်တာလည်းဖြစ်နိုင်တယ်
ခေတ်မီချင်လို့ ရုပ်ရှင်ကြည့်တာလည်းဖြစ်နိုင်တယ်
ပညာရှာဖို့ ရုပ်ရှင်ကြည့်တာလဲဖြစ်နိုင်တယ်
ဇာတ်လမ်းသိချင်လို့ စပ်စုလိုစိတ်နဲ့ ရုပ်ရှင်ကြည့်တာလဲဖြစ်နိုင်တယ်
လက်ရှိဘ၀ကို မိနစ် ၉၀ လောက်မေ့ထားချင်လို့ ရုပ်ရှင်ကြည့်တာလဲဖြစ်နိုင်တယ်
ငွေယားတွေပိုလျှံနေလို့ ရုပ်ရှင်ကြည့်တာလဲဖြစ်နိုင်တယ်
ရာဇ၀င်သိချင်လို့ ရုပ်ရှင်ကြည့်တာလဲဖြစ်နိုင်တယ်
သူငယ်ချင်းတွေနဲ့ ချိန်းတွေ့ဖို့ ရုပ်ရှင်ကြည့်တာလဲဖြစ်နိုင်တယ်
ဒါရိုက်တာကို ကြည်ညိုစိတ်နဲ့ ရုပ်ရှင်ကြည့်တာလဲဖြစ်နိုင်တယ်
ကိုယ်မစွမ်းသမျှ မင်းသား အစွမ်းအစကို လက်ခုပ်တီးအားပေးဖို့ ရုပ်ရှင်ကြည့်တာလဲဖြစ်နိုင်တယ်
ဘယ်လိုအကြောင်းကြောင့်ပဲ ရုပ်ရှင်ကြည့်ကြည့်
စိတ်ကူးယဉ်ဇာတ်လမ်းတွေက ပျော်ရွှင်ဖွယ်ကောင်းပြီး
ဖြစ်ရပ်မှန်ဇာတ်လမ်းတွေဟာ ကြေကွဲစရာကောင်းနေခဲ့တယ်။

ငြိမ်းချမ်းအောင်

Read More...

05 August, 2009

ခုတလော တက်ဂ်တဲ့စာ

ကိုအောင် (ပျူနိုင်ငံ) တက်ဂ်ပါသည်။

တွေးနေမိတာက
ကံ ကံ၏ အကျိုး ဆိုသောကိစ္စ။

ကိုယ့်ကိုယ်ကို ပြန်ဆင်ခြင်မိတာက
ငြိမ်းချမ်းအောင်.. မနှစ်ကထက်စာရင် ဒီနှစ် မောင်ရင် အသက်တနှစ်ပိုကြီးလာတာကလွဲလို့ အချိန်ပိုမစီးလာပါလား ငါ့ကောင်ရေ..။

ကျန်းမာရေး
ရုပ်၊ နာမ် နှစ်ခုလုံး ကျန်းမာမှ ကျန်းမာရေး ကောင်းတယ်လို့ ယူဆနိုင်တယ်ဆိုပါတယ်။ လူတွေက ကိုယ့်ကိုကိုယ်တော့ ကျန်းမာနေကြတယ်လို့ထင်တတ်ကြတယ်။ ဖျားနာနေတာမဟုတ်ရင်ကျန်းမာနေတယ်လို့ ယေဘူယျပြောနိုင်ပေမဲ့ …အတ္တ
အလုံးစုံကိုဖယ်ခွါနိုင်ပြီး အန္တိမ စင်ကြယ်ခြင်းကိုမရသေးသ၍ လူ့စိတ်ဆိုတာ တနည်းနည်းနဲ့တော့ ဖောက်ပြန်ရူးသွပ်နေကြတာပါပဲ။ ရုပ်ကျန်းမာရေးကတော့ ကျနော်ကောင်းနေပါတယ်။

ဖတ်ဖြစ်တဲ့ စာအုပ်တွေက
facebook… ပါ။ (အင်တာနက်နဲ့ဝေးနေချိန်မှလွဲ၍ facebook သုံးခဲ့တဲ့ ၂နှစ်အတွင်းမှာ တရက်မှ မပျက်မကွက် ဖွင့်ပြီး ဖတ်ဖြစ်ခဲ့တာ facebook ပါပဲ။)

ရောက်ဖြစ်နေတာက
ကွန်ပြူတာအရှေ့။

ရေးဖြစ်နေတာက
ဒီရက်ထဲမှာ ဘာမှ မရေးဖြစ်ပါဘူး။ တကယ်ပါ။

နားထောင်ဖြစ်နေတာက
ယူကျူ့မှ မြန်မာသီချင်းများ။

ရွတ်နေမိတဲ့ ကဗျာက
ဘာကဗျာမှ မရွတ်ဖြစ်ပါဘူး။ တကယ်ပြောတာပါ။

ဖြစ်ချင်နေတာက
ဘီလီယံနာ။ (ကျနော်ဘီလီယံနာဖြစ်ရင် လုပ်စရာလေး တစ်ခုရှိလို့ပါ)

သနားနေမိတာက
ပေးစရာငွေမရှိ၊ ပြေးစရာ မြေမရှိ၊ အိုးထဲမှာ ဆန်မရှိ၊ မနက်ဖြန်အကြောင်း ငါမသိ.. စသည်ဖြင့် ဆင်းရဲနုံချာလှသော ကျောမွဲ နင်းပြားများ။

လွမ်းနေမိတာက
နတ်ပြည်။

မေ့လျော့ပစ်နေမိတာက
မနက်ဖြန်။

ခါးသက်နေမိတာက
လူ့ဘ၀။

တမ်းတနေမိတာက
လူ့ဘ၀

ကြိတ်ပြီးချီးကျူးနေမိတာက
တိုင်းပြည်အကျိုးဆောင်ရွက်ရင်း အကျဉ်းကျခံနေရသူများ။

ကြိတ်ပြီးအထင်သေးနေမိတာက
အရိုးအရင်းကိုက်ပြီး နေ့စားကျွန်ခံ သခင်အားရကျွန်ပါးဝ ရိုက်ရဲနှက်ရဲ သတ်ရဲဖြတ်ရဲ လက်မရွံ့အာဏာပါးကွက်သား မြန်မာပြည်မှ ကြံ့ဖွတ်နဲ့စွမ်းအားရှင် လူဆိုးများ။

ဆန္ဒမရှိတဲ့နေရာ
ကပ်ရောဂါထူပြော၊ တောရိုင်းဥပဒေ ကြီးစိုး၊ တနေ့ထက်တနေ့အသက်ရှူကြပ်လာနေတဲ့ လူသားကမ္ဘာ။

ဆန္ဒရှိနေတဲ့ကိစ္စ
အမှန်အတိုင်းပြောရရင်တော့ လူသတ်ချင်စိတ်ပေါက်နေတယ်။

မုန်းတီးနေမိတာက
ကံကြမ္မာ

ချစ်နေတာက
ချစ်စရာကောင်းတဲ့ …. ။

စိတ်ပျက်နေမိတာက
၃၁ ဘုံ။

စွဲလန်းနေမိတာက
၃၁ ဘုံ။

လိုအပ်နေတာက
ပိုက်ဆံ။

တောင်းနေမိတဲ့ဆု
ဂျက်ပေါ့နဲ့ဒက်ထိ တိုးပါစေ။

ထပ်ပြန်တလဲလဲအော်ဟစ်နေမိတာက
ထလော့မြန်မာ မြန်မာထလော့။

ဝန်ခံချင်တာက
ကိုအောင်ကို အားနာသဖြင့် စိတ်ကူးပေါက်ရာ ထင်သလို ချရေးလိုက်ခြင်းဖြစ်သည်။

Read More...

23 July, 2009

ခံနိုင်ရည်ကိုစမ်းသပ်ခြင်း (၅)

တောကြောင်တွေကြောင့်
တောလည်းကြေပြီ။

တောဝက်တွေကြောင့်
တောလည်းပျက်ပြီ။

မျိုးမစစ်တွေကြောင့်
အမျိုးလည်းညစ်ခဲ့ရပြီ။

ဂုဏ်သိက္ခာအတွက်မဟုတ်ရင်
ဘာအတွက်ရှင်သန်ကြတာလဲ

ဇောက်ထိုးမိုးမျှော်နေ့ရက်တွေကို
ကျွမ်းထိုးမှောက်ခုံဖြတ်သန်းရင်း
ဘ၀ဆိုတာဒီလောက်ပဲလား

လက်ခုပ်တီးအားပေးမခံရရင်တောင်
လက်ညှိုးထိုးတံတွေးထွေးမခံရဖို့လိုတယ်

ထုံးစံအတိုင်းဆိုရင်
ဇာတ်သိမ်းခါနီးမှာ ရဲသားကြီးတွေရောက်လာမယ်
ပရိသတ်ကြီးကလက်ခုပ်တီးအားပေးမယ်
မင်းသားနဲ့မင်းသမီး ပျော်ရွှင်စွာပေါင်းဖက်ကြမယ်


ခုတော့သူငယ်ချင်းရာ
ဇာတ်ပေါင်းခန်းတောင်ရောက်တော့မယ်
လူဆိုးကြီးတွေအသာစီးရတုံးလား

စစ်ပွဲတွေဆီသွားဖို့ဆိုရင်
သတ်ရဲ သေရဲ အနိုင်ယူရဲသူတွေပဲ လိုတယ်။

သဘာဝတရားကိုသစ္စာခံဖို့
ကမ္ဘာမြေကိုပေါင်းသင်ဖို့
အမှန်တရားကိုသက်သေထွက်ဆိုဖို့
ငါအရောက်လာခဲ့တယ်

မင်းသားမဟုတ်ပေမဲ့
ဗီလိမ်မဖြစ်ခဲ့တာဂုဏ်ယူပါရစေ…။…..။

ငြိမ်းချမ်းအောင်
၁၈ ဇူလိုင် ၀၉

Read More...

