လမိုက်ခဲ့ပြီ
အိမ်ခေါင်မိုးအုတ်ကြွတ်ပေါ်
မိုးရေစက်တွေတဖျောဖျောကျလို့
ပိန်းပိတ်အောင်မှောင်တဲ့ညအမှောင်ထဲ
သစ်ကိုင်းကိုလေတိုးသံတရှဲရှဲ
အလုံပိတ်အခန်းထဲမှာ
စိတ်လုံခြုံမူမရှိခဲ့ဘူး
နှစ်ကာလများ
အညစ်အကြေးများစွာ
ပိုပြီးထူထပ်သိပ်သည်းမဲမှောင်
မိုးတွေသည်းနေတော့မြင်ကွင်းဟာမသဲကွဲ
တောမကျွမ်းတဲ့မုဆိုး
တောကောင်ပြန်ဖြစ်သွား
အမှိုက်တွေမီးရိူ့ပြီးပြီ
ကိလေသာအညစ်အကြေးတွေ
မီးမရိူ့နိုင်သေး
ဘ၀ဆိုတာမြူတစ်မူန်သာဆိုရင်
ခေတ်တခေတ်ကကော
ကျောက်တုံးတစ်တုံးလား
ချွေးစက်ကလေးတစ်ပေါက်ပါပဲ
ချစ်သူခန္ဒာကိုယ်ကထွက်လို့
မက်မက်စက်စက်ချစ်ခဲ့တယ်
စံပယ်ရုံကလေးရေ
ကိုယ့်ကိုကြင်နာပါ..။
တောင်ပေါ်မှာနေ၀င်သွားတာ
ရောင်စုံလိပ်ပျာလေးတွေပျံဝဲနေတာ
ကန်ထဲအလှမွေးငါးကလေးတွေကူးခတ်နေတာ
ငါ့ဒဏ်ရာကိုသက်သာအောင်မစွမ်းဆောင်နိုင်ပါကွယ်..။
မိုက်ရူးရဲဆန်တဲ့အမိန့်သံအောက်မှာ
အနာဂတ်ဟာသွေးသံရဲရဲ
သေရာပါဒဏ်ရာရခဲ့ပြီ
ကိုယ့်ငါးချဉ်မို့ကိုယ်ချဉ်ရတယ်
ချစ်စိတ်ကပြယ်။ ။
ငြိမ်းချမ်းအောင်
Radio Karen Podcast – April 24, 2024(Ep-11)
1 hour ago
1 comment:
ကဗျာစာသားတွေက ကောင်းတယ်၊ ပေးထားတဲ့
ခေါင်းစဉ်က တမျိုးများဖြစ်နေသလားလို့၊
နေကောင်းလား ကိုငြိမ်းချမ်းရေ။
Post a Comment