19 February, 2008

နွေဦးကြို တေးသံ

ချွေးနံ့ သေးနံ့တွေနဲ့ ရောနေတဲ့
မဲဆောက် အထည်ချုပ် စက်ရုံကြီးထဲက ကောင်မလေးရေ
ရွှေရောင် အိပ်မက်တွေကို ထမ်းပိုးရင်း
ဒုက္ခမြစ်မှာ သောကသစ်ပင်တွေ မင်းစိုက်ပျိုးနေပြီလား။

မျှော်လင့်ချက်တွေ တထမ်းတပိုးနဲ့
နယ်စပ်မျဉ်းကို ကျော်ဖြတ်
အမိအဖ မောင်ညီမ တွေအတွက်
အရဲစွန့်ပြီး လာခဲ့တဲ့မင်းဟာ
လက်တွေ့မှာ မင်းထင်သလို အခြေအနေမလှလို့
သက်မတွေ ချနေရပြီလား။

ကမ္ဘာလောကကြီးက
မင်းထင်သလောက်
မရိုးရှင်းဘူးကွဲ့ မိန်းကလေးရဲ့
ဘ၀ဆိုတာ တိုက်ပွဲတစ်ခုဆိုပေမဲ့
လက်ရုံးရည် တစ်ခုကိုအားကိုး
တိုက်ပွဲဝင်ရဲတဲ့ သတ္တိရှိရုံနဲ့
မပြည့်စုံနိုင်ဘူး
နှလုံးရည် တစ်ခုကိုအားကိုး
ကြံ့ကြံ့ခံနိုင်တဲ့ သတ္တိရှိရုံနဲ့
မလုံလောက်နိုင်ဘူး
အပေးရှိမှ အယူရှိမယ်
အလျှော်ရှိမှ အစားရှိမယ် ဆိုပေမဲ့
ပေးတိုင်းလည်း ပြန်မရနိုင်ဘူး
လျှော်တိုင်းလည်း ပြန်မစားရနိုင်တာတွေရှိတယ်
အမြီးကျက်အမြီးစား၊ ခေါင်းကျက်ခေါင်းစား ပတ်ဝန်းကျင်မှာ
မင်းအဆီ မင်းအသားကို မြိုဖို့
လူစင်စစ်က ကျားဖြစ်သွားတဲ့
အကြမ်းဖက်သမားတွေရှိတယ်။

မာယာများတဲ့ တောမှာ
မင်း မောဟိုက် နွမ်းနယ်နေပြီလား
ရေဆန်မှာကူးခတ်ရင်း
မင်း လက်ပမ်း ကျနေပြီလား
လုပ်တိုင်းမဖြစ်လို့
မင်း စိတ်ညစ်နေပြီလား
တန်ရာတန်ကြေးမရလို့
မင်း ရွာကို ပြန်ပြေးချင်နေပြီလား
အလုပ်ရှင်က လုပ်ခ ရှင်းမပေးလို့
မင်း ဒေါသထွက်နေပြီလား
နှမချင်းမစာနာ၊ ကိုယ့်အမျိုးသားချင်း မယိုင်းပင်းလို့
လူတွေအကြောင်း မင်းသဘောပေါက်နေပြီလား
အလုပ်မရှိတဲ့ရက်တွေမှာ ဟိုတွေး ဒီတွေနဲ့
ဖြတ်လမ်းက ငွေရှာရေးအတွက်
မင်းစိတ်တွေ ယိုင်နဲ့လို့များ နေလေသလား
အစားအသောက် အနေအထိုင် နုံချာလို့
မင်းအရေပြားတွေ မွဲခြောက်နေပြီလား
အပေါစားမိတ်ကပ်နဲ့ နူတ်ခမ်းနီကိုဆိုးလို့
ခေတ်တစ်ခုလုံးကို အရွဲ့တိုက်ပြစ်လိုက်ဖို့များ မင်းစဉ်းစားနေသလား။