ကမ္ဘာပျက်အလွမ်း

ကြိုးညှိပြီးတဲ့အထိ
ဘာသီချင်းတီးရမှန်းမသိဘူး
ခံစားတတ်မယ်ဆိုရင်
သစ်ရွက်ကလေးလူပ်ခါနေသည်လည်း
စွဲမက်ဖွယ်ဂီတပင်
နွေရာသီဟာအခန်းထဲမှာချွေးတွေရွှဲနစ်လို့
အဲဒီပက်လက်ကုလားထိုင်ပေါ်
အရုပ်ကျိုးပြတ်လဲကျနေတာ
အသွေးအသားအသိညာဏ်တို့ရဲ့အစုအဝေး
သက်ရှိခန္ဒာကိုယ်တစ်ခုမဟုတ်လား။
နေရောင်ခြည်ရုပ်သိမ်းခံလိုက်ရတဲ့ညနေခင်းဟာ
သွေးပျက်ခြောက်ခြားဖွယ်ရာအတိ
လှောင်အိမ်ထဲကချိုးကူသံဟာဝမ်းနည်းပက်လက်
ကျနော့်ရှေ့ကနံရံမှာ
အဖြူရောင်အရိပ်တွေယိမ်းထိုးလူပ်ခါနေတာ
ခြောက်ကြိုးကဝေစုန်းမတွေပညာပြနေတာလား
လရောင်မှတ်လို့ငေးစိုက်ကြည့်လိုက်မိတာ
မီးစုန်းဖြစ်နေလို့မျက်စိကိုကျိမ်းစပ်သွားတာပဲ
အခန့်မသင့်ရင်တောကျွမ်းတဲ့မုဆိုးလည်း
တောမှောက်တာခံရနိုင်သည်ပင်
အထီးကျန်မူဝေဒနာဟာအနီရောင်လက်လက်တောက်ပ
ထုထည်သိပ်သိပ်သည်းသည်းနက်နက်ရိူင်းရိူင်း
စကားတွေပြောချင်နေတယ်

စကားပြောဖော်မရှိဘူး
အလုပ် လုပ်ချင်တယ်
အလုပ်ခန့်မယ့်သူမရှိဘူး
ကျနော့်ဒဏ်ရာကို ဖေးကူမဲ့သူမရှိဘူး

ကျနော့်ခံစားချက်ကို ဘယ်သူမှနားမလည်နိုင်ဘူး
ကျန်းမာရေးမကောင်းလို့
အရက်ဖြတ်လိုက်တယ်
မိတ်ဆွေမဟုတ်တော့လို့
မိတ်ဆွေတချို့နဲ့လမ်းခွဲလိုက်တယ်
ကမ္ဘာပျက်မှာကြိုသိနေသူတစ်ယောက်
သင်္ဘောမှောက်မှာတွေးကြောက်မနေတော့ဘူး..။……။

ငြိမ်းချမ်းအောင်
၂၁ ဇူလိုင် ၀၉

Read More...

ဘောလုံးနဲ့ရေးတဲ့ ကဗျာ (၂)

ဘောလုံးကစားတယ်ဆိုတာ
ခြေထောက်နဲ့ကန်ကျောက်ပြီး
အနာဂတ်ကို တွန်းဖွင့်ဖို့ကြိုးစားတာပဲ။
ဘောလုံးအသင်းတစ်သင်းဟာ
ကစားကွက်လှရင် လှသလောက်
ကန်ချက်မှန်ရင် မှန်သလောက်
မဟာဗြူဟာ၊ နည်းဗြူဟာ
အားကောင်းရင်အားကောင်းသလောက်
အောင်ပွဲနဲ့ နီးစပ်မယ်။
Teamwork ကအရေးကြီးသလို
အသင်း အနိုင်ရရှိရေးဟာ
ဗြူဟာရေးဆွဲတဲ့ အသင်းမန်နေဂျာအပေါ်
၈၀ ရာခိုင်နူန်း မူတည်တယ်လို့
လေ့လာသူတွေက သုံးသပ်ကြတယ်။
အသင်းနာမည်တက်ရေးထက်
မိမိနာမည်ထွက်ရေး ပိုပြီးအာရုံစိုက်တဲ့ကစားသမားတွေရှိတယ်
အရိုးကျေကျေအရေခမ်းခမ်း သဘောထားကစားတဲ့ ကစားသမားတွေရှိသလို
ရေသာခို အချောင်လိုက်တဲ့ ကစားသမားတွေရှိတယ်
ရိုးရိုးသားသား ကစားသမားတွေရှိသလို
ငွေနောက်လိုက်တဲ့ကစားသမားတွေရှိတယ်
အရက်သေစာ၊ မိန်းမ လိုက်စားတဲ့ ကစားသမားတွေရှိတယ်
သူတို့ ခြေထောက်ထဲရောက်သွားတဲ့ဘောလုံးကို
အခြားအသင်းသားတွေဆီ အသာတကြည်မပေးလိုတဲ့
ကစားသမားတွေလည်းရှိကြတယ်။
ဘောလုံးကစားရာမှာ
လိုအပ်ရင် အသင်းအတွက် Sacrifice လုပ်ရမယ်
ကိုယ်ရောစိတ်ပါ တွန်းတွန်းတိုက်တိုက် ကစားတဲ့အခါ
အချိန်မရွေး ဒဏ်ရာဒဏ်ချက်တွေရနိုင်သလို
ကံမကောင်းအကြောင်းမလှရင်
ဘောလုံးကွင်းထဲမှာ အသက်ပေးလိုက်ရတဲ့ အဖြစ်တွေရှိခဲ့တယ်။
အနာမခံပဲ အသာစံသူတွေများနေတဲ့
ဘောလုံးအသင်းဟာ
ရူံးနိမ့်ဖို့ သေချာသလောက်ပဲ။
အခုလည်း ညီညွတ်ရေး အားနည်းပြီး
မဟာဗြူဟာ နည်းဗြူဟာတွေချိနဲ့နေတဲ့
ကျနော်တို့ဘောလုံးအသင်း
အချိန်ကုန်လူပမ်း ရူံးပွဲတွေဆက်ခဲ့တယ်
အလေအလွင့် အဖိတ်အစင်တွေများခဲ့တယ်
အသင်းကနေ နူတ်ထွက်သူတွေ များခဲ့တယ်
ကျနော့်အမြင်အရ
ခြေကုန်လက်ပမ်းကျနေတဲ့ ကစားသမားတွေ အနားပေးဖို့လိုသလို
သွေးသစ်၊ သမိုင်းသစ်၊ အနာဂတ်အသစ်
သေနင်္ဂဗြူဟာအသစ်၊ မျှော်လင့်ချက်အသစ်တွေနဲ့
အားကောင်းမောင်းသန်ဘောလုံးအသင်းတစ်သင်း ထပ်မံဖွဲ့စည်းဖို့လိုနေတယ်
ဒီလိုနဲ့ သဘောထား အမြင် အယူအဆ မတူသူတွေနဲ့
ကျနော်တို့ တစ်သင်းတည်းဘောလုံးကစားနေခဲ့တယ်..။ ။

ငြိမ်းချမ်းအောင်
၎ မေ ၀၉

Read More...

16 July, 2009

ငယ်ချစ်ဟောင်းသို့ သတိတရ

ငါစိတ်ပျက်မိရဲ့
လေသင်တိုင်းများ
မင်းအလှကို တိုက်စားသွားကြ..

နှစ်ကာလများ
မင်းအလှကို နင်းခြေမွကြ..


ငါ နမ်းရိူက်ခဲ့ဖူးတဲ့
မင်းနူတ်ခမ်းက မှဲ့နက်လေး
မလှနိုင်တော့ပါလား

ငါ ရူးမိုက်စွဲလန်းခဲ့ဖူးရဲ့
မင်းပါးပြင်ထက်က ပါးချိုင့်လေး

ဘယ်ဆီမှာလဲ အချစ်ရယ်

အခုများတော့
မင်းခန္ဒာကိုယ်အဆီတွေတက်
မင်းဟာ အသားတိုးဝက်တစ်ကောင်လို
ဝမ်းပြင်မှာ ဗိုက်ခေါက်ကြီးတွေထွက်
ဂုပ်တွေသိုး၊ ပါးစုန့်ကြီးကဟက်လို့
ဟိုတုန်းကလို ငါ့အချစ် မင်း..မလှနိုင်တော့ပါလား..
 

သောက်ရှူးကြယ်ကလေးတွေတောင်
မနာလိုဝန်တိုဖြစ်ဖူးရဲ့
တစ်ခါက မင်းမျက်ဝန်း လဲ့ပြာတွေလည်း
အရောင်တွေမွဲခြောက်လို့..။


ကိုယ် တယုတယ ပွတ်သပ်နမ်းရိူက်ခဲ့ဖူးရဲ့
ပိတုန်းရောင်ဆံမြညှာကေသာလည်း
ဆံခြည်တွေကျွတ်လို့၊ ငွေမင်တွေစွန်းထင်း
ထိပ်တောင် ပြောင်လို့ပါလား အချစ်ရယ်..


လောကဓံဆိုတာကြီးက 

ငါတို့ ရိုမန်းတစ်စိတ်ကူးတွေကို
သက်ဆိုးရှည်ခွင့်မပေးခဲ့
မြီးကောင်ပေါက်က
ငါ ပြောခဲ့ဖူးရဲ့
ရဲရဲတောက် အချစ်ကြေငြာစာတမ်းတွေလည်း
ခုပြန်စဉ်းစားကြည့်မိ
ငါ ရှက်များတောင်ရှက်မိပါရဲ့… ကွယ်။


အချစ်ရယ်
အရာရာဟာ
ပြောင်းလဲနေခဲ့တယ်…။ ။

ငြိမ်းချမ်းအောင်

Read More...

22 May, 2009

လူထုတိုက်ပွဲသို့ ကြွေးကြော်သံချပ်များ

(တစ်ပိုဒ်ကို နှစ်ခေါက်ဆိုပါ)

သပိတ်စုံ သူပုန်ထ
တောရော မြို့ပါ တော်လှန်ကြ
နအဖ နွားအဖွဲ့ ပြုတ်ကာကျ။

ခေါင်းဆောင်ကို ကယ်ထုတ်ဖို့
စစ်အကျဉ်းထောင်ကို မီးတင်ရိူ့။

ဂြိုလ်ကုပ်ဒူးကြီး ငသန်းရွှေ
သေချင်းဆိုးနဲ့ သေပါစေ။

ခွေးဝဲစားတို့ ခွေးကြံကြံ
ပတ္တမြားမှန်ရင် နွံမနစ်ဘူး။

ဒီတစ်ပွဲမှ သွေးမရဲရင်
ခွေးဆွဲတာ ခံရကိန်းပဲ။

မြန်မာပြည်ကြီး တိုးတက်တယ်ဆို
မနက်စာ ညစာ နပ်မမှန်ဘူး။

မြန်မာပြည်ကြီး တိုးတက်တယ်ဆို
မီးမလာဘူး၊ ရေမလာဘူး။

လူထုခေါင်းဆောင်က ရှေ့ကချီ
တို့တိုင်းပြည်သူ ပါဝင်ပူးပေါင်း။

ဒေါ်အောင်ဆန်းစုကြည်လွတ်မြောက်ရေး
ပြည်သူတွေမှာ တက်တက်ကြွကြွ။

ငရဲလားမဲ့ ငသန်းရွှေ
မသေခင်မှာ ရိက္ခာယူထား။

ဗိုလ်ချုပ်ရူးကြီး ငသန်းရွှေ
နင့်မိသားစုပါ ငရဲပြည်ခေါ်သွား။

ငသန်းရွှေသမီး သန္တာရွှေ
ကလေးမွေးတာ လင်ကောင်မပေါ်ဘူး။

သမိုင်းရေးမဲ့ ပြည်သူတွေ
နအဖကို တွန်းလှန်တိုက်ထုတ်။

လူသတ်သမား ငသန်းရွှေ
ICC ကိုပို့လိုက် ပို့လိုက်။

အမျိုးယုတ်တဲ့ ငသန်းရွှေ
ငရဲပြည်ကို get out, get out

တပ်မတော်သားနဲ့ ရဲဝန်ထမ်းတွေ
ထမင်းရှင်ဟာ သန်းရွှေမဟုတ်ဘူး။

ထမင်းကျွေးတဲ့ ပြည်သူကို
ခွေးဝဲစားတောင် ပြန်မကိုက်ဘူး။

ကမ္ဘာကျော်သူခိုးကြီး ငသန်းရွှေ
နန်းတော်အိမ်ကြီးမှာနေ။
ဗိုလ်ချုပ်တွေ တိုက်ဆောက်
ပြည်သူတွေ ဗိုက်မှောက်။

ဒို့ဗိုလ်ချုပ်က မှာခဲ့တယ်
ရရင်ရ, မရရင်ချ။

တပ်မတော်ဖခင် အစစ်အမှန်ဟာ
ဗိုလ်ချုပ်အောင်ဆန်းပါ
ငသန်းရွှေဟာ မျိုးမစစ်
ငရဲပြည်ကို ပို့ပစ် ပို့ပစ်။

လယ်သမားကြီး ဦးဖိုးသာအောင်
စပါးစိုက်လို့ တိုင်းကျိုးဆောင်
ငသန်းရွှေဟာ ဆန်ကုန်မြေလေး
ပြည်သူကို ညှဉ်းဆဲသေး။

တပ်နဲ့ ပြည်သူ လက်တွဲကူ
စစ်အာဏာရူးကို တွန်းလှန်တိုက်ထုတ်။

သံချပ်ထိုးသူ ငြိမ်းချမ်းအောင်

Read More...

