03 April, 2009

ခြင်္သေ့

ခေတ်မကောင်းတဲ့အခါမှာလည်း
ရူးချင်ယောင်မဆောင်ဘူး
သားကောင်မရလို့လည်း
မြက်မစားဘူး
တောခွေးအတွေ အူတိုင်းလည်း
ခေါင်းထောင်မကြည့်ဘူး
ယုန်သူငယ်နဲ့လည်း
ပရောပရီမလုပ်ဘူး
ခြင်္သေ့ဟာ တောရဲ့အရောင်
တောင်ရဲ့အရိပ်ကို သိတယ်
တိုက်လာတဲ့ လေထဲကရနံ့မှာ
ရန်သူလား၊ မိတ်ဆွေလားခွဲခြားသိတယ်
ဒဏ်ရာဒဏ်ချက်တွေနဲ့
ဝမ်းနည်းပက်လက် နေ့ရက်တွေမှာတောင်
ခြင်္သေ့ဆိုတာ အကြီးမြတ်ဆုံးရှင်သန်တယ်။ ။

ငြိမ်းချမ်းအောင်
၂၅ မတ်၊ ၂၀၀၉

6 comments:

ကိုအောင်(ပျူနိုင်ငံ) said...

ကဗျာက ကောင်းပါတယ် ကိုငြိမ်းချမ်းရေ။ အိမ်ထောင်
ကျခါစ အလုပ်များနေလို့ ကျနော်လည်း ပို့စ်အသစ်
မတင်နိုင်သေးဘူး ဖြစ်နေတယ်။ အားပေးလျက်၊ ရောက်
ပါတယ်။

မိုးမြင့်အောင် said...

ကိုငြိမ်းချမ်းအောင်..အပြင်းစားတွေ ပေါက်ကွဲသံတွေကြားမိသလိုပဲ။ ကြိုက်တယ်။ ဒီညကျနော်ဆီလည်းလာလည်ပါဦး

အောင်သာငယ် said...

ကောင်းတယ်... လိုတိုရှင်းပါပဲ...

ဆောင်းယွန်းလ said...

ရဲရင့်တဲ့ကေသရာဇာရဲ့ အားမာန်အပြည့်ကို တွေ့နေရပါတယ်ကဗျာဆရာရေ...

MyowinZaw said...

ကဗျာကောင်းတယ်ဗျို့ တကယ့်ခြင်္သေ့ဘဲ

ဧဏီမင်း said...

ခြင်္သေ့ ကဗျာလေး မိုက်တယ်ဗျာ... ခြင်္သေ့ရဲ့ သရုပ်ဖေါ်ထားတာ သိပ်ပီပြင်တာပဲ... မရောက်တာ ကြာနေတာ.. လာလည်တဲ့အတွက် ကျေးဇူးတင်ပါတယ်.....