စက်ရုံပိတ်လို့ အော်ဒါလိုက်သူတွေ
သွေးသားလှုံ့ဆော်လို့..
အခြေအနေပေးလို့..
မိဝေးဖဝေးမှာ အရမ်းကို လွတ်လပ်လို့..
တစ်ညတာ.. တစ်လတာ
အပျော်ချစ်တွေရှိတဲ့ ပတ်ဝန်းကျင်မှာ
မင်း မသာယာမိပါစေနဲ့။

ညနေခင်း စက်ရုံဆင်းချိန်တွေမှာ
တစ်ယောက်တည်း လမ်းမသလားလေနဲ့
အလုပ်သမား လက်မှတ်မရှိရင်
ဈေးထဲကိုလည်း မသွားမိစေနဲ့
ထိုင်းပုလိပ်နဲ့ လမ်းသရဲတွေဟာ
မာဖီးယားတွေကွဲ့
မင်းငွေကြေး
မင်းကိုယ်ခန္ဓာ
မင်းအသွေးအသားကို
သူတို့တွေ
ဓါးပြတိုက်ကြ ပေလိမ့်မယ်။

တောင့်ထားကွဲ့ ကောင်မလေးရဲ့
လူတစ်ယောက်ရဲ့ တန်ဖိုးဆိုတာ
ငွေကြေးနဲ့ တိုင်းတာလို့ မရနိုင်ပါဘူး
မင်းသိက္ခာ၊ မင်းကိုယ်ကျင့်တရား
လုံးပါး မပါးစေနဲ့။
အမှောင်ညကို လွန်မြောက်ရင်
အလင်းရောက်လာမှာပါ
မင်းခွန်အားကို စုစည်း
မင်းသမာဓိကို လုံခြုံပါစေ
ဒုက္ခကို အံတု
သောကကို ခြေဖျက်
“ဖြစ်သမျှအကြောင်း အကောင်းချည်းပဲလို့သာ နှလုံးသွင်း”
ခေတ်တခုလုံးကို လှောင်ပြုံးရင်း
ရဲရဲသာ ခရီးဆက်ပါ
မင်းချစ်တဲ့ နွေဦးဟာ
မကြာခင် ရောက်လာရမှာ
မင်းခူးဆွတ်ဖို့ စောင့်ရစ်တော့ ကောင်မလေးရေ။ ။

ငြိမ်းချမ်းအောင်

7 comments:

Kaung Kin Ko said...

ကမ္ဘာလောကကြီးက
မင်းထင်သလောက်
မရိုးရှင်းဘူးကွဲ့ မိန်းကလေးရဲ့
ဘ၀ဆိုတာ တိုက်ပွဲတစ်ခုဆိုပေမဲ့
လက်ရုံးရည် တစ်ခုကို အားကိုး
တိုက်ပွဲဝင်ရဲတဲ့ သတ္တိရှိရုံနဲ့
အနိုင်မရနိုင်ပြန်ဘူး
နှလုံးရည် တစ်ခုကို အားကိုး
ကြံ့ကြံ့ခံနိုင်တဲ့ သတ္တိရှိရုံနဲ့
အနိုင်မရနိုင်ပြန်ဘူး
အပေးရှိမှ အယူရှိမယ်
အလျှော်ရှိမှ အစားရှိမယ် ဆိုပေမဲ့
ပေးတိုင်းလည်း ပြန်မရနိုင်ဘူး
လျှော်တိုင်းလည်း ပြန်မစားရနိုင်တာတွေရှိတယ်
အမြီးကျက်အမြီးစား ခေါင်းကျက်ခေါင်းစား ပတ်ဝန်းကျင်မှာ
မင်းအဆီ မင်းအသားကို မြိုဖို့
လူစင်စစ်က ကျားဖြစ်သွားတဲ့
အကြမ်းဖက်သမားတွေရှိတယ်။

ကဗျာလေး အရမ်းထိတယ် ဗျာ။

Anonymous said...

rJapmuf eJh csif;rdkifrSmawGhcJh cifrifcJh&wJh rsufESmav;awGudk jrifa,muf+yD; oufjyif;awGtcgcgcsrdw,f? igwdkhEdkifiH 'DppfbD;vl;awGatmufu rvGwfajrmufoa&G@ nDrav;wdk@b0av;awG tEWm&m,fxlajymwJh 'Dvrf;c&D;rSm ab;uif;Edkifygapvdkhqkawmif; ,HkuvGJ+yD;…

Loanma

Ko NCA, could you please convert this to Burmese font? my com won't let me type in burmese font. thank you.