21 May, 2009

အမျိုးသားရေးတာဝန်

အမျိုးကိုထိတော့ မချိအောင်နာ
လူထုခေါင်းဆောင်ကို ထိတော့
တတိုင်းပြည်လုံးအနာပေါ်ဒုတ်ကျ
ဆူဝေနေတဲ့ ငါဒို့.. သွေးတွေ
ပွက်ပွက် အန်ကျတယ်

နအဖဆိုတာ နွားအဖွဲ့
အဲဒီ နွားအဖွဲ့ဟာ
ပြည်သူကို သတ်နေပြီ..

အဲဒီ နအဖ ဆိုတဲ့ နွားအဖွဲ့ဟာ
သံဃာကို သတ်
သာသနာကို ဖျက်ဆီးနေပြီ..

အဲဒီ နအဖ ဆိုတဲ့ နွားအဖွဲ့ဟာ
ခေါင်းဆောင်ကိုထောင်သွင်း
လူထုကို နှိပ်စက် ညှဉ်းပမ်းနေပြီ..

အဲဒီ နအဖ ဆိုတဲ့ နွားအဖွဲ့ဟာ
တိုင်းပြည်ကို ချောက်ထဲပို့
အနာဂတ်ကို မီးရှို့နေပြီ..

ဗိုလ်ချုပ်မှူးကြီးဆိုတဲ့
ဂြိုလ်ကုပ်ဒူးကြီး
ငသန်းရွှေဟာ
စစ်ရာဇ၀တ်ကောင်
ပြည်သူ့ချဉ်ဖတ်
သေချင်းဆိုးနဲ့ သေမဲ့ ကောင်

အဲဒီ ငသန်းရွှေဟာ.. ရန်သူနံပါတ်တစ်
အဲဒီ ငသန်းရွှေဟာ.. ဟစ်တလာ
အဲဒီ ငသန်းရွှေဟာ.. ပိုပေါစ့်
အဲဒီ ငသန်းရွှေဟာ.. လူယုတ်မာ
အဲဒီ ငသန်းရွှေဟာ.. ဖက်ဆစ်စစ်မိစ္ဆာ

နားလာကိုက်လို့
ပါးပြန်ရိုက်တာ
မင်္ဂလာတရားတော်နဲ့ ညီတယ်
သူငယ်ချင်းတို့..

ကိုက်ဖို့လာတဲ့ ခွေးကို
ဒုတ်နဲ့ ပြန်မရိုက်ရင်
ခွေးကိုက်တာ ခံရလိမ့်မယ်

ရရာလက်နက်ကိုဆွဲ
ခွေးမျိုးပြုတ်အောင်
ခွေးမျိုးကိုဖြုတ်ပစ်ရမယ်

“သပိတ်.. သပိတ်.. မှောက်မှောက်”
“မီးတုတ်.. မီးတုတ်.. ရိူ့ ရိူ့”

သန်းရွှေ.. သန်းရွှေ
သေစမ်း.. သေစမ်း

“ဒေါ်အောင်ဆန်းစုကြည်.. သက်တော်ရာကျော်ရှည်ပါစေ”
“နအဖ နွားအဖွဲ့ ကျဆုံးပါစေ”

“တတိုင်းပြည်လုံးအုံကြွ.. နအဖ ပြုတ်ကျ”
“ရရင်ရ.. မရရင် ချ..”

ငြိမ်းချမ်းအောင်
၂၀-၅-၂၀၀၉

Read More...

13 May, 2009

မိုးများတဲ့ နွေဦးရာသီ၊ မေ ၁၂ နေ့လည်ခင်းနှင့် သင်းပျံ့နေဆဲ ပန်းနုရောင်ဇီဇ၀ါ

ကျနော်မပျော်ရွှင်မှန်းသိလို့
ဒီနွေဦးမှာပွင့်တဲ့ ပန်းကလေးတွေတောင် ညှိုးငယ်နေကြတယ်
အရွက်စိမ်းစိမ်း သစ်ပင်တွေပေါ်မိုးရွာချလိုက်တာ
သစ်ရွက်တွေပေါ်မှာ မိုးရေစက်ကလေးတွေ တွဲလွဲခိုနေတာ
မိုးရွာပြီးစ နေရောင်ခြည်ဟာ တလက်လက်တောက်ပနေတာ
ကျနော့်ကို ဘာခံစားချက်မှ မပေးနိုင်ခဲ့ဘူး

ဖိနပ်စီးပြီး ကျနော် လမ်းလျှောက်ထွက်ခဲ့တယ်
ငယ်ငယ်ကလို လမ်းဘေးမှာ တွေ့တဲ့ အုတ်နီခဲကိုကောက်ပြီး
နီးရာ ဓါတ်တိုင်ကို ပစ်ပေါက်လိုက်ချင်စိတ်ကို မနည်းထိန်းထားရတယ်
မော်တော်ကားတွေက ကျနော့်ကို ဖြတ်ကျော်တက်သွားတယ် 

ကျနော်က သစ်ပင်တွေနဲ့ အဆောက်အဦးတွေကို ဖြတ်ကျော်ခဲ့တယ်
သူငယ်ချင်းတွေနဲ့ မတွေ့တာ ရှစ်လကျော်ပြီ
ဒီနေ့ဆို ကျနော်အရက်မသောက်ဖြစ်တာ လေးလပြည့်ပြီ
ကမ္ဘာပေါ်မှာ ရှိသမျှ အလှမွေးငါးကန်တွေကို ရိုက်ခွဲပြီး
ကန်ထဲက ငါးကလေးတွေကို လွတ်လပ်ခွင့်ပေးချင်တယ်
အလှမွေးငါးမွေးပြီး ယဉ်ကျေးချင်သူတွေကို ခဏလောက်ဖြစ်ဖြစ်
ငါးကန်ထဲ ထည့်ပြီး အလှပြထားရမယ်
လတ်လတ်ဆတ်ဆတ် မရှိတဲ့ ညနေခင်းမှာ
ညှဉ်းသိုးသိုးဖြစ်နေတဲ့ ကျနော့်စိတ်ကူးက
လွန်ခဲ့တဲ့ အတိတ်ကာလကိုရောက်သွားတယ် 

စိတ်ကူးမှာ ဇီဇ၀ါ ပန်းခြောက်ကလေးကို 
စိတ်ရှိလက်ရှိ ပွေ့ယူ နမ်းရိူက်လိုက်မိတယ်
လေပြည်မှာ ပန်းရနံ့တွေ သင်းပျံ့နေတုံးပါပဲ
အချစ်ဆိုတာ အရွယ်သုံးပါးကို ဖြတ်သန်းပြီး
အဆင့်ဆင့်ပြောင်းလဲ ဖြစ်ပေါ်နေခဲ့တယ်
ကျနော့်စိတ်ကူးက ပစ္စုပ္ပန်ကာလကို ပြန်ရောက်လာတယ်
စိတ်ကူးမှာ ပန်းအိုးထဲ ပန်းအသစ်လဲတယ်
စိတ်ကူးမှာ အတွေးသစ်အမြင်သစ်တွေနဲ့
ကျနော့် ၀ရံတာကို အလှဆင်တယ်
စိတ်ကူးမှာ အိမ်ထောင်ကျတယ်
စိတ်ကူးမှာ မချစ်မနှစ်သက်တဲ့ အိမ်ထောင်နဲ့ ကွဲတယ်
ကျနော်က စိတ်ကူးမှာတောင်
မချစ်သော်လည်း အောင့်ကာနမ်းဖို့ခက်ပေမဲ့
ကျနော်ထားရစ်ခဲ့တဲ့ မှတ်တိုင်လေးကတော့
ဆေးအသစ်သုတ်လို့ အဓိပ္ပါယ်အသစ်တွေရေးခြစ်လို့
ကျနော်ဖြတ်ကျော်ခဲ့တဲ့ ဘူတာရုံလေးကလည်း
အသစ်ဆိုက်ကပ်လာတဲ့ ယာဉ်ရထားတွေနဲ့ ပျော်မွေ့လို့

ကျနော်က ရွာမတွေ့မချင်း
လမ်းဆက်လျှောက်နေရဆဲပါပဲ……။

ငြိမ်းချမ်းအောင်

Read More...

27 April, 2009

ဘောလုံးနဲ့ရေးတဲ့ကဗျာ (၁)

ကျနော့်ကို ချ,ထားတဲ့ကောင်တွေကို
ကျနော်က ပြန်ချတယ်
ကျနော်က ချ,ထားတဲ့ကောင်တွေက
ကျနော့်ကို ပြန်ချတယ်
ဘောလုံးကစားတယ်ဆိုတာ
ပန်းနဲ့ပေါက်တန်းကစားတာမဟုတ်တော့
ထိခိုက်ဒဏ်ရာကိုယ်စီတော့ ရှိကြတယ်
လက်ရည်မမျှတဲ့ စိန်ခေါ်သံတွေကို
ကျနော် မကြားချင်ယောင်ဆောင်ခဲ့တယ်
ခရာတွတ်နေတာတောင်
ကျနော့်နားရွက်ကို တံတွေးလာစွတ်နေလို့
ဒေါသနဲ့ ဂိုးအပြတ်သွင်းပစ်ခဲ့တယ်
လူမကျွံအောင် ကျနော်သတိထားကစားတယ်
ကိုယ့်ဂိုးကိုယ်ပြန်မသွင်းမိအောင်
ကျနော် အလေးထားတယ်
အနီကဒ်ပြပြီး အထုတ်ခံရလောက်အောင်လည်း
ကျနော် စည်းကမ်းမဖောက်ဘူး
ရာသက်ပန်အနားယူရလောက်တဲ့ ဒဏ်ရာမျိုးရအောင်လည်း
ကျနော် သတိလက်လွတ် မကစားဘူး
အရံခုံမှာ ထိုင်နေရတဲ့အခါ
အသင်းဖော်တွေကို အားတက်သရော အားပေးတယ်
ကိုယ်တိုင်ဝင်ကစားရတဲ့အခါ
အကောင်းဆုံး ခြေစွမ်းပြနိုင်ဖို့ အားမွေးတယ်
တသင်းတည်းသားချင်း ခြေခွင်မလှဲဘူး
နောက်ကျောကနေ လက်သီးပုံးမထိုးဘူး
ကျနော်ပါဝင်ကစားခွင့်ရတဲ့ အသင်းမှာ
ကျနော် အကောင်းဆုံးကစားခဲ့ပါတယ်။ ။

ငြိမ်းချမ်းအောင်

Read More...

20 April, 2009

ရာသီဘွဲ့

မိုးလွန်မှထွန်ချရင်
ထွန်သွားတုံး
အခွင့်အရေးဆုံးတာပဲ
အဖတ်တင်မယ်။

ကဆုန်နယုန်မှာ
ရေစုန်မမျောခင်
တပေါင်းတန်ခူးမှာ
အကြောင်းထူးမှဖြစ်မယ်။ ။

ငြိမ်းချမ်းအောင်

Read More...

11 April, 2009

ပိရိသေသပ်သော အကြောင်းအရာ

ဂျိမ်းစ်ဘွန်းရုပ်ရှင်ဇာတ်ကားကို မကြည့်ချင်ပါဘူး
'အိုဂါကူရီလန်ကို' ဆိုတဲ့ကလေးမရဲ့ အလှဟာ
မီးစတစ်ဖက် ရေမှုတ်တစ်ဖက်နဲ့
အချစ်ဆိုတဲ့ လောင်စာဆီထည့်ပြီး
ငယ်စဉ်က မောက်မာခဲ့ဖူးတယ်
အခုတော့ ကိလေသာကိုပဲ ပြန်ပြီးလွမ်းနေရ
ငွေကြေးဆိုတာ ရှာဖွေလို့ရတယ်
လူငယ်ဘ၀ဆိုတာက ပြန်မရနိုင်တော့ဘူးမဟုတ်လား
'အင်ဒရီနာလီမာ' ကပြောတယ်
“ကျမက ကက်သလစ်ဘာသာဝင်လေ
လိင်မှုကိစ္စဆိုတာ လက်ထပ်ပြီးမှ လုပ်ရတာမျိုးပါ” တဲ့
စိတ်ကူးကို မီးရိူ့ရင် ပဲရစ်မြို့ကြီး ပြာကျသွားနိုင်တယ်
ကျနော်က လစ်ဘရယ်မဖြစ်ဘူး
အစွန်းနှစ်ဖက်မှာ တစ်လှည့်စီရပ်ရင်း
အလယ်ဗဟိုကို မရောက်နိုင်ဘူးဖြစ်နေတယ်
ဖြစ်သင့်တာကတခြား ဖြစ်နေတာကတခြားဆိုတော့
ယုံကြည်ရာကို မယုံကြည်သလို
မယုံကြည်ရာကို ယုံကြည်သလို ဟန်လုပ်နေရ
အကြောင်းအရာတွေက နက်နဲလွန်းပါတယ်
ခေါင်းစဉ်တစ်ခုချင်းစီနောက် လျှောက်လိုက်နေမိတော့
ဖြစ်စဉ်တစ်ခုလုံးနဲ့ ဝေးဝေးသွားတယ်
ကိုလိုနီခေတ်မှာလည်း ဧရာဝတီမြစ်ကြီး စီးဆင်းခဲ့တယ်
‘ရွှေဘ’ ခေတ်ကုန်တော့ '၀င်းဦး’ ခေတ်ရောက်လာတယ်
တစ်စက္ကန့်ခြင်း တစ်မိနစ်ခြင်း ရှူသွင်းနေရတဲ့လေထဲမှာ
အမုန်း၊ အာဃာတနဲ့ စစ်မက်ရနံ့တွေ တောက်လောင်နေတယ်
၂၀၀၈ ရုံတင်ဇာတ်ကားတွေ ကြည့်ဖြစ်တယ်
Slumdog Millionaire ထဲက အချစ်ဇာတ်လမ်းကတော့
ခမ်းနားထည်ဝါလွန်းပါတယ်
အချစ်နဲ့ မျှော်လင့်ချက်ကိုထမ်းပိုးလို့
ကမ္ဘာကြီးက ခရီးဆက်နေတယ်
အရင်းအနှီးပါတဲ့ ကဗျာတစ်ပုဒ်ဟာလည်း
ရာစုနှစ်တွေ ဖြတ်သန်းပြီး ခရီးနှင်နေဆဲ
ကျနော်တို့ မသောက်ရဲတဲ့ အဆိပ်ခွက်ဟာ
ကျနော်တို့ လိုက်ရှာနေတဲ့ ပုစ္စ္စာရဲ့ အဖြေပါပဲ
ဘာပဲဖြစ်ဖြစ် ပြတင်းတံခါးတွေ ဖွင့်လိုက်ကြတော့

အိမ်အပြင်မှာ ပိတောက်တို့ဖူးပြီ
နွေဦးသစ်ပြန်ပြီ။ ။

ငြိမ်းချမ်းအောင်

Read More...

03 April, 2009

ခြင်္သေ့

ခေတ်မကောင်းတဲ့အခါမှာလည်း
ရူးချင်ယောင်မဆောင်ဘူး
သားကောင်မရလို့လည်း
မြက်မစားဘူး
တောခွေးအတွေ အူတိုင်းလည်း
ခေါင်းထောင်မကြည့်ဘူး
ယုန်သူငယ်နဲ့လည်း
ပရောပရီမလုပ်ဘူး
ခြင်္သေ့ဟာ တောရဲ့အရောင်
တောင်ရဲ့အရိပ်ကို သိတယ်
တိုက်လာတဲ့ လေထဲကရနံ့မှာ
ရန်သူလား၊ မိတ်ဆွေလားခွဲခြားသိတယ်
ဒဏ်ရာဒဏ်ချက်တွေနဲ့
ဝမ်းနည်းပက်လက် နေ့ရက်တွေမှာတောင်
ခြင်္သေ့ဆိုတာ အကြီးမြတ်ဆုံးရှင်သန်တယ်။ ။

ငြိမ်းချမ်းအောင်
၂၅ မတ်၊ ၂၀၀၉

Read More...

23 March, 2009

အန်အယ်လ်ဒီ

သူ့လက်ဖျံမှာထိုးတဲ့ဆေးမင်ကြောင်ကအောင်ဆန်းစုကြည်
သူ့မဟာမိတ်ကမင်းကိုနိုင်နဲ့သူရဲကောင်းများ
သူ့ရင်ဘတ်ထဲမှာပြည်သူသာအမိပြည်သူသာအဖ
သူရင်းနှီးမြှုပ်နှံထားတာတိုင်းချစ်ပြည်ချစ်စိတ်ဓါတ်
သူ့ပန်ကြားလွှာမှာမတရားတဲ့အမိန့်အာဏာဟူသမျှတာဝန်အရဖီဆန်ကြ
သူကိုးကွယ်တဲ့ဘာသာကအမှန်တရားကိုချစ်မြတ်နိုးခြင်း
သူကျွမ်းကျင်တတ်မြောက်တာဗြဟ္မစိုရ်တရားလေးပါး
သူမေ့လို့မရတာ ၉၀-ရွေးကောက်ပွဲရလာဒ်
သူကြွေးကြော်လိုက်တာ နွေဦးဟာခူးဆွတ်ရဲသူအတွက်သာဖြစ်တယ်။ ။

ငြိမ်းချမ်းအောင်

Read More...

20 March, 2009

“ပိတောက်နဲ့ဆောက်တဲ့ နိုင်ငံတော်”


ပိတောက်က ငါ့ရင်ခုန်ဖက်
ဥသြငှက်က မဟူရာ တမန်တော်
ငုဝါပန်းက ငါ့အလွမ်းများ
နွေရက်တွေနဲ့ အဝေးကြီး ဝေးခဲ့သမျှ
အဆွေးကြီးဆွေးခဲ့ရ နှစ်တွေထဲ
ငါက အချစ်နဲ့စစ်ရဲ့
ပဋိပက္ခ အကျဉ်းသား။

အင်တာနက်မှာ
တစ်နှစ်တစ်ခါ ပွင့်တဲ့ ပိတောက်ကို
စိတ်ကူးမှာခူးပြီး
ရူးလောက်အောင် လွမ်းနေရ..

ရေကင်းသံတွေကြားမှ
သတိရတာမဟုတ်ပါဘူး ပိတောက်ရယ်
ခင်လျှက်နဲ့ဝေး
ကြင်လျှက်နဲ့ဆွေးနေရတဲ့ အဖြစ်ပါ။

တန်ခူးလေသွေးမှ
မွှေးမြတာမဟုတ်ပါဘူး ပိတောက်ရယ်
လွမ်းလျှက်နဲ့ခွဲ
ကျွမ်းလျှက်နဲ့လွဲခဲ့ရတဲ့ အဖြစ်ပါ။

သစ္စာနဲ့ ပွင့်တဲ့ ပိတောက်နဲ့
ဆောက်တဲ့ နိုင်ငံတော်မှာ
သူရဲကောင်းစိတ်ဓါတ် “အဓွန့်ရှည်ပါစေ”

ဒေါ်အောင်ဆန်းစုကြည်"ကျန်းမာပါစေ"
ပိတောက်ပန်းများ “ငြိမ်းချမ်းပါစေ”

‘ငုနဲ့ ပိတောက်တို့နွေမှာ လိူင်
စုနဲ့ ခမောက်တို့မေမှာ နိုင်’ ခဲ့တယ်။

ခမောက်က ငါ့နိုင်ငံတော်

စုက ငါ့သေနာပတိ
ဥသြငှက်က ငါ့အလွမ်းများ
အမှန်တရားတွေ ဆွံ့အ
ဖွင့်ဟခွင့်မရခဲ့သမျှ
ပိတောက်က.. အချစ်နဲ့စစ်ရဲ့
မလွတ်မကျွတ်ခြင်း သားကောင်။ ။

ငြိမ်းချမ်းအောင်

မနှစ်က ဧပြီတစ်ရက်နေ့မှာ ပိတောက်တမ်းချင်း ကဗျာတစ်ပုဒ်ရေးခဲ့တယ်။ ဒီနှစ်တော့ နွေဦးက စောတယ်ထင်တယ်။ မနက်တုံးက သွားဖြစ်တဲ့ ဘလောဒ့်နှစ်ခုထဲက တစ်ခုမှာ ရေးထားတယ်၊ 'ဒီမှာ.. ပိတောက်တွေပွင့်နေပြီ' တဲ့။ နောက်ဘလောဒ့်တစ်ခုမှာကျတော့ ငုဝါပန်းပုံတွေ တင်ပေးထားတာ တွေ့ရတယ်။ အမှန်အတိုင်းဝန်ခံရရင် ကျနော်လည်း ငုနဲ့ ပိတောက်ကို အရူးအမူး ချစ်သူတစ်ယောက်ပါ။ မနှစ်ကရေးဖြစ်တဲ့ လွမ်းနေတဲ့ ပိတောက်ဝါ ဆိုတဲ့ ကဗျာလေးက ဒီနေရာမှာပါ။ အားလုံးပဲ ရွှင်လန်းချမ်းမြေ့ကြပါစေ..

Read More...

18 March, 2009

Kyi Maung Than - The Letter to World Poetry Day

(မိုးမခမှ ကူးယူဖော်ပြသည်)

ကမ္ဘာ့ကဗျာနေ့အတွက် သ၀ဏ်လွှာ

ကြည်မောင်သန်း

မတ် ၁၈၊ ၂၀၀၉


၂၀၀၉ ခုနှစ် ကမ္ဘာ့ကဗျာနေ့ ရက်မြတ် အခါသမယတွင် ကမ္ဘာ့ ကဗျာဆရာအားလုံး ကဗျာလုပ်ငန်းခွင်များ အောင်မြင်ဖြစ်ထွန်းကြလျက် မင်္ဂလာအပေါင်းနှင့် ပြည့်စုံကြပါစေဟု နှုတ်ခွန်းဆက်သအပ်ပါသည်။


ရေးဖော် ကဗျာဆရာ အပေါင်းတို့ခင်ဗျား …

ကမ္ဘာ့ကဗျာနေ့အတွက် ကဗျာတစ်ပုဒ် ရေးလိုပါတယ်

ဒါပေမယ့် ဘယ်လိုကဗျာ ရေးရမှန်းမသိ

ထုံးစံအတိုင်း ရေးဖော် ကဗျာဆရာများ

ကမ္ဘာ့ကဗျာနေ့မှာ ကျန်းမာ ချမ်းသာကြပါစေလို့ပေါ့ဗျာ …


ဒါပေမယ့် ကဗျာဆရာတွေ ကျန်းမာ ချမ်းသာကြပါရဲ့လား

ကဗျာဆရာတွေ ကဗျာတွေရေးကြ

မဂ္ဂဇင်းတွေကို ကဗျာတွေ ပို့ကြ

ကဗျာစာအုပ်တွေ ထုတ်ကြ

ကဗျာတွေကို ဝေဖန်ကြ ဆွေးနွေးကြ

ကဗျာဆရာတွေကို ဆုပေးကြ ဒဏ်ပေးကြ

ကဗျာဆရာတွေ ငြင်းကြ ခုန်ကြ ရန်ဖြစ်ကြ

ကဗျာဆရာတွေ မူးကြ ရူးကြ အော်ဟစ်ကြ

ကဗျာဆရာတွေ သေကြ ရှင်ကြ မသေမရှင် ဖြစ်ကြ


ဒီလိုနဲ့ ကဗျာလောကကြီး အသက်ဝင်နေဆဲပါပဲ

ဒီလိုနဲ့ ကမ္ဘာပေါ်မှာ ကဗျာဆရာတွေနဲ့ ကဗျာတွေ ရှိနေဆဲပါပဲ

ဒီနေ့အထိ ကမ္ဘာပေါ်မှာ ကဗျာ လိုအပ်ချက် အနုပညာအနေနဲ့ ရှိနေဆဲပါပဲ

စာသင်ခန်းများစွာ ကဗျာတွေကို သင်ကြားပို့ချဆဲပါပဲ


ဆောက်လုပ်ရေး လုပ်ငန်းခွင်က မဆလာသယ်တဲ့ ကောင်မလေးအတွက်

ကဗျာဟာ လိုအပ်ချင်မှ လိုအပ်ပါလိမ့်မယ်

စီးပွားရေးလုပ်ငန်းရှင် သူဋ္ဌေးကြီးတစ်ဦးအတွက်

ကဗျာဟာ လိုအပ်ချင်မှ လိုအပ်ပါလိမ့်မယ်

ဒါပေမယ့် ကဗျာတပ်မက်သူ ကဗျာဖတ်သူ ကဗျာချစ်သူများအတွက်

ရှေးယခင်မှ ယခုအထိ ကဗျာဟာ လိုအပ်နေဆဲပါပဲ။


မိမိတို့ ဘိုးဘွားများ လက်ထက်မှ စပြီး

ကဗျာယဉ်ကျေးမှု ထွန်းကားခဲ့ရာမှာ

ဒီနေ့အထိ ကဗျာအတွက် ဘ၀ပျက်သူတွေ ရှိနေဆဲပါပဲ

ဒီနေ့အထိ ကဗျာအတွက် အသက်စွန့်သူတွေ ရှိနေဆဲပါပဲ

ဒီနေ့အထိ ကဗျာအတွက် ထွက်ပြေးရသူတွေ ရှိနေဆဲပါပဲ

ဒီနေ့အထိ ကဗျာအတွက် အကျဉ်းကျသူတွေ ရှိနေဆဲပါပဲ

ဒီနေ့အထိ ကဗျာအတွက် နာရီပေါင်းများစွာ အလုပ်လုပ်နေသူတွေ ရှိနေဆဲပါပဲ


တိုင်းပြည် ဖွံ့ဖြိုးတိုးတက်ရေးအတွက် ဆောင်ရွက်ကြရာမှာ

ကဗျာဟာ အဓိက လိုအပ်ချက်တရပ်ဖြစ်နေဆဲပါပဲ


ဒါကြောင့်မို့ ကဗျာကို အခြေခံပြီး

အခြားအနုပညာ ကဏ္ဍများကိုလည်း

ဘက်စုံဖွံ့ဖြိုးတိုးတက်ဖို့အတွက် ဦးတည်ချက် ချမှတ်ကြ …

ကမ္ဘာ့ကဗျာစားသုံးသူများရဲ့ လိုအပ်ချက်ကိုလည်း တတပ်တအား ဖြည့်ဆည်းကြ …


နိုင်ငံတော် ခေတ်မီ ဖွံ့ဖြိုးတိုးတက်ရေးအတွက် ဆောင်ရွက်ရာမှာ

ကဗျာဟာ အဓိက လိုအပ်ချက်ဖြစ်တယ်

ကဗျာ တည်ငြိမ်တိုးတက်ရေးနဲ့ ဖွံ့ဖြိုးရေးကို

နှောင့်ယှက်ဟန့်တားနေတဲ့ ပြည်တွင်း ပြည်ပ အဖျက်သမားများ အန္တရာယ်ကို

ကဗျာဆရာတွေ စုပေါင်း ကာကွယ် တိုက်ဖျက်ကြ …


ဒီလို ကမ္ဘာ့ကဗျာနေ့ အခါသမယမှာ

ကဗျာဆရာများ လုပ်ငန်းခွင် သာယာရေး

အကျိုးစီးပွား ဖြစ်ထွန်းရေး

ကာယစိတ္တ နှစ်ဖြာ ကျန်းမာချမ်းသာကြစေရေး

ဆုတောင်းမေတ္တာ ပို့သလိုက်ပါတယ်။

( ကမ္ဘာ့ကဗျာနေ့ကို ကြိုဆိုဂုဏ်ပြုပါ၏ )

Read More...

12 March, 2009

ငါ အချိန်ဖြုန်းနေမိ

နေ၀င်တာနဲ့ နေထွက်တာကို စောင့်ကြည့်ရင်း ငါအချိန်ဖြုန်းနေမိ
ကဗျာလိုလို စာလိုလိုတွေရေးရင်း ငါအချိန်ဖြုန်းနေမိ
ကွန်ပြူတာတစ်လုံးနဲ့ လင်မယားလိုလို၊ ရည်းစားလိုလို ပေါင်းဖော်ရင်း ငါအချိန်ဖြုန်းနေမိ
ကော်ဖီသောက်လိုက် ထမင်းစားလိုက် ငါအချိန်ဖြုန်းနေမိ
ငါမဖတ်ချင်တဲ့ စာအုပ်တွေဖတ်ရင်း ငါအချိန်ဖြုန်းနေမိ
(လိုရမယ်ရဆိုပြီး) ငါမတက်ချင်တဲ့သင်တန်းတွေတက်ရင်း ငါအချိန်ဖြုန်းနေမိ
ငါးမွေးလိုက် ဓါးသွေးလိုက် ငါအချိန်ဖြုန်းနေမိ
ငါမပျော်ရွှင်တဲ့ နေ့ရက်တွေမှာ ငါအချိန်ဖြုန်းနေမိ
အပေါင်းအသင်းတွေနဲ့ ငြင်းခုန်လိုက် စကားများလိုက် ငါအချိန်ဖြုန်းနေမိ
သတင်းတွေဖတ်လိုက် အတင်းတွေပြောလိုက် ငါအချိန်ဖြုန်းနေမိ
လေချွန်လိုက် သက်ပြင်းချလိုက် ငါအချိန်ဖြုန်းနေမိ
ဖြစ်သလိုလုပ်ပြီး၊ လုပ်သလိုမဖြစ်တဲ့အခါ ကြေကွဲရင်း ငါအချိန်ဖြုန်းနေမိ
တစ်ခါတခါလည်း ကံစီမံရာအတိုင်းပေါ့ကွာလို့ ခပ်ပေါ့ပေါ့တွေးရင်း ငါအချိန်ဖြုန်းနေမိ
စိတ်ကူးယဉ်လိုက် စိတ်ဓါတ်ကျလိုက် ငါအချိန်ဖြုန်းနေမိ
ဒေါသထွက်လိုက် သောကဖက်လိုက် ငါအချိန်ဖြုန်းနေမိ
ရသလောက်ပဲလုပ်ပြီး၊ လုပ်သလောက်မရတဲ့အခါ စိတ်ပျက်ရင်း ငါအချိန်ဖြုန်းနေမိ
ဟားတိုက်ရယ်မောလိုက် ၀မ်းနည်းပူဆွေးလိုက် ငါအချိန်ဖြုန်းနေမိ
ဆံပင်ဖြူတွေနူတ်လိုက် လက်သည်းခြေသည်းညှပ်လိုက် ငါအချိန်ဖြုန်းနေမိ
တရားရှာလိုက် ဓါးရှာလိုက် ငါအချိန်ဖြုန်းနေမိ
ရန်သူကို အလံဖြူလွှင့်တဲ့ကောင်တွေကို ဆဲရေးတိုင်းထွာရင်း ငါအချိန်ဖြုန်းနေမိ
နွေဦးကို စောင့်စားရင်း နှာစေးလိုက် မိုးမိလိုက် ငါအချိန်ဖြုန်းနေမိ
လူ့ဘ၀ဆိုတာ လူ့ဘ၀ပါပဲကွာ ငါအချိန်ဖြုန်းနေမိ

ငြိမ်းချမ်းအောင်
ပြန်ခေါက်ထားပါ

Read More...