ဆောင်းယွန်းလ said...

တောင့်ထားကွဲ့ ကောင်မလေးရဲ့
လူတစ်ယောက်ရဲ့ တန်ဖိုးဆိုတာ
ငွေကြေးနဲ့ တိုင်းတာလို့ မရနိုင်ပါဘူး
မင်းသိက္ခာ၊ မင်းကိုယ်ကျင့်တရား
လုံးပါး မပါးစေနဲ့။
အမှောင်ညကို လွန်မြောက်ရင်
အလင်းရောက်လာမှာပါ
မင်းခွန်အားကို စုစည်း
မင်းသမာဓိကို လုံခြုံပါစေ
ဒုက္ခကို အံတု
သောကကို ခြေဖျက်
“ဖြစ်သမျှအကြောင်း အကောင်းချည်းပဲလို့သာ နှလုံးသွင်း”
ခေတ်တခုလုံးကို လှောင်ပြုံးရင်း
ရဲရဲသာ ခရီးဆက်ပါ
မင်းချစ်တဲ့ နွေဦးဟာ
မကြာခင် ရောက်လာရမှာ
မင်း ခူးဆွတ်ဖို့ စောင့်ရစ်တော့ ကောင်မလေးရေ……………။

ဒီအပိုဒ်လေးကိုအကြိုက်ဆုံးဘဲ...ကဗျာကပီပြင်တယ်ဗျို့

~P~ said...

ကဗျာလေးကမိုက်တယ်..ကောင်းတယ်..ကို nca ရေ..ဆက်ရေး ဆက်ရေး ။

Anonymous said...

မဲဆောက်နဲ့ ချင်းမိုင်မှာ တွေ့ခဲ့ ခင်မင်ခဲ့တဲ့ မျက်နှာလေးတွေကို မြင်ယောင်ပြီး သက်ပြင်းတွေအခါခါ ချမိတယ်။ ငါတို့ နိုင်ငံ ဒီစစ်ဘီလူးတွေအောက်က မလွတ်မြောက်သရွေ့ ညီမလေးတို့ ဘ၀လေးတွေ အန္တရာယ်ထူပြောတဲ့ ဒီလမ်းခရီးမှာ ဘေးကင်းနိုင်ပါစေလို့ ဆုတောင်းယုံကလွဲပြီး…

Loanma

Anonymous said...

ကောင်းတယ်ဗျာ စက်ရုံတွေ ရွေတွေများများရှိတဲ့နေရာတွေမှာ ဒီကဗျာကို လိုက်ဖြန့်သင့်တယ် တကယ်ထပြီး ကောင်မလေးတွေအပေါ် တကယ်ပဲ အကျိုးသက်ရောက်မှု့ရှိမှာပါ. ကျွန်တော်လည်း တတ်နိုင်သလောက် ဒီကဗျာကို ဖြန့်ပါမယ်.ကိုယ့်မိန်းကလေးတွေအတွက် တတ်နိုင်တဲ့ဘက်ကပေါ့..

Anonymous said...

နွေဦးကြိုကဗျာကို ဘယ်လိုနှလုံးသား၊ ဘယ်လိုခံစားမှုမျိုးနဲ့ရေးလိုက်တာလဲဗျား။ ကျနော်လည်းအဲဒီလိုမျိုးခံစားခဲ့ဘူးလို့ ခံစားခြင်းတူတယ်ဗျာ။ မြ၀တီမှာ နေပြီး မဲဆောက်ဆိုတာကို မုန်းသွားတဲ့အထိပါပဲ၊ ငြိမ်းချမ်းတဲ့နှလုံးသားကို ပိုင်ဆိုင်နိုင်ပါစေလို့ဆုတောင်းပေးပါတယ်ဗျာ။