08 March, 2009

ပယင်းရောင်နေ့များ

စူပါ-ပါဝါ လက်နက်နိုင်ငံတော်ကြီး
မြို့ပြဆောင်းညမှာ
ပုဆိုးခြုံကွေးရင်း၊ ငါ ဆွေးနေမိရဲ့

ဘယ်သူယုံမှာလဲ
အိုဘားမားနဲ့ ငါနဲ့ တစ်မြို့တည်းသားတွေပါလို့ပြောရင်
ရုပ်ကြမ်းကြီးနဲ့ နွဲ့နေတာ မဟုတ်ရပါဘူးကွာ
ဘယ်သူ ယုံမှာတဲ့လဲ
ငါ့မှာ ရည်းစားမရှိပါဘူးလို့ပြောရင်

ဂျာနယ်လစ်တွေ
လော်ဘီလစ်တွေ
အလုပ်ဖြစ်နေတဲ့ ခေတ်မှာ
မှော်ဆရာတွေ၊ လူညာတွေ
အလုပ်ဖြစ်နေတဲ့ ခေတ်မှာ

ကဗျာရွှေခေတ်ဘယ်တော့ဖြစ်မှာလဲ

စိတ်မပျက်နဲ့၊ သူငယ်ချင်း
အမေရိကန်စီးပွားပျက်ကပ်မှာ
သူဌေးသမီးလည်း သွေးမကြီးနိုင်ပါဘူး

အနောက်မှာကျောင်းမတက်ဖူးရင်
ဗိုလ်လိုမမှုတ်တတ်ရင်
လူတလုံးသူတလုံး မဖြစ်တော့ဘူးလား

စိတ်ကူးက မသစ်တော့ဘူး
မျိုးဆက်က မသစ်တော့ဘူး
ငါ့ကဗျာတွေ သစ်ဖို့
ကဗျာနဲ့ငါ မျက်နှာပြန်သစ်နေရ
ပင်ပမ်းလှပါပြီကွယ်

ရာဇ၀င်မှာ
ဘုရင့်နောင် ဖောင်ဖျက်ခဲ့ဖူးတယ်
ငါတို့ခေတ်မှာ
သူရဲကောင်းကို ရုပ်တုထုပြီး ကိုးကွယ်ရမယ်

သစ္စာဖောက်တွေမရှိပဲ သစ္စာဆိုဖို့ လိုပါ့မလား
သစ္စာဆိုပြီး သစ္စာဖောက်သွားတာလည်းရှိတယ်

ရွာသူနှောက်ယှက်ရင် ရွာသူကို တောထုတ်မယ်
ရူးချင်ယောင်ဆောင်ရင် အရူးထောင်ပို့ရမယ်
ထူနေတဲ့ အရေခွံကို ဓါးနဲ့ နာနာထစ်မယ်

ကျောက်ထွင်း အက္ခရာတိုင်း
သမိုင်းမဟုတ်ဘူး သူငယ်ချင်း

မဲဆောက်မှာ အိမ်သာကျဉ်းတူးရလို့ပဲဖြစ်ဖြစ်
အမေရိကားမှာ ဆူရှီလိပ်ရလို့ပဲဖြစ်ဖြစ်
မင်း ခြေတစ်လှမ်းဟာ
ကုဋေတစ်သန်း တန်ပါစေ။ ။

ငြိမ်းချမ်းအောင်

Read More...

26 February, 2009

ဆုတ်ကပ်

စတားဘတ်ခ်ျ ကော်ဖီဆိုင်
လမ်းမကြီးပေါ်မှာ
ကျနော်လျှောက်သွားနေမိတယ်။

ဒေ၀ါလီခံရတော့မယ့်
မြို့တော်ကြီး
တိုက်အိမ်ကြီးတွေ မလှဘူးလား
ကက်ပီတယ်ဟေးလ် အဆောက်အဦးကြီးရေ
ခင်ဗျားကိုဖူးမျှော်ဖို့ ကျနော်အရောက်လာခဲ့တယ်။

ပြုတ်ပြုတ်ပြုန်းကြတယ်
ဇန်န၀ါရီလမှာ လူခြောက်သိန်း
အလုပ်ပြုတ်လာတယ်။

ဒီမှာ မိတ်ဆွေ
ခင်ဗျား အက်စ်တွန်မာတင်
ကားကြီးရော ရောင်းမှာလား

ဈေးကွက်မှာလေလံတင်လိုက်လေ။

အိပ်ကပ်ထဲမှာ ပိုက်ဆံမရှိဘူး
ဘဏ်ကဒ်ထဲမှာ ပိုက်ဆံမရှိဘူး
အမေရိကန်အစိုးရဆီမှာလည်း ပိုက်ဆံမရှိဘူး။

ဆောင်းညစ်ညစ်မှာ
နေကခြစ်ခြစ်တောက်ပူတယ်
ရင်ပူတယ်။ ကိုယ်ပူတယ်
ပိုတိုးမက်ခ်ျမြစ်ထဲမှာ
ရေဆင်းကူးချင်တယ်။

ငွေစက္ကူဆိုတာ အတုရှိတယ်
ကံကြမ္မာဆိုတာက အတုမရှိဘူး။

ဂျော့ပ်တောင်းတက္ကသိုလ်ရှေ့မှာ
လမ်းသလားနေတဲ့ ကောင်မလေးရေ
မေစီကုန်တိုက်ကြီးထဲက လုပ်သေနတ်တစ်လက်နဲ့
ငါ့ရင်ဝတည့်တည့်ကိုသာ ပစ်ထည့်လိုက်ပါတော့။

ဒီနှစ်လည်း ကိုတွတ်ပီတစ်ယောက်
ကံမကောင်းရှာဘူးတဲ့
ထီကမပေါက်ဘူး
ချစ်သူကစိတ်ကောက်နေတယ်။

သေမဲ့ နှစ်မှာ
တောပြောင်းမိခဲ့တယ်။ ။

ငြိမ်းချမ်းအောင်

Read More...

18 February, 2009

သောင်းရင်းမှာ အိမ်ပြန်နောက်ကျခဲ့ပြီ သင်တိုင်းဖြူ

နောင်နှစ်ခါ
တန်ဆောင်မုန်းမှာ
ပွဲမကြည့်ချင်ဘူး
နောက်တစ်ခါ
နယူးရီးယားမှာ
ပြန်တွေ့ချင်တယ်
ချစ်ရတဲ့ သင်တိုင်းဖြူရေ။

လူရွှင်တော်တွေပြောတဲ့
ဆန်ဆုံစား ကံကုန်သွား
ဇာတ်လမ်းမျိုးမဟုတ်ဘူး
ဘ၀ဆိုတဲ့ သံသယာမှာ
မင်းနဲ့ငါ ဆုံခဲ့ကြ
အဲဒီ မီးပုံပွဲတစ်ည
ငါ့အပျိုမလေး မင်းကရှက်သွေးဖြာ
မင်းအရပ်က ရှည်သွယ်
မင်းအသားက ၀ါဝင်း
ပြစ်မျိုးမှဲ့မထင်
မင်းခန္ဒာကိုယ်အချိုးအဆက်
ရိူက်ဖိုကြီးငယ်အသွယ်သွယ်မှာ
ငါကအသက်ရှူတာတောင်မှား
ငါကရင်ခုန်သံတောင်စည်းချက်မှား
ထင်းမီးဖိုအလင်းရောင်မှာ
ဖားစည်တီးသံက မြူးလို့ကြွ
စည်းချက်နဲ့အညီ
မင်းကခန္ဒာကိုယ်လူပ် ယိမ်းလို့က
မင်းလက်ထဲကအဖြူရောင်ပုဝါစလေးလူပ်ခါက
မင်းအကမှာ… မင်းအလှမှာ
ငါက ခေါင်ရည်မသောက်ပဲယစ်မူး
အဲဒီညက ငါအချစ်ရည်ပါ မူးခဲ့တယ်။
 

ဓါတ်ခွဲကြည့်ဖို့မလိုအပ်တဲ့ ကိစ္စထဲမှာ
အချစ်ဆိုတဲ့အကြောင်းအရာပါတယ်
ငါ့အကြည့်မှာ မင်းကခေါင်းငုံ့ ရှက်သွေးဖြာ
အလို..သောင်ရင်းတောင်ရင်ခုန်သွား
အဝေးကဇွဲကပင်လူပျိုသိုးကြီးခမျာ ကျိတ်ပြီးမျက်လွှာချ
ဒီဘ၀
နောက်ဘ၀
ဘ၀အဆက်ဆက် ပေါင်းဖက်ချင်တယ်
မြင်မြင်ချင်းချစ်မိတာ ရှေးရေစက်မို့ထင်ရဲ့။

ငါ့အချစ်က
ပထ၀ီမြေကြီးထက်ပိုပြီးလေးနက်တယ်
မင်းအချစ်က
အမုန်းတံတိုင်းကြီးကိုကျော်ခွပြီးအရောက်လာခဲ့တယ်
လက်ချည်ပွဲမှာထပ်တွေ့တော့
ရင်ထဲက ဆန္ဒတွေပွင့်အံထွက်ခဲ့
“ဒေးမူကလည်းအကျောကိုချစ်ပါတယ်” တဲ့
ရိုးသားပွင့်လင်းတဲ့ အဖြေစကားမှာ
ငါ့အနာဂတ်ဟာ ဟင်းလင်းပဲ။

မင်းတို့ရိုးရာက သင်တိုင်း
ငါတို့ရိုးရာက ပင်နီနဲ့တိုက်ပုံ
မင်းကိုးကွယ်တာက သခင်ယေရူ
ငါကိုးကွယ်တာက ဗုဒ္ဓဘုရားသခင်
ဘာသာ၊ လူမျိုး၊ ယဉ်ကျေးမူအစဉ်အလာမတူညီကြတာ
အချစ်ကို မြူတစ်မူန်စာတောင် မမှေးမှိန်နိုင်ခဲ့ဘူး။

အမိမြေနဲ့အဝေးမှာ နှစ်တွေကြာ
အနောက်တိုင်းနဲ့ကူးလူးဆက်ဆံခဲ့ကြ
ဖားတစ်ပိုင်းငါးတစ်ပိုင်းယဉ်ကျေးမူမှာ
ငါတို့ချစ်ခြင်းမေတ္တာဟာ မညစ်နွမ်းခဲ့ပါဘူး
ပိုစ့်မော်ဒန် အယောင်ဆောင်ထားတဲ့
လစ်ဗင်းတူဂဲသား Living together သရုပ်ပြက်ဝါဒကို
ငါတို့ သဘောမတူခဲ့ကြဘူးလေ။

မင်းကြိုက်တဲ့တာလဘောဟင်းနဲ့ငပိထောင်းကိုငါလည်းကြိုက်တယ်
မင်းချစ်တဲ့ဒုက္ခသည်စခမ်းလေးကိုငါလည်းချစ်တယ်
မင်းနေချင်တဲ့တောင်ပေါ်ဒေသမှာပြန်အခြေချဖို့ငါသဘောတူတယ်
မင်းတို့အလံတော်ကို ငါဦးညွှတ်တယ်
နွေဦးမှာ ပွင့်တဲ့ ပိတောက်ကို မင်းခေါင်းမှာ ပန်ပေးချင်တယ်
မင်းစိတ်တိုတဲ့အခါ ဒေါနတစ်ခက်နဲ့ ငါနှစ်သိမ့်မယ်
ငါဒေါသထွက်တဲ့အခါ မင်းအကြင်နာလက်နဲ့ချော့မြူကွယ်
မင်းငိုရင် ငါချော့မယ်
မင်းပျော်ရင် ငါပြုံးမယ်
သောင်းရင်းမှာ အိမ်ပြန်နောက်ကျနေသူကို ခွင့်လွှတ်ပါ သင်တိုင်းဖြူ။

ရိုးသားဖြူစင်တဲ့
မင်းနှလုံးသားနုနုမှာ
ဘာအရောင်မှ အလိမ်းကျံမခံရစေချင်ဘူး
ဖြောင့်မတ်မှန်ကန်တဲ့
မင်းအတွေးအခေါ်မှာ
အမှောင့်ပယောဂတွေ ပူးဝင်မခံရစေချင်ဘူး
ဘုန်းကြီးတွေ အရိုက်ခံရတော့ မင်းကငိုတယ်
မင်းတို့ရွာတွေ မီးရိူ့ခံရတော့ ငါကဒေါသထွက်တယ်
နိုင်ငံရေးသမားတွေ နှစ်ရှည်ထောင်ဒဏ်ချခံရတော့မင်းကစုပ်သပ်တယ်
မင်းတို့တောင်ပေါ်သူတွေမုဒိမ်းကျင့်ခံရတော့ငါကတောက်ခေါက်တယ်
တို့နှစ်ယောက်လုံးလူသားဆန်ခဲ့ပါတယ်။

မဲဆောက်မှာ နောက်ဆုံးတွေ့တဲ့အခေါက်က
မင်းမျက်နှာမသာမယာ
မင်းက မင်းလူမျိုးအတွက်
ပူပင်သောကတွေရောက်
မင်းလုပ်နေတဲ့ အလုပ်တွေအကြောင်းငါ့ကိုရှင်းပြ
၈-နှစ်သမီးလေး မုဒိမ်းကျင့်ခံရတဲ့ အကြောင်းတောင်ပါသေး
ငါက မင်းမျက်နှာကို ငေးမော
မင်းနဖူးပေါ်က ကပိုကယိုဆံစတွေကို ငေးမော
အနာဂတ်ကိုငေးမော
ပြီးတော့ စိတ်ထဲမှာ သက်ပြင်းတွေကျိတ်ပြီးချ
တူနှစ်ကိုယ်နီးနိုင်မဲ့ရက်တွေအတွက်
စိတ်မစောမိတော့ဘူး သင်တိုင်းဖြူ။

တနေ့တစ်ရက်တောင် မခွဲခွာချင်ပေမဲ့
တစ်ခါတစ်လေ တစ်နှစ်တစ်ကြိမ်တောင်
တို့တွေပြန်မတွေ့ဖြစ်ကြဘူး
မင်းက မင်းအလုပ်တွေကို အကြောင်းပြ
ငါက မင်းကိုသတိရ ကျိတ်ပြီးလွမ်း
ဖုန်းဆက်လို့မရတဲ့ အရပ်ဒေသတွေကို
မင်းကမကြာမကြာ ခရီးထွက်
ငါက မင်းအတွက်စိုးရိမ် ဘုရားမှာပန်းလှူ ကျိတ်ပြီးဆုတောင်း
ဒေးမူရေ.. အလွမ်းဆိုတာ သံသယာမှာ
မလွတ်မကျွတ်ခြင်းတရားပါပဲ။

ဒီတစ်နှစ်တော့
ငါကမင်းကိုခွဲခွာ
မင်းတို့ပွဲတော်တွေရှိရာ
အချိန်မီပြန်မရောက်နိုင်ခဲ့
မင်းဆီက စာမလာ သတင်းမပါး
ဒေးမူတစ်ယောက်..နေမှကောင်းရဲ့လား
အဆင်မှပြေရဲ့လား
ဝါရှင်တန်ဆောင်းညမှာ
မီးကိုမှိတ် အမှောင်ထဲမှာ မင်းကိုကျိတ်သတိရ ငါကငို
ဒီတစ်ညလည်း
အိပ်နိုင်တော့မယ်မထင်ဘူး ချစ်ရတဲ့သင်တိုင်းဖြူရေ။………………။

ငြိမ်းချမ်းအောင်

Read More...

07 February, 2009

ကျွမ်းကျင်သည့်အလုပ်အကိုင်

အလုပ်အကိုင်ဆိုတဲ့ကွက်လပ်မှာ
ကဗျာဆရာလို့ ခပ်တည်တည်ချရေးလိုက်တယ်
ဘာဖြစ်လဲ
အာဏာသိမ်းစစ်ခေါင်းဆောင်ဖြစ်ရတာထက်
ကဗျာဆရာဖြစ်ရတာဂုဏ်ယူစရာကောင်းပါတယ်
စီရော်နယ်ဒိုက
တစ်ပတ်ကို ပေါင်နှစ်သိန်းခွဲ ၀င်ငွေရနေချိန်မှာ
ကျနော်ကတစ်နှစ်ကို ပေါင်နှစ်ရာ့ငါးဆယ်တောင် ကိုယ်ပိုင်ဝင်ငွေမရှိခဲ့ဘူး
ကျွမ်းကျင်တဲ့အလုပ်အကိုင်ဆိုလို့
ကဗျာတွေမတောက်တခေါက်ရေးတတ်တာပဲရှိတယ်
အနုပညာလက်နက်နဲ့ ခံစစ်စည်းရိုးကိုမသေမသပ်ကာထားတယ်
ယုံကြည်မူတစ်ခုနောက်ကောက်ကောက်ပါအောင်လိုက်ခဲ့တယ်
နေပူမရှောင်မိုးရွာမရှောင်စီးတော်မြင်းတစ်ကောင်လို အသုံးတော်ခံခဲ့တယ်
လူဆိုတာပညာတတ်လေပိုပြီးဖောက်ပြန်တတ်လေပဲ
သွေးနားထင်ရောက်နေတဲ့ ကွက်စိပ်ဆရာတစ်ယောက်ကိုတွေ့ဖူးတယ်
သနားစရာကောင်းပါတယ်
မှတ်ကျောက်အတိုက်ခံရဲတဲ့ အညတရတစ်ယောက်နဲ့တွေ့ဖူးတယ်
သူ့အတွက်ကျနော်ဂုဏ်ယူတယ်
လွန်ခဲ့တဲ့အနှစ်နှစ်ဆယ်က ကျောင်းသုံးစာအုပ်မှာ ကျနော်ကဗျာတွေရေးတယ်
လွန်ခဲ့တဲ့ဆယ်နှစ်က မှတ်တမ်းစာအုပ်မှာ ကျနော်ကဗျာတွေရေးတယ်
အခုကွန်ပြူတာမှာ ကျနော်ကဗျာတွေရေးတယ်
အနိမ့်အမြင့် အတက်အကျ မရှိတဲ့
လောကဓံဆိုတာ
ကျနော်ချရေးလိုက်တဲ့ကဗျာတွေပါပဲ။………….။

ငြိမ်းချမ်းအောင်...

Read More...

29 January, 2009

ခံနိုင်ရည်ကိုစမ်းသပ်ခြင်း (၄)

တီဗွီနဲ့ရေခဲသေတ္တာမရှိဘူး
တီဘီနဲ့အေအိုင်ဒီအက်စ်ရောဂါတော့ရှိတယ်

အိုးပိုင်အိမ်ပိုင်မရှိဘူး
ဧည့်စာရင်းတိုင်ရတာတော့ရှိတယ်

အခွင့်အရေးမရှိဘူး
အခွန်အတုတ်တော့ရှိတယ်

ထောက်ပံ့ကြေးမရှိဘူး
ဖောက်ပြန်ရေးသမားတော့ရှိတယ်

ဘဏ်စာအုပ်မရှိဘူး၊ ခရက်ဒစ်ကဒ်မရှိဘူး
နေ့ပြန်တိုးနဲ့အပေါင်ဆုံးလက်မှတ်တော့ရှိတယ်

ဝတ်ပြုဆုတောင်းခွင့်မရှိဘူး၊ ဘာသာရေးလွတ်လပ်ခွင့်မရှိဘူး
လောင်းကစားဝိုင်းနဲ့လမ်းဘေးအရက်ဆိုင်တော့ရှိတယ်

အလုပ်လက်မဲ့တွေမိူလိုပေါက်
အမျိုးကောင်းသားသမီးတွေ
အရက်ကျွံ၊ လိင်ကျွန်ဘ၀ရောက်
လူငယ်တွေကတိုင်းတပါးရောက်
သက်ကြီးရွယ်အိုတွေလမ်းဘေးရောက်
အလားအလာကောင်းတဲ့တို့နိုင်ငံ

“သူဌေးလှေမှောက်တာပြဿနာမဟုတ်ဘူး
သူတောင်းစားခွက်ပျောက်တာကမှပြဿနာ”

ဘာတွေယူပြီးဘာတွေပြန်ပေးကြမှာလဲ
လုံခြုံရေးကောင်စီမှာ
ရွှေနိုင်ငံအကြောင်းဆွေးနွေးတိုင်း
ပေါက်ဖော်ကြီးနဲ့ရပ်ရှကြီးတို့ကရူးချင်ယောင်ဆောင်

ကျေးဇူးရှင်ကိုရီးယားသံတမန်ကြီးရေ
တနေ့ကိုထမင်းနှစ်နပ်ပုံမှန်စားနိုင်ဖို့
ကလေးတွေကျောင်းထားနိုင်ဖို့
ပြီးတော့ အမိုးအကာအောက်မှာ
အရှက်လုံအ၀တ်အစားတစ်စုံလောက်ရှိရင်တော်ပါပြီ ။……။

ငြိမ်းချမ်းအောင်

Read More...

17 January, 2009

ခံနိုင်ရည်ကိုစမ်းသပ်ခြင်း (၃)

အလုပ်လုပ်ချင်တယ်
အလုပ်ခန့်မယ့်သူမရှိဘူး
ဗိုက်ဆာတယ်
စားစရာမရှိဘူး
ရည်းစားတစ်ယောက်လောက်လိုချင်တယ်
ပိုက်ဆံမရှိဘူး

လမ်းကြိုလမ်းကြားတွေထဲ
အလေအလွင့်တစ်ယောက်လို
လျှောက်သွားနေမိ
အောက်ကိုငုံ့ကြည့်တော့
ပေါက်နေတဲ့
ငါ့ဖိနပ်တစ်ရံကိုတွေ့တယ်
အပေါ်ကိုမော့ကြည့်တော့
အိုဇုံးလွှာပါးနေတဲ့
ကောင်းကင်ကြီးကိုတွေ့တယ်
ဘေးဘီဝဲယာလှည့်ကြည့်တော့
စစ်ဖြစ်နေတဲ့ ကမ္ဘာကြီးကိုတွေ့ရတယ်

မြို့ထဲသွားဖို့ဘတ်စ်ကားလက်မှတ်မရှိဘူး
နယူးရောက်သွားပြီးအရေးဆိုဖို့
အခွင့်အရေးမရှိဘူး
နတ်ပြည်ရောက်ဖို့ကံဇာတာမရှိဘူး


စိတ်ကူးနဲ့
ရှန်ပိန်ပုလင်းကိုဖောက်

ဆဲဗင်းစတားဟိုတယ်တစ်ခုမှာ
ဇိမ်ခံကြည့်မိတယ်
 

လက်တွေ့မှာ
မီးမလာဘူး
ရေပိုက်ကရေလာရင် 

ဒုလဘ္ဘလို့သတ်မှတ်နေရ

ကမ္ဘာကြီးလုံးတာပြားတာ
အကြောင်းမဟုတ်ဘူး
ငါ့တို့ဘ၀လုံးပါးပါးနေရတဲ့ကိစ္စ
ဘယ်လိုလုပ်ကြမှာလဲ


သူငယ်ချင်းတွေနဲ့တွေ့တော့
စိတ်ဓါတ်ကျစရာစကားတွေကြားရတယ်
ကောင်မလေးတွေနဲ့တွေ့တော့
ကိုယ့်ကိုကိုယ်သနားတယ်
ဗိုင်းရပ်စ်ဝင်နေတဲ့ကမ္ဘာကြီးအကြောင်းစဉ်းစားမိတိုင်း
ဒေါသထွက်တာတရားတယ်

ဒုက္ခသစ္စာတရားကိုနာတယ်
ခန္တီစသီးခံခြင်းနဲ့ စိတ်ကိုဖြေကြည့်တယ်
မေတ္တာသုတ်နဲ့တောင်
မန်းမူတ်လို့မရတော့တဲ့အခြေအနေမှာ
ဘယ်တရားဓမ္မမှ
ငါ့ကိုနားမချနိုင်တော့
 

ချောင်ပိတ်အရိုက်ခံရရင် ခွေးတောင်
အသေခံပြီးပြန်ကိုက်တတ်တယ် ။…..။

ငြိမ်းချမ်းအောင်
11 Jan 2009

Read More...

09 January, 2009

ခံနိုင်ရည်ကိုစမ်းသပ်ခြင်း (၂)

တစ်နေ့ကိုလေးငါးခြောက်ကြိမ်
ဆာလောင်မွတ်သိပ်တဲ့
အစာအိမ်ရဲ့ စည်းကမ်းပျက်မူကို
တော်လှန်နိုင်ခဲ့ပြီ

ရုပ်ဝတ္တူပစ္စည်းအသစ်အဆန်းတွေကို
လိုချင်တပ်မက်မိတဲ့
စိတ်ရဲ့ အလိုဆန္ဒကို
ပုန်ကန်နိုင်ခဲ့ပြီ

အဖူးအငုံအချောအလှလေးနဲ့သာ
စုံမက်ပေါင်းဖက်လိုတဲ့
နှလုံးသားရဲ့ အာသာရမ္မက်ကိုလည်း
နားချနိုင်ခဲ့ပြီ

အသက်တစ်နှစ်ကြီးခဲ့တာ
သေမင်းကို တစ်ကြိမ်သတိပေးလိုက်တာပဲ

လောဘ ဒေါသ မောဟတွေ တတ်နိုင်သမျှလျှော့ဖို့
ဆန္ဒရှိတိုင်းမဖြစ်နိုင်တဲ့ အခြေအနေကိုလည်း
နားလည်နိုင်ခဲ့ပြီ

ကိုယ့်ကိုကိုယ်သေချာပြီသာဆိုရင်
အိုကေပြီသူငယ်ချင်းတို့

ငါတို့ ခေါင်းနဲ့ဆောင့်မိတဲ့အရာဟာ
အုတ်တံတိုင်းတစ်ခုမဟုတ်တာတော့ သေချာတယ်

သက်တမ်းတစ်ဝက်ကိုလောင်းကြေးထပ်
ဘ၀ကိုပုံအပ်ပြီးမှတော့
အရူံးနဲ့နောက်ကောက်ကျ
ခေါင်းငိုက်စိုက်ချ
လှည့်ပြန်လို့တော့မဖြစ်သေးဘူး

မှန်နေရင်ဆက်လျှောက်မယ်
မှားခဲ့ရင်တစ်ကနေပြန်စကြတာပေါ့ ။………။

ငြိမ်းချမ်းအောင်

Read More...

02 January, 2009

ချေ (သို့မဟုတ်) ကမ္ဘာမြေအတွက်လက်ဆောင်

ဗင်နီဇွဲလားလယ်သမားတစ်ယောက်လိုသူနေထိုင်
ပီရူးအလုပ်သမားတစ်ယောက်လိုသူစဉ်းစား။

ကိုလံဘီယာလယ်သမားတစ်ယောက်လိုသူရှင်သန်
ချီလီအလုပ်သမားတစ်ယောက်လိုသူဖြတ်သန်း။

သူဟာ ကမ္ဘာမြေအတွက်လက်ဆောင်။

အဟောင်းအမြင်းအဆောက်အအုံတွေကိုစိတ်ပျက်
လူ့ပတ်ဝန်းကျင်အသစ်ကိုအိပ်မက်ခဲ့သူ
တောင်အမေရိကတိုက်အကြောင်း
"မော်တော်ဆိုင်ကယ်ဒိုင်ယာရီ” ကိုသူရေးခဲ့သလို
ပျောက်ကျားတစ်ယောက်အဖြစ်
အတောက်ပဆုံးသမိုင်းကိုသူရေးခြစ်ခဲ့။

ဆရာဝန်တော်လှန်ရေးသမား
စစ်ရေးပညာရှင်ပျောက်ကျားခေါင်းဆောင်
စာရေးဆရာစည်းရုံးရေးမူး
မာစ့်ဝါဒဟာ
သူ့ကြောင့်လူရိုသေရှင်ရိုသေဖြစ်ခဲ့ရတာပေါ့
စိတ်ဓါတ်ကြံ့ခိုင်သူတော်လှန်ရေးသမားတစ်ယောက်အတွက်
အကန့်အသတ်အခက်အခဲတွေနဲ့
မှန်းဆလို့မရတဲ့အနာဂတ်ဆိုတာ
အတားအဆီးမဖြစ်နိုင်ပါဘူး
သွေးပြန်ကြောတွေထဲအထိတဖျဉ်းဖျဉ်းဆူပွက်နေတဲ့
သူ့လွတ်မြောက်ရေးစိတ်ဓါတ်ဟာ
ဓနရှင်တွေကိုသွေးပျက်
အဖိနှိပ်ခံတွေကိုအားတက်စေခဲ့တယ်။

ခေတ်ကိုမြစ်ရေလိုဖြတ်သန်းစီးဆင်း
သူဖြတ်သန်းခဲ့တဲ့ခေတ်ဟာ
ခေတ်အဆက်ဆက်ကလိုပဲ
နွံထူပြီးဒိုက်နဲ့အမိူက်တွေမျောတယ်
သနားကြင်နာကင်းမဲ့ မသမာသူတွေပေါတယ်။

ဖိနှိပ်သူတွေရှိနေသ၍ တော်လှန်ရေးရှိနေမယ်
သူ့ခန္ဒာကိုယ်ထဲမှာ
ဓနရှင်လူတန်းစားဟာ
အပ်တစ်ချောင်းလိုစွဲဝင်စူးစိုက်လို့
သူ့ရင်ဘတ်ထဲမှာတော့
ကဗျာတွေကိုချစ်တဲ့စိတ်က
တောင်ကျစမ်းရေလိုတသွင်သွင်ဖြတ်သန်းစီးဆင်း
ချေဂွေဘားယားနာမည်သာမပါခဲ့ရင်
တော်လှန်ရေးဆိုတဲ့စကားလုံးဟာ
သိမ်ငယ်သွားမှာပေါ့
ချေမပါပဲရေးတဲ့ ၂၀ ရာစုသမိုင်း
ရိုင်းစိုင်းသွားလိမ့်မယ်။

ကျူးဘားကဆီအဲယားမေထရာတောင်တန်းတွေအထိ
အာဖရိကတိုက်ကွန်ဂိုတောနက်ထဲအထိ
ဘိုလီးဘီးယားကယူဂိုတောင်ကြားတွေအထိ
မီးလိုတဟုန်းဟုန်းတောက်လောင်နေတဲ့
ယုံကြည်ချက်တွေကိုထမ်းပိုးလို့
ညစ်ထေးနေတဲ့အ၀တ်ကိုလျှော်ဖွပ်သလို
ခေတ်ကိုလျှော်ဖွပ်ဖို့သူအရောက်သွားခဲ့
ရိုစာရီရိုမြို့ကဆရာဝန်ဟာ
သေနတ်ပစ်ရာမှာလည်းအထူးချွန်ဆုံးဖြစ်ခဲ့ပါတယ်။

မျက်ကန်း အစ်ဇမ် (ism) မဟုတ်ကြောင်းသက်သေပြခဲ့
ခရူးရှက်တို့နဲ့သဘောထားကွဲပြီး
မော်တို့နဲ့လက်တွဲခဲ့တာ
ယုံကြည်ရာအတိုင်းရပ်တည်ရဲခဲ့လို့မဟုတ်ဘူးလား
အယူအဆကွဲပြားမူဟာ
သေဖော်ရှင်ဖက်ရဲဘော်ရဲဘက်ချင်းကိုတောင်
မိတ်ပျက်စေခဲ့
ဟားဗားနားကနေထွက်ခွာသွားရတဲ့
ခြေသလုံးအိမ်တိုင်တော်လှန်ရေးသမားတစ်ယောက်အတွက်
စွန့်လွှတ်ပေးဆပ်မူဆိုတဲ့အဓိပ္ပါယ်ဟာ
သူချရေးခဲ့တဲ့ ဒိုင်ယာရီထဲကမူန်ဝါးဝါးစကားလုံးတွေမျှသာ။

၁၉၆၇ အောက်တိုဘာလ(၉)ရက်
ဘိုလီးဗီးယားဆောင်းမနက်ခင်းနှင်းတွေပရမ်းပတာလွင့်ကျလို့
စူးရှတောက်ပြောင်တဲ့မျက်လုံးတစ်စုံကို
လုပ်ကြံသတ်ဖြတ်ရေးသမားတွေ
ရင်ဆိုင်မကြည့်ရဲခဲ့ကြဘူး
စစ်သုံ့ပန့်အဖြစ်နှောင်ကြိုးတည်းခံရ
ရက်ရက်စက်စက်အသတ်မခံရခင်မိနစ်ပိုင်းမှာတောင်
သူ့သွေးဟာအနီရောင်လက်လက်ထတောက်ပလို့နေခဲ့။

လူတစ်ယောက်ချင်းခံစားနေရတဲ့ရောဂါတွေကိုကုသရတာထက်
လူ့အဖွဲ့အစည်းအလိုက်ခံစားနေရတဲ့ဝေဒနာတွေကိုကုသပေးချင်တဲ့ရဲဘော်ကြီးရေ
ဆန်တာကလာရာဂူဘိမာန်ထဲကပျောက်ကျားခေါင်းဆောင်ရဲဘော်ကြီးရေ
ခင်ဗျားကိုလွမ်းဆွတ်တဲ့စိတ်နဲ့ကဗျာတစ်ပုဒ်ကျုပ်ရေးခြစ်ခဲ့မိပြီ 

အကယ်၍ကျုပ်စကားလုံးတွေဟာ ခင်ဗျားဂုဏ်သိမ်မှေးမှိန်စေခဲ့ရင်
ကျုပ်ညံ့ဖျဉ်းမှူသက်သက်သာဖြစ်ကြောင်း။

ခေတ်ကိုအ၀တ်လိုလျှော်ဖွပ်ဖို့ကြိုးစားရင်း
ကိုယ်တိုင်လျှော်ဖွပ်ခံလိုက်ရ
လွတ်မြောက်ရာလမ်းကိုရှာတွေ့ခဲ့တယ်
လွတ်လပ်ရေးတော့ရမသွားခဲ့ဘူး။………။

ငြိမ်းချမ်းအောင်

Read